2 Samuel 22:27 - Li Santil hu

²⁷ La̱at nacacuosobtesiheb li ti̱queb xchꞌo̱l cha̱cuu. Aban li incꞌaꞌ useb xnaꞌleb cau nacakꞌuseb.

Q'eqchi Bible

²⁷ laa'at saq ru laayu'am rik'in li saq ru xyu'am, ut wank aana'leb' rik'in li ink'a' tiik xna'leb'.

2 Samuel 22:27 ပူးပေါင်းရင်းမြစ်များ

San Mateo 5:8

Us xak reheb li ti̱queb xchꞌo̱l xban nak eb aꞌan teꞌril ru li Dios.

Salmos 18:26

La̱at nacacuosobtesiheb li ti̱queb xchꞌo̱l cha̱cuu. Aban li incꞌaꞌ useb xnaꞌleb cau nacakꞌuseb.

Isaías 45:9

Raylal ta̱cha̱lk saꞌ xbe̱n li ani naxcuechꞌ rix li ani quiyi̱ban re. Junak cuc incꞌaꞌ naru naxye re laj pacꞌonel, “¿Cꞌaꞌut nak xina̱yi̱b chi joꞌcaꞌin?” Chi moco naru tixye li seb re laj pacꞌonel, “¿Cꞌaꞌru yo̱cat? La̱at incꞌaꞌ nacanau trabajic.”

Salmos 125:5

Abanan eb li nequeꞌba̱nun ma̱usilal, la̱at ta̱tzꞌekta̱naheb rochbeneb li incꞌaꞌ useb xnaꞌleb. Chicua̱nk taxak li tuktu̱quil usilal riqꞌuineb laj Israel.

Éxodo 18:11

Anakcuan ninnau nak mas nim xcuanquil li Ka̱cuaꞌ Dios chiruheb chixjunileb li jalanil dios. Aꞌan quixcoleb laj Israel saꞌ rukꞌeb laj Egipto li queꞌxnimobresi xcuanquil xjuneseb saꞌ xbe̱neb laj Israel, chan.

Romanos 1:28

Xban nak incꞌaꞌ nequeꞌxcꞌoxla li Dios, joꞌcan nak queꞌtzꞌekta̱na̱c xban li Dios saꞌ li tzꞌekbe̱tal aj naꞌleb chixba̱nunquil li moco uxc ta naraj.

1 Juan 3:3

Li ani yo̱ chiroybeninquil lix cꞌulunic li Cristo, aꞌan naxsakobresi li ra̱m saꞌ ti̱quilal joꞌ li Ka̱cuaꞌ Jesucristo ti̱c xchꞌo̱l.