2 Samuel 22:36 - Li Santil hu

³⁶ At Ka̱cuaꞌ, la̱at nacatcoloc cue, ut xban xnimal la̱ cuusilal xniman incuanquil.

Q'eqchi Bible

³⁶ “Laa'at nakattenq'ank we ut nikinaakol jo'kat jun koleb' ch'iich'; rik'in xnimal aawuxtaan nintaw xkawub' linch'ool.

2 Samuel 22:36 ပူးပေါင်းရင်းမြစ်များ

Efesios 6:16

Chirix chixjunil aꞌin chicua̱nk ajcuiꞌ le̱ pa̱ba̱l. Ut aꞌan ta̱cꞌanjelak e̱re joꞌ le̱ ramleb chꞌi̱chꞌ. Le̱ pa̱ba̱l ta̱cꞌanjelak re xcolbal e̱rib chiru laj tza nak tixyal e̱ra̱lenquil. Riqꞌuin aꞌin ta̱ru̱k te̱chup xxamlel lix tzimaj laj tza.

Salmos 115:14

Aꞌ ta li Ka̱cuaꞌ chiqꞌuehok nabal le̱ ralal e̱cꞌajol. Ut aꞌan ta ajcuiꞌ chiqꞌuehok nabal li ralal xcꞌajol le̱ ralal e̱cꞌajol.

Salmos 84:11

Li Ka̱cuaꞌ Dios, aꞌan li nacutanobresin re li kacꞌaꞌux ut aꞌan li nacoloc ke. Ut incꞌaꞌ narisi chiku li cꞌaꞌru us chokꞌ ke la̱o li nococuan saꞌ ti̱quilal.

Salmos 18:35

At Ka̱cuaꞌ, la̱at nacat-iloc cue ut nacatcoloc cue. La̱at nacattenkꞌan cue riqꞌuin xnimal la̱ cuanquilal. Yal xban la̱ cuusilal nak cuan incuanquil.

Génesis 22:17

Kꞌaxal numtajenak li usilal tinba̱nu a̱cue. Joꞌ xqꞌuialeb li chahim li cuanqueb saꞌ choxa, joꞌcan ajcuiꞌ xqꞌuialeb la̱ cualal a̱cꞌajol li teꞌcua̱nk. Ut joꞌ xqꞌuial li cocꞌ ru li samaib li cuanqueb chire li palau nak teꞌta̱mk la̱ cualal a̱cꞌajol. Ut kꞌaxal cuiꞌchic nimak xcuanquileb la̱ cualal a̱cꞌajol chiruheb li xicꞌ teꞌilok reheb aꞌan.

Génesis 15:1

Chanchan matqꞌuec yo̱ laj Abram nak li Dios quixcꞌutbesi rib chiru saꞌ visión. Li Dios quixye re: —Matxucuac, Abram, xban nak la̱in tin-ilok a̱cue. Kꞌaxal numtajenak la̱ kꞌajca̱munquil tinqꞌue, chan li Dios.

Génesis 12:2

—Eb la̱ cualal a̱cꞌajol teꞌqꞌuia̱nk. Ut ta̱nima̱nk lix cuanquileb saꞌ ruchichꞌochꞌ. Ut la̱in tin-osobtesi̱nk a̱cue. Ut la̱ cꞌabaꞌ naꞌno̱k ru yalak bar. Saꞌ a̱cꞌabaꞌ la̱at, nabaleb chic li cristian teꞌxcꞌul li usilal xban nak la̱at sicꞌbil a̱cuu inban.

Efesios 6:17

Li colba-ib ta̱cꞌanjelak e̱re joꞌ nak nacꞌanjelac re li soldado lix tzꞌapbal xjolom. Li Santil Musikꞌej tixcꞌut che̱ru li ra̱tin li Dios. Aꞌan ta̱cꞌanjelak che̱ru joꞌ nak nacꞌanjelac li chꞌi̱chꞌ chiru li soldado.