2 Samuel 22:3 - Li Santil hu

³ Li Ka̱cuaꞌ, aꞌan lin Dios. Aꞌan li nacoloc cue. Cau inchꞌo̱l riqꞌuin. Chanchan li chꞌi̱chꞌ li nincol cuiꞌ cuib. Aꞌan nacoloc cue riqꞌuin xnimal xcuanquil. Chanchan jun naꞌajej najt xteram bar ninmuk cuiꞌ cuib. Aꞌan li nacoloc cue chiru li ra xi̱cꞌ.

Q'eqchi Bible

³ ut linYos. Laa'at li saqoonak li ninkol wi' wib', jo'kat li koleb' ch'iich' nakolok we; laa'at laj k'aak'alehom ut laj tenq'ahom we, laa'at laj kolonel li na'isink we sa' li raaxiik'.

2 Samuel 22:3 ပူးပေါင်းရင်းမြစ်များ

Salmos 9:9

At Ka̱cuaꞌ, caꞌaj cuiꞌ a̱cuiqꞌuin teꞌxcol rib li rahobtesinbileb. Ut a̱cuiqꞌuin ajcuiꞌ teꞌxcol rib jokꞌe cuanqueb saꞌ raylal.

Isaías 12:2

Li Ka̱cuaꞌ, aꞌan li nacoloc cue. Cau inchꞌo̱l riqꞌuin. Joꞌcan nak incꞌaꞌ tinxucuak. Li Ka̱cuaꞌ, li nimajcual Dios, aꞌan naqꞌuehoc xcacuil inchꞌo̱l ut aꞌan li ninbicha ru, chaꞌakeb.

Proverbios 18:10

Kꞌaxal lokꞌ xcꞌabaꞌ li Ka̱cuaꞌ ut kꞌaxal nim xcuanquil. Caꞌaj cuiꞌ riqꞌuin aꞌan nequeꞌxic chixsicꞌbal lix colbaleb li ti̱queb xchꞌo̱l.

Proverbios 30:5

Li Ka̱cuaꞌ nacoloc reheb li nequeꞌxcꞌojob xchꞌo̱l riqꞌuin. Chixjunil li naxye li Ka̱cuaꞌ ya̱l ut tzꞌakal re ru.—

Salmos 46:11

Li Ka̱cuaꞌ, li kꞌaxal nim xcuanquil, aꞌan li cuan kiqꞌuin. Aꞌan lix Dios laj Jacob. Ut aꞌan ajcuiꞌ li nacoloc ke.

Salmos 18:2

La̱at nacatcoloc cue. Caꞌaj cuiꞌ a̱cuiqꞌuin naru nincol cuib chiruheb li xicꞌ nequeꞌiloc cue. La̱at nacat-iloc cue, at inDios, re nak ma̱cꞌaꞌ tincꞌul. Chanchanat jun li sako̱nac bar ta̱ru̱k tincol cuiꞌ cuib. La̱at nacatcoloc cue joꞌ jun li ramleb chꞌi̱chꞌ li naxcol cuiꞌ rib li soldado. La̱at niquina̱col riqꞌuin lix nimal la̱ cuanquilal.

Deuteronomio 33:29

Us xak e̱re la̱ex aj Israel. ¿Ma cuan ta biꞌ junak chic tenamit juntakꞌe̱t e̱riqꞌuin la̱ex? La̱ex colbilex xban li Ka̱cuaꞌ. Li Ka̱cuaꞌ, aꞌan li ta̱tenkꞌa̱nk e̱re ut aꞌan li ta̱colok e̱re. Aꞌan ta̱qꞌuehok e̱re chi numta̱c saꞌ xbe̱neb li xicꞌ nequeꞌiloc e̱re. Eb li xicꞌ nequeꞌiloc e̱re teꞌxcuikꞌib ribeb che̱ru xban xxiuheb ut la̱ex texnumta̱k saꞌ xbe̱neb lix tenamit li queꞌxnimobresi cuiꞌ ribeb.

Génesis 15:1

Chanchan matqꞌuec yo̱ laj Abram nak li Dios quixcꞌutbesi rib chiru saꞌ visión. Li Dios quixye re: —Matxucuac, Abram, xban nak la̱in tin-ilok a̱cue. Kꞌaxal numtajenak la̱ kꞌajca̱munquil tinqꞌue, chan li Dios.

Hebreos 2:13

Ut quixye cuiꞌchic: Cauhak inchꞌo̱l riqꞌuin li Dios. Ut quixye ajcuiꞌ: Cueꞌquin arin la̱in, cuochbeneb li ralal xcꞌajol li Dios li xkꞌaxtesi saꞌ cuukꞌ. (Isa. 8:17-18)

San Lucas 1:69

Xqꞌue jun laj Colol ke kꞌaxal nim xcuanquil. Quixsicꞌ ru saꞌ xya̱nkeb li ralal xcꞌajol li rey David laj cꞌanjel chiru.

Salmos 144:2

Li Ka̱cuaꞌ, aꞌan li na-uxta̱nan cuu. Caꞌaj cuiꞌ riqꞌuin aꞌan naru nincol cuib. Aꞌan li natenkꞌan cue ut aꞌan li na-iloc cue. Aꞌan li naqꞌuehoc xcacuil inchꞌo̱l. Ut aꞌan li naqꞌuehoc reheb li tenamit rubel incuanquil.

Salmos 59:16

Abanan la̱in tinbicha la̱ lokꞌal xban nak kꞌaxal nim la̱ cuanquil. Rajlal ekꞌela tinqꞌue a̱lokꞌal xban la̱ cuuxta̱n xban nak la̱at nacatcoloc cue. Ut a̱cuiqꞌuin nincol cuib nak cuanquin saꞌ raylal.

Salmos 14:6

Li incꞌaꞌ useb xnaꞌleb nequeꞌxseꞌe li cꞌaꞌru nequeꞌxba̱nu li rahobtesinbileb. Aban li rahobtesinbileb nequeꞌxnau nak li Dios ta̱tenkꞌa̱nk reheb.

Jeremías 16:19

Laj Jeremías quixye: —At Ka̱cuaꞌ la̱at nacatqꞌuehoc incacuilal ut la̱at nacatqꞌuehoc inmetzꞌe̱u. A̱cuiqꞌuin nincol cuib nak cuanquin saꞌ raylal. Eb li najtil tenamit teꞌcha̱lk a̱cuiqꞌuin ut teꞌxye, “Relic chi ya̱l nak li yi̱banbil dios li xeꞌxlokꞌoni chak li kaxeꞌto̱nil yucuaꞌ moco ya̱l ta. Ma̱cꞌaꞌ nequeꞌoc cuiꞌ.

Isaías 32:2

Li rey aꞌan tixtenkꞌaheb li tenamit. Chanchanak jun li naꞌajej bar naru teꞌxcol cuiꞌ ribeb li tenamit chiru li hab ut li ikꞌ. Chanchanak li rok haꞌ li nanumeꞌ saꞌ li chaki chꞌochꞌ. Chanchanak jun li sako̱nac li tixqꞌue xmu saꞌ li tikcual chꞌochꞌ.

Salmos 140:4

At nimajcual Dios, china̱col taxak chiruheb li incꞌaꞌ useb xnaꞌleb. China̱col taxak chiruheb li yo̱queb xcꞌu̱banquil ru chanru nak tineꞌxchap.

Salmos 55:9

At Ka̱cuaꞌ, chasacheb taxak ruheb ut incꞌaꞌ ta chic teꞌxtau ru li cꞌaꞌru nequeꞌxye chi ribileb rib xban nak ac xinqꞌue retal nak junes pletic nequeꞌraj. Kꞌaxal nabal li raylal yo̱queb chixba̱nunquil saꞌ li tenamit.

Salmos 46:7

Li Dios li kꞌaxal nim xcuanquil, aꞌan li cuan kiqꞌuin. Aꞌan lix Dios laj Jacob ut aꞌan ajcuiꞌ li nacoloc ke.

San Lucas 1:71

Quixye reheb nak toxcol chiruheb li xicꞌ nequeꞌiloc ke ut torisi rubeleb xcuanquil.

Salmos 140:11

Incꞌaꞌ ta najt teꞌcua̱nk saꞌ ruchichꞌochꞌ li nequeꞌyoꞌoban a̱tin. Aꞌ ta li raylal li nequeꞌxba̱nu chisachok ruheb li nequeꞌxrahobtesi ras ri̱tzꞌin.

Salmos 140:1

At nimajcual Dios, china̱col taxak chiruheb li incꞌaꞌ useb xnaꞌleb. China̱col taxak chiruheb li nequeꞌxrahobtesi ras ri̱tzꞌin.

Salmos 86:14

At inDios, eb li kꞌetkꞌeteb teꞌraj numta̱c saꞌ inbe̱n ut yo̱queb chixcꞌu̱banquil ru chanru nak tineꞌxcamsi. Eb aꞌan incꞌaꞌ nequeꞌxqꞌue a̱lokꞌal.

Salmos 84:11

Li Ka̱cuaꞌ Dios, aꞌan li nacutanobresin re li kacꞌaꞌux ut aꞌan li nacoloc ke. Ut incꞌaꞌ narisi chiku li cꞌaꞌru us chokꞌ ke la̱o li nococuan saꞌ ti̱quilal.

Salmos 84:9

At Ka̱cuaꞌ, la̱at laj Colol ke. Chacuosobtesi taxak li rey li sicꞌbil ru a̱ban.

Salmos 72:14

Aꞌan ta̱colok reheb chiru li raylal ut li ma̱usilal xban nak kꞌaxal lokꞌ lix yuꞌameb chiru.

Salmos 71:7

Nabaleb li nequeꞌsach xchꞌo̱l chicuilbal chanru nak niquina̱col chiru li qꞌuila raylal li nincꞌul.

Salmos 61:3

La̱at li nacatcoloc cue. La̱at joꞌ jun li torre cau bar naru tincol cuiꞌ cuib chiruheb li xicꞌ nequeꞌiloc cue.

Salmos 46:1

Li Dios, aꞌan li naqꞌuehoc xcacuilal kachꞌo̱l. Caꞌaj cuiꞌ riqꞌuin aꞌan naru nakacol kib: Aꞌan cuan kiqꞌuin junelic chikatenkꞌanquil saꞌ xkꞌehil li raylal.

Salmos 28:7

Li Ka̱cuaꞌ naqꞌuehoc inmetzꞌe̱u ut aꞌan nacoloc cue. La̱in cau inchꞌo̱l riqꞌuin. Aꞌan natenkꞌan cue. Kꞌaxal sa inchꞌo̱l ut tinbicha̱nk re xbantioxinquil chiru li Ka̱cuaꞌ.

Salmos 27:5

Nak ta̱cuulak xkꞌehil nak ta̱cha̱lk li raylal saꞌ inbe̱n, li Ka̱cuaꞌ ta̱colok cue. Tinixcol saꞌ li templo. Tinixqꞌue saꞌ xbe̱n junak sako̱nac ut tinixcol chiruheb li xicꞌ nequeꞌiloc cue.

Salmos 5:12

La̱at, at Ka̱cuaꞌ, ta̱cuosobtesiheb li ti̱queb xchꞌo̱l. Ut riqꞌuin xnimal la̱ cuusilal ta̱coleb chiruheb li xicꞌ nequeꞌiloc reheb, joꞌ nak li soldado naxcol rib riqꞌuin lix ramleb chꞌi̱chꞌ.

Salmos 3:3

Aban la̱at, at Ka̱cuaꞌ, at inDios, junelic niquina̱col chiru li raylal. Nacaqꞌue inlokꞌal ut nacaqꞌue xcacuil inchꞌo̱l.

2 Samuel 22:51

Riqꞌuin xnimal xcuanquil li Ka̱cuaꞌ xinixcol xban nak la̱in li quinixxakab chokꞌ rey. Ut aꞌan ta̱uxta̱na̱nk cuu, la̱in li sicꞌbil cuu. Ut ta̱ruxta̱na ajcuiꞌ ruheb li cualal incꞌajol chi junelic, chan laj David.

2 Samuel 22:49

Li Ka̱cuaꞌ, aꞌan li nacoloc cue chiruheb li xicꞌ nequeꞌiloc cue. Ut aꞌan naqꞌuehoc incuanquil chi numta̱c saꞌ xbe̱neb li nequeꞌraj pletic cuiqꞌuin. Ut aꞌan ajcuiꞌ nacoloc cue chiruheb li nequeꞌrahobtesin cue.

1 Samuel 2:1

Lix Ana quitijoc chiru li Dios ut quixye chi joꞌcaꞌin: —At Ka̱cuaꞌ, la̱in nasahoꞌ saꞌ inchꞌo̱l a̱cuiqꞌuin xban nak la̱at nacaqꞌue incacuilal re nak naru ninsumeheb li xicꞌ nequeꞌiloc cue. Cꞌajoꞌ xsahil inchꞌo̱l xban nak la̱at xattenkꞌan cue, chan lix Ana saꞌ lix tij.

Deuteronomio 32:37

Ut li Ka̱cuaꞌ tixye reheb: —¿Bar cuanqueb le̱ dios li cꞌojcꞌo cuiꞌ le̱ chꞌo̱l?

Tito 3:6

Xban nak li Jesucristo quicam re kacolbal, numtajenak li kosobtesinquil xban li Dios nak quixqꞌue chak li Santil Musikꞌej chi cua̱nc kiqꞌuin.

Tito 3:4

Abanan quicuulac xkꞌehil nak li Dios laj Colol ke quixcꞌutbesi chiku li rusilal ut li ruxta̱n.

San Lucas 1:47

Nasahoꞌ saꞌ inchꞌo̱l riqꞌuin li Dios laj Colol cue,

Jeremías 16:9

Li Ka̱cuaꞌ li nimajcual Dios, lix Dioseb laj Israel quixye: —La̱in tincuisi li sahil chꞌo̱lejil saꞌ li tenamit aꞌin. Incꞌaꞌ chic ta̱abi̱k xbicheb li tenamit nak saheb saꞌ xchꞌo̱l. Ma̱cꞌaꞌak chic li ninkꞌe saꞌ eb li tenamit chi moco ta̱cua̱nk sumla̱c. Eb li cuanqueb anakcuan teꞌril nak tinba̱nu aꞌin.

Isaías 45:21

A̱tinankex re xcolbal rixeb le̱ yi̱banbil dios. Chepatzꞌak saꞌ comonil. ¿Ani li quiyehoc chak re najter kꞌe cutan li cꞌaꞌru talajcꞌulma̱nk? ¿Ma ma̱cuaꞌ ta biꞌ la̱in li Ka̱cuaꞌ, li nimajcual Dios? La̱in li nincoloc reheb lin tenamit. Ma̱ jun chic Dios cuan chicuu la̱in. Caꞌaj cuiꞌ la̱in li tzꞌakal Dios.

Salmos 32:7

A̱cuiqꞌuin nincol cuib. La̱at nacattenkꞌan cue nak cuanquin saꞌ raylal. La̱in tinbicha a̱lokꞌal xban nak la̱at junelic cuancat cuiqꞌuin chincolbal.

Salmos 142:4

Chaqꞌue taxak retal. Ma̱ ani cuan arin re tinixcol. Ma̱ ani natenkꞌan cue. Ma̱ ani nacꞌoxlan cue.

Deuteronomio 32:4

Li Ka̱cuaꞌ, aꞌan li nacoloc ke joꞌ jun li sako̱nac li nequeꞌxcol cuiꞌ ribeb li tenamit. Li Ka̱cuaꞌ, aꞌan kꞌaxal cha̱bil ut ti̱c xchꞌo̱l. Naxba̱nu li ti̱quilal. Li Ka̱cuaꞌ kꞌaxal cha̱bil. Incꞌaꞌ naxba̱nu li incꞌaꞌ us. Junelic ban naxba̱nu li us ut li ti̱quilal.

1 Samuel 2:2

Ut quixye ajcuiꞌ: —Ma̱cꞌaꞌ chic junak Dios santo joꞌ li nimajcual Dios. Ma̱ ani naru nacoloc ke. Caꞌaj cuiꞌ li Ka̱cuaꞌ. Ma̱ ani chic junak joꞌ aꞌan.

2 Samuel 22:31

Chixjunil li cꞌaꞌru naxba̱nu li Ka̱cuaꞌ, aꞌan cha̱bil ut tzꞌakal re ru. Ut li cꞌaꞌru naxyechiꞌi ke, nakanau chi tzꞌakal nak tixqꞌue ke. Li Dios naxtenkꞌaheb li ani cauheb xchꞌo̱l riqꞌuin.

2 Samuel 22:47

Yoꞌyo li Ka̱cuaꞌ Dios li nacoloc cue. Ut lokꞌoninbil taxak ru. Chinima̱k taxak xlokꞌal li Ka̱cuaꞌ laj Colol cue.

2 Samuel 23:3

Lix Dioseb laj Israel quia̱tinac. Li nacoloc reheb laj Israel quixye cue: ‘Ta̱cua̱nk junak ti̱c xchꞌo̱l ta̱takla̱nk saꞌ xbe̱neb li tenamit. Li jun aꞌan ta̱cua̱nk xcuanquil saꞌ xbe̱neb li tenamit ut tixxucua ru li Dios.

Éxodo 15:2

Li Ka̱cuaꞌ Dios naxqꞌue incuanquilal. Xban aꞌan ninbichan. Li Dios aꞌan quinixcol. Aꞌan lin Dios ut aꞌan tinlokꞌoni. Aꞌan ajcuiꞌ lix Dios lin yucuaꞌ ut aꞌan tinnima ru.

Salmos 9:10

Li ac xeꞌpa̱ban cha̱cuu, cauheb xchꞌo̱l a̱cuiqꞌuin. La̱at, at Ka̱cuaꞌ, incꞌaꞌ nacatzꞌekta̱na li ani naxtzꞌa̱ma xtenkꞌanquil a̱cue.

Salmos 46:2

Joꞌcan nak usta na-ecꞌan li ruchichꞌochꞌ saꞌ xnaꞌaj, la̱o incꞌaꞌ toxucuak. Chi moco toxucuak usta talajeꞌtꞌanekꞌ li tzu̱l saꞌ xchamal li palau.