2 Samuel 22:21 - Li Santil hu

²¹ Li Ka̱cuaꞌ xqꞌue inkꞌajca̱munquil xban nak ti̱c inchꞌo̱l chiru. Li Ka̱cuaꞌ x-osobtesin cue xban nak ma̱cꞌaꞌ inma̱c.

Q'eqchi Bible

²¹ Li Qaawa' xb'aanu chi jo'kan xb'aan naq tiik linch'ool, ut xq'ajkamu chiwu naq maak'a' inmaak,

2 Samuel 22:21 ပူးပေါင်းရင်းမြစ်များ

Salmos 24:4

Caꞌajeb cuiꞌ li ti̱queb xchꞌo̱l ut li cha̱bileb xyuꞌam. Caꞌajeb cuiꞌ li incꞌaꞌ nequeꞌxra ru li cꞌaꞌak re ru ma̱cꞌaꞌ rajbal, ut li incꞌaꞌ nequeꞌxpatzꞌ xcꞌabaꞌ li Dios riqꞌuin xticꞌtiꞌeb.

1 Samuel 26:23

Li Ka̱cuaꞌ naxkꞌajca̱mu li junju̱nk riqꞌuin li ti̱quilal ut li usilal li naxba̱nu. Anakcuan li Ka̱cuaꞌ xatxkꞌaxtesi saꞌ cuukꞌ, abanan la̱in incꞌaꞌ xcuaj a̱camsinquil xban nak la̱at li sicꞌbil a̱cuu xban li Dios.

Salmos 7:8

At inDios, la̱at li nacatrakoc a̱tin saꞌ xbe̱neb chixjunileb li tenamit. La̱at nacanau nak ti̱c inchꞌo̱l cha̱cuu. Joꞌcan nak la̱at tatrakok a̱tin saꞌ inbe̱n ut ta̱cꞌut chiruheb nak ma̱cꞌaꞌ inma̱c.

1 Reyes 8:32

la̱at ta̱cuabi toj saꞌ choxa li cꞌaꞌru teꞌxtzꞌa̱ma cha̱cuu. Tatrakok a̱tin saꞌ xbe̱neb ut ta̱qꞌueheb chixtojbal xma̱c li cuanqueb xma̱queb. Ta̱coleb rix li ma̱cꞌaꞌeb xma̱c saꞌ xcꞌabaꞌ la̱ ti̱quilal.

Santiago 4:8

Cauhak e̱chꞌo̱l riqꞌuin li Dios ut li Dios ta̱tenkꞌa̱nk e̱re. La̱ex aj ma̱c, jalomak e̱cꞌaꞌux. Me̱ba̱nu chic li ma̱usilal. Joꞌcan ajcuiꞌ la̱ex li yal cuib e̱chꞌo̱l saꞌ le̱ pa̱ba̱l, yotꞌomak e̱chꞌo̱l ut jalomak e̱cꞌaꞌux re nak li Dios tixti̱cobresi le̱ chꞌo̱l.

1 Corintios 15:58

Joꞌcan ut ex inherma̱n, raro̱quex inban, cauhak taxak e̱chꞌo̱l saꞌ le̱ pa̱ba̱l. Michꞌinan le̱ chꞌo̱l. Cheqꞌuehak ban e̱chꞌo̱l chi cꞌanjelac chiru li Ka̱cuaꞌ. Ut chenauhak nak li joꞌ qꞌuial te̱ba̱nu saꞌ xcꞌabaꞌ li Ka̱cuaꞌ cuan rajbal.

Salmos 19:11

At inDios, la̱ chakꞌrab naxqꞌue innaꞌleb, la̱in laj cꞌanjel cha̱cuu, ut kꞌaxal lokꞌ chokꞌ cue xpa̱banquil.

Li xHu LAJ JOB 17:9

Abanan li ti̱c xchꞌo̱l cau cua̱nk saꞌ lix pa̱ba̱l ut xban nak ti̱c xchꞌo̱l, cauhak rib.

2 Samuel 22:25

Joꞌcan nak li Ka̱cuaꞌ naxqꞌue inkꞌajca̱munquil aꞌ yal chanru xti̱quilal inchꞌo̱l. Naxqꞌue inkꞌajca̱munquil xban nak naxnau nak ma̱cꞌaꞌ inma̱c chiru.

Proverbios 11:31

Relic chi ya̱l nak li ti̱queb xchꞌo̱l nequeꞌxcꞌul lix kꞌajca̱munquil arin saꞌ ruchichꞌochꞌ. ¿Ma tojaꞌ ta chic eb laj ma̱c ut eb li incꞌaꞌ useb xnaꞌleb incꞌaꞌ teꞌxcꞌul xtojbal lix ma̱queb?

1 Reyes 3:6

Laj Salomón quixye re: —Junelic cacuuxta̱na ru laj David lin yucuaꞌ, laj cꞌanjel cha̱cuu xban nak junelic quixqꞌue xchꞌo̱l chi cua̱nc saꞌ xya̱lal cha̱cuu. Aꞌan ti̱c xchꞌo̱l ut quixba̱nu li us. Joꞌcan nak catenkꞌa ut caqꞌue li ralal chokꞌ rey chokꞌ re̱kaj aꞌan.