2 Samuel 22:28 - Li Santil hu

²⁸ La̱at nacatcoloc reheb li tenamit li nequeꞌxcubsi ribeb cha̱cuu. Abanan nacacubsiheb xcuanquil li nequeꞌxnimobresi ribeb cha̱cuu.

Q'eqchi Bible

²⁸ Laa'at nakatkolok reheb' li kub'enaqeb' xwankil ut nakasacheb' xwankil li q'etq'eteb'.

2 Samuel 22:28 ပူးပေါင်းရင်းမြစ်များ

Isaías 5:15

Eb li cristian teꞌcubsi̱k xcuanquileb. Ut teꞌcubsi̱k ajcuiꞌ xcuanquileb li nequeꞌxkꞌetkꞌeti ribeb.

Isaías 2:17

Eb li nequeꞌxnimobresi ribeb ut eb li nequeꞌxkꞌetkꞌeti ribeb ta̱cubsi̱k xcuanquileb. Saꞌ eb li cutan aꞌan caꞌaj cuiꞌ li Ka̱cuaꞌ Dios ta̱nima̱k xcuanquil.

San Mateo 5:3

—Us xak reheb li nequeꞌrecꞌa nak cubenak xcuanquileb xban nak eb aꞌan cua̱nkeb chic rubel lix nimajcual cuanquilal li Dios.

Daniel 4:37

Ut anakcuan la̱in li rey Nabucodonosor ninlokꞌoni li tzꞌakal Rey li cuan saꞌ choxa. Ninnima ru ut ninqꞌue xlokꞌal xban nak naxba̱nu chixjunil saꞌ xya̱lal ut saꞌ ti̱quilal. Ut naxcubsi xcuanquil li ani naxnimobresi rib xjunes, chan laj Nabucodonosor.

Isaías 63:9

Quiyotꞌeꞌ xchꞌo̱l li Ka̱cuaꞌ xban li raylal li yo̱queb chixcꞌulbal eb laj Israel. Ut lix takl, aꞌan li quicoloc reheb. Xban nak li Dios naxraheb ut naruxta̱na ruheb, joꞌcan nak quixcoleb. Ut aꞌan qui-iloc chak reheb chalen chak najter.

Isaías 37:23

¿Ani li xahob ut ani li xamajecua? ¿Ani li xataksi a̱cua̱tin saꞌ xbe̱n ut xakꞌetkꞌeti a̱cuib chiru? Aꞌan la̱in li Ka̱cuaꞌ lix Santil Dioseb laj Israel.

Proverbios 21:4

Li kꞌetkꞌetil ut li nimobresi̱nc ib, aꞌan ma̱c. Joꞌcan ajcuiꞌ lix cꞌaꞌuxeb li incꞌaꞌ useb xnaꞌleb.

Salmos 140:12

La̱in ninnau nak li nimajcual Dios incꞌaꞌ naxcanab yal chi joꞌcan li raylal li nequeꞌxcꞌul li rahobtesinbileb. Naxcoleb ban li teꞌraj tenkꞌa̱c.

Salmos 138:6

Usta kꞌaxal nim la̱ cuanquil, abanan junelic nacacuil xtokꞌoba̱l ruheb li ma̱cꞌaꞌeb xcuanquil ut nacaqꞌue retal li cꞌaꞌru nequeꞌxba̱nu li nequeꞌxnimobresi ribeb.

Salmos 12:5

Abanan li Ka̱cuaꞌ Dios quixye: —Anakcuan tebintenkꞌa li rahobtesinbileb xban nak yo̱ chi yotꞌecꞌ xchꞌo̱leb xban li raylal nequeꞌxcꞌul. Tebincol joꞌ yo̱queb chiroybeninquil.—

Éxodo 18:11

Anakcuan ninnau nak mas nim xcuanquil li Ka̱cuaꞌ Dios chiruheb chixjunileb li jalanil dios. Aꞌan quixcoleb laj Israel saꞌ rukꞌeb laj Egipto li queꞌxnimobresi xcuanquil xjuneseb saꞌ xbe̱neb laj Israel, chan.

Éxodo 10:3

Tojoꞌnak laj Moisés ut laj Aarón queꞌco̱eb riqꞌuin laj faraón ut queꞌxye re: —Joꞌcaꞌin xye a̱cue li Ka̱cuaꞌ Dios, lix Dioseb laj hebreo. “¿Jokꞌe ta̱cubsi a̱cuib chicuu? Canabeb chi xic lin tenamit re nak tineꞌxlokꞌoni.”

San Lucas 14:11

Joꞌcan nak chixjunileb li nequeꞌxnimobresi ribeb, ta̱cubsi̱k xcuanquileb. Ut chixjunileb li nequeꞌxcubsi ribeb, eb aꞌan teꞌqꞌuehekꞌ xcuanquil, chan li Jesús.

Salmos 131:1

At nimajcual Dios, la̱in incꞌaꞌ ninnimobresi cuib, chi moco ninkꞌetkꞌeti cuib, chi moco naxic inchꞌo̱l riqꞌuin xtzolbal li xni̱nkal ru naꞌleb li chꞌaꞌaj xtaubal ru.