2 Samuel 22:42 - Li Santil hu

⁴² Xeꞌxjap reheb chixtzꞌa̱manquil xtenkꞌanquil, abanan ma̱ ani quicoloc reheb. Queꞌxtzꞌa̱ma xtenkꞌanquileb a̱cue, at Ka̱cuaꞌ. Abanan la̱at incꞌaꞌ casume lix tijeb.

Q'eqchi Bible

⁴² Chajchookeb' re chi xpatz'b'aleb' xtenq'aal, ab'anan maajun xkolok reheb'; xe'xyaab'a xk'ab'a' li Qaawa', ab'an ink'a' xsumeheb' li xtij.

2 Samuel 22:42 ပူးပေါင်းရင်းမြစ်များ

Isaías 1:15

Incꞌaꞌ chic nacuaj rilbal nak te̱taksi le̱ rukꞌ chi tijoc. Usta qꞌuila sut nequextijoc, abanan la̱in incꞌaꞌ chic tincuabi xban nak la̱ex aj camsinel.

1 Samuel 28:6

Laj Saúl quixpatzꞌ re li Dios cꞌaꞌru tixba̱nu. Abanan li Dios incꞌaꞌ chic quixsume chi moco saꞌ xmatcꞌ, chi moco riqꞌuin li Urim, chi moco xbaneb li profetas.

Miqueas 3:4

Te̱ya̱ba raj chic xcꞌabaꞌ li Ka̱cuaꞌ, abanan aꞌan incꞌaꞌ chic texsume. Xmukbal ban chic rib tixba̱nu che̱ru saꞌ eb li cutan aꞌan, xban nak numtajenak li ma̱usilal ac xeba̱nu.

Proverbios 1:28

Saꞌ li cutan aꞌan tine̱ya̱ba raj chic. Abanan la̱in incꞌaꞌ texinsume. Tine̱sicꞌ raj chic, abanan incꞌaꞌ tine̱tau,

Ezequiel 20:3

—At ralal cui̱nk, tat-a̱tinak riqꞌuineb li cui̱nk aꞌin li nequeꞌcꞌamoc be saꞌ xya̱nkeb laj Israel ut ta̱ye reheb: Aꞌan aꞌin li naxye li nimajcual Dios. ¿Ma xexchal chixpatzꞌbal e̱naꞌleb cuiqꞌuin? La̱in li yoꞌyo̱quil Dios ninye e̱re nak la̱in incꞌaꞌ tinsume li cꞌaꞌru xexchal chixpatzꞌbal cue.

Li xHu LAJ JOB 27:9

¿Ma ta̱rabi ta biꞌ li Dios nak teꞌtijok chiru nak ta̱cha̱lk li chꞌaꞌajquilal saꞌ xbe̱neb?

Isaías 17:7

Saꞌ eb li cutan aꞌan eb li cristian teꞌxtzꞌa̱ma xtenkꞌanquil riqꞌuin li Ka̱cuaꞌ li quiyoꞌobtesin reheb. Teꞌsukꞌi̱k cuiꞌchic riqꞌuin li Dios santo, lix Dioseb laj Israel.

Isaías 17:8

Incꞌaꞌ chic teꞌxcꞌojob xchꞌo̱leb riqꞌuineb li artal li queꞌxyi̱b riqꞌuin rukꞌeb. Incꞌaꞌ chic teꞌxlokꞌoni lix jalam u̱ch lix Asera li queꞌxyi̱b, chi moco teꞌxlokꞌoni li sakꞌe.