2 Samuel 22:43 - Li Santil hu

⁴³ Chanchaneb li poks li nacꞌameꞌ xban ikꞌ nak xinsach ruheb. Chanchan yekꞌinbileb joꞌ li sulul saꞌ be xinba̱nu reheb.

Q'eqchi Bible

⁴³ Xinke'eb' jo' li pojtz' nak'ame'k xb'aan iq', chanchaneb' xseb'ul li b'e naq xeb'inyeq'i.

2 Samuel 22:43 ပူးပေါင်းရင်းမြစ်များ

Miqueas 7:10

Ut eb li xicꞌ nequeꞌiloc ke teꞌril nak li Dios cuan kiqꞌuin. Teꞌcꞌutekꞌ xxuta̱n li ani queꞌyehoc ke: ¿Bar cuan li Ka̱cuaꞌ le̱ Dios? La̱o takil nak teꞌsachekꞌ li xicꞌ nequeꞌiloc ke. Takil nak teꞌyekꞌi̱k joꞌ nayekꞌi̱c li sulul saꞌ be.

Isaías 10:6

La̱in nintaklaheb laj Asiria chi pletic riqꞌuineb laj Israel xban nak incꞌaꞌ useb xnaꞌleb. Nintaklaheb chi pletic riqꞌuineb li nequeꞌqꞌuehoc injoskꞌil re nak teꞌelkꞌa̱k li cꞌaꞌru reheb. Nintaklaheb chi numta̱c saꞌ xbe̱neb lin tenamit. Teꞌxyekꞌi saꞌ rokeb. Chanchan nak nayekꞌi̱c li sulul saꞌ be.—

2 Reyes 13:7

Ma̱cꞌaꞌ chic xsoldado laj Joacaz queꞌcana. Mero ciento aj chic lix soldado li nequeꞌxic chirix cacua̱y, laje̱b aj chic lix carruaje ut laje̱b mil aj chic li soldado li nequeꞌxic chi rokeb. Ut eb li jun chꞌol chic queꞌsacheꞌ ruheb xbaneb laj Asiria. Chanchan nak nayekꞌi̱c li poks saꞌ chꞌochꞌ nak queꞌsacheꞌ ruheb.

Zacarías 10:5

Cauhakeb rib laj Israel chi pletic joꞌ li soldado li nequeꞌxyekꞌi li xicꞌ nequeꞌiloc reheb saꞌ li sulul li cuan saꞌ be. Teꞌnumta̱k saꞌ xbe̱neb li xicꞌ nequeꞌiloc reheb xban nak la̱in li Ka̱cuaꞌ tincua̱nk riqꞌuineb. Teꞌxcꞌut xxuta̱neb li nequeꞌchal chirix cacua̱y chi pletic riqꞌuineb.

San Lucas 21:24

Cuan li teꞌcamsi̱k riqꞌuin chꞌi̱chꞌ ut cuan li teꞌchapekꞌ ut teꞌcꞌamekꞌ chi pre̱xil saꞌ eb li jalan tenamit. Ut li tenamit Jerusalén ta̱cana̱k rubel xcuanquileb li ma̱cuaꞌeb aj judío toj ta̱cuulak xkꞌehil nak li Dios ta̱risiheb lix cuanquileb li ma̱cuaꞌeb aj judío, chan li Jesús.

Malaquías 4:1

Li Ka̱cuaꞌ Dios quixye: —Relic chi ya̱l cuulac re xkꞌehil nak la̱in tinrakok a̱tin. Chanchan li xam li cuan saꞌ li horno nak tinrakok a̱tin saꞌ xbe̱neb li tenamit. Aran teꞌosokꞌ li nequeꞌxnimobresi ribeb joꞌqueb ajcuiꞌ li nequeꞌba̱nun ma̱usilal. Chanchanakeb li qꞌuim nak teꞌcꞌatk saꞌ li cutan aꞌan. Ut ma̱ jun chic teꞌcolekꞌ.

Zacarías 2:6

Li Ka̱cuaꞌ quixye reheb lix tenamit: —Abihomak la̱ex aj Israel. La̱in xinjeqꞌuin e̱ru saꞌ chixjunil li ruchichꞌochꞌ. Anakcuan tex-e̱lk saꞌ li naꞌajej li cuan saꞌ li norte.

Daniel 2:35

Ut quimuchꞌeꞌ ajcuiꞌ li hierro, li cꞌatbil saklun, li bronce, li plata ut li oro. Ut poks quicana chanchan xpoksil li trigo li nacana nak nayekꞌiman re risinquil saꞌ rix. Ut lix poksil li chꞌi̱chꞌ ut li cꞌatbil saklun quicꞌameꞌ chi junaj cua xban ikꞌ. Abanan li pec quicana ut quiniman toj retal quicuulac xnimal joꞌ jun li tzu̱l ut quixtzꞌap chixjunil li ruchichꞌochꞌ.

Isaías 26:15

At Ka̱cuaꞌ, la̱at xatqꞌuehoc re chi nima̱nc li katenamit ut a̱cꞌulub nak ta̱qꞌuehekꞌ a̱lokꞌal. Ut xanimobresi lix nuba̱l li kanaꞌaj.

Salmos 35:5

Chanchanakeb lix mokoj ixim li nacꞌameꞌ xban li ikꞌ nak teꞌa̱lina̱k xban lix ángel li Ka̱cuaꞌ.

Salmos 18:42

Chanchaneb li poks li nacꞌameꞌ xban ikꞌ nak xinsach ruheb. Xintzꞌekta̱naheb joꞌ li sulul saꞌ be.

Deuteronomio 32:26

Ut xinye nak tinjeqꞌuiheb yalak bar. Ut incꞌaꞌ chic teꞌpatzꞌekꞌ xcꞌabaꞌeb.

Isaías 41:2

¿Ani xqꞌuehoc re saꞌ xchꞌo̱l li jun li cuan saꞌ li este nak ta̱cꞌanjelak saꞌ ti̱quilal? Ut, ¿ani xkꞌaxtesin saꞌ rukꞌ li xni̱nkal ru tenamit? ¿Ani xqꞌuehoc re chi numta̱c saꞌ xbe̱neb li rey? Naxsach ruheb riqꞌuin xchꞌi̱chꞌ. Chanchaneb li poks chiru. Naxjeqꞌuiheb riqꞌuin lix tzimaj. Chanchaneb li qꞌuim li nacꞌameꞌ xban ikꞌ.

Isaías 41:25

La̱in xinsicꞌ ru jun saꞌ li este. Aꞌan ta̱cha̱lk saꞌ li norte chi pletic. Aꞌan tixya̱ba lin cꞌabaꞌ ut ta̱numta̱k saꞌ xbe̱neb li cuanqueb xcuanquil. Chanchanakeb li sulul chiru malaj ut joꞌakeb li seb chiru laj pacꞌonel.

2 Samuel 7:9

La̱in xintenkꞌan a̱cue saꞌ chixjunil li naꞌajej xatcuulac cuiꞌ ut xinkꞌaxtesi saꞌ a̱cuukꞌ chixjunileb li xicꞌ nequeꞌiloc a̱cue. Xinqꞌue a̱cuanquil joꞌ lix cuanquileb li xni̱nkal ru cui̱nk li cuanqueb saꞌ ruchichꞌochꞌ.