2 Samuel 22:4 - Li Santil hu

⁴ Tinqꞌue xlokꞌal li Ka̱cuaꞌ xban nak xcꞌulub nak ta̱qꞌuehekꞌ xlokꞌal. Tinya̱ba xcꞌabaꞌ li Ka̱cuaꞌ ut aꞌan ta̱colok cue chiruheb li xicꞌ nequeꞌiloc cue.

Q'eqchi Bible

⁴ Ninyaab'a xk'ab'a' li Qaawa' xb'aan naq xk'ulub' nimaak ru, ut kolb'ilin chik chiruheb' li xik' neke'ilok we.

2 Samuel 22:4 ပူးပေါင်းရင်းမြစ်များ

Salmos 18:3

At Ka̱cuaꞌ, nacatinlokꞌoni xban nak a̱cꞌulub li lokꞌoni̱c. Ninya̱ba la̱ cꞌabaꞌ ut niquina̱col chiruheb li xicꞌ nequeꞌiloc cue.

Apocalipsis 5:12

Queꞌxye chi cau xya̱b xcux: Li Jun li chanchan carner li quicamsi̱c, aꞌan xcꞌulub nak ta̱qꞌuehekꞌ xlokꞌal xban nak numtajenak xcuanquil, xbiomal, xnaꞌleb, ut xcacuilal. Ut xcꞌulub nak ta̱qꞌuehekꞌ xlokꞌal, ta̱nima̱k ru ut ta̱lokꞌoni̱k.

Romanos 10:13

Joꞌcaꞌin tzꞌi̱banbil saꞌ li Santil Hu: Yalak ani ta̱ya̱ba̱nk re xcꞌabaꞌ li Ka̱cuaꞌ, aꞌan ta̱colekꞌ.

Salmos 116:2

Xban nak li Ka̱cuaꞌ naxsume li cꞌaꞌru nintzꞌa̱ma chiru, la̱in tintzꞌa̱ma intenkꞌanquil chiru joꞌ najtil tincua̱nk saꞌ ruchichꞌochꞌ.

Salmos 96:4

Kꞌaxal nim xcuanquil li nimajcual Dios ut xcꞌulub nak takaqꞌue xlokꞌal. Aꞌan li tento ta̱xucua̱k ru xban nak aꞌan li kꞌaxal nim xcuanquil chiruheb chixjunileb li jalanil dios.

Salmos 48:1

Kꞌaxal nim lix cuanquil li Ka̱cuaꞌ ut xcꞌulub nak teꞌxqꞌue lix lokꞌal saꞌ lix tenamit li kaDios ut saꞌ li santil tzu̱l Sión xcꞌabaꞌ.

Apocalipsis 4:11

Ut queꞌxye re: At Ka̱cuaꞌ, at kaDios, a̱cꞌulub nak takaqꞌue a̱lokꞌal. A̱cꞌulub nak ta̱nima̱k a̱cuu ut ta̱qꞌuehekꞌ a̱cuanquil xban nak la̱at catyi̱ban re chixjunil li cꞌaꞌru cuan. Xban nak joꞌcan xacuaj la̱at, joꞌcan nak xayoꞌobtesiheb li cꞌaꞌru cuanqueb.

Salmos 116:17

La̱in tinya̱ba lix cꞌabaꞌ li nimajcual Dios ut tinmayejak re xbantioxinquil chiru.

Salmos 116:13

La̱in tinya̱ba lix cꞌabaꞌ li Ka̱cuaꞌ ut tinmayejak chiru re xbantioxinquil chiru nak xinixcol.

Salmos 116:4

Abanan quinya̱ba xcꞌabaꞌ li Dios ut quinye: —At nimajcual Dios, china̱col taxak chiru li ca̱mc.—

Salmos 106:2

¿Ani ta cuiꞌ ta̱ru̱k ta̱yehok resil chixjunil li sachba chꞌo̱lej li nalajxba̱nu li Ka̱cuaꞌ? Ut, ¿ani ta cuiꞌ ta̱ru̱k tixlokꞌoni chi tzꞌakal re ru li Dios?

Salmos 66:2

Chebicha xlokꞌal lix cꞌabaꞌ ut chenima̱k ru.

Salmos 56:9

Eb li xicꞌ nequeꞌiloc cue teꞌe̱lelik nak tinya̱ba la̱ santil cꞌabaꞌ. La̱in ninnau nak teꞌe̱lelik xban nak la̱at tattenkꞌa̱nk cue, at inDios.

Salmos 55:16

Abanan la̱in tinya̱ba xcꞌabaꞌ li Ka̱cuaꞌ Dios re nak aꞌan ta̱colok cue.

Salmos 50:15

Chine̱ya̱bak nak cua̱nkex saꞌ raylal ut la̱in texincol ut la̱ex te̱qꞌue inlokꞌal, chan li Dios.

Salmos 34:6

Nak kꞌaxal ra cuanquin, quintzꞌa̱ma intenkꞌanquil re li Ka̱cuaꞌ, ut aꞌan quixsume li quintzꞌa̱ma re ut quinixcol chiru li raylal.

Nehemías 9:5

Laj Jesúa, laj Cadmiel, laj Bani, laj Hasabnías, laj Serebías, laj Hodías, laj Sebanías, ut laj Petaías queꞌxye reheb li tenamit: —Cuaclinkex. Qꞌuehomak xlokꞌal li Ka̱cuaꞌ li kaDios, li kꞌaxal nim xcuanquil. Qꞌuehomak xlokꞌal chi junelic. Chiqꞌuehekꞌ taxak xlokꞌal lix lokꞌlaj cꞌabaꞌ ut chinima̱k taxak ru chi junelic kꞌe cutan.—

2 Crónicas 20:22

Saꞌ li ho̱nal nak queꞌxtiquib bicha̱nc laj Judá ut laj Jerusalén re xqꞌuebal xlokꞌal li Ka̱cuaꞌ, eb laj Amón ut eb laj Moab joꞌ ajcuiꞌ eb li queꞌchal chak saꞌ li tzu̱l Seir, eb li yo̱queb chi cha̱lc chi pletic riqꞌuineb laj Judá, queꞌoc chixpletinquil ribeb chi ribileb rib xban nak li Dios quixsach xnaꞌlebeb.