2 Samuel 21:3 - Li Santil hu

³ Laj David quixye reheb: —¿Chanru naru tinba̱nu usilal e̱re re xtojbal rix li incꞌaꞌ us quixba̱nu laj Saúl? La̱in nacuaj nak te̱tzꞌa̱ma chiru li Dios nak torosobtesi cuiꞌchic, la̱o lix tenamit li Dios, chan.

Q'eqchi Bible

³ Laj David kixpatz' reheb': “K'aru tinb'aanu eerik'in? Chanru tintoj rix li ink'a' us xek'ul laa'ex, re naq teerosob'tesi li xtenamit li Qaawa'?”, chan.

2 Samuel 21:3 ပူးပေါင်းရင်းမြစ်များ

2 Samuel 20:19

Li katenamit nacuan saꞌ tuktu̱quil usilal ut nacuan saꞌ xya̱lal arin Israel. Aꞌin jun tenamit kꞌaxal nim xcuanquil. ¿Cꞌaꞌut nak ta̱cuaj xsachbal katenamit? Li tenamit aꞌin re li Dios, chan.

Hebreos 9:22

Joꞌ tzꞌi̱banbil saꞌ li chakꞌrab, tento xsantobresinquil riqꞌuin quicꞌ chixjunil li quicꞌanjelac chiruheb. Ma̱cꞌaꞌ xcuybal li ma̱c cui incꞌaꞌ ta̱hoyekꞌ li quicꞌ.

1 Samuel 26:19

At rey, chacuabi taxak li cꞌaꞌru tinye, la̱in aj cꞌanjel cha̱cuu. Cui li Ka̱cuaꞌ quixye a̱cue nak xicꞌ chic tina̱cuil, us raj tixcꞌu̱luban ta junak mayej re nak tixjal xcꞌaꞌux. Abanan, cui ut yal cui̱nk li yo̱queb chi yehoc a̱cue nak ta̱ba̱nu raylal cue, aꞌ taxak li Ka̱cuaꞌ chimajecua̱nk reheb xban nak xineꞌrisi saꞌ lin tenamit bar nequeꞌxlokꞌoni cuiꞌ li Ka̱cuaꞌ. Ut yo̱queb chintaklanquil re nak tinlokꞌoni li jalanil dios.

1 Samuel 2:25

Cui junak cui̱nk nama̱cob chiru li ras ri̱tzꞌin, narakeꞌ a̱tin saꞌ xbe̱n xban laj rakol a̱tin. Abanan, li ani nama̱cob chiru li Ka̱cuaꞌ, ¿ma cuan ta biꞌ junak ta̱oque̱nk chirix? chan. Abanan incꞌaꞌ queꞌabin chiru lix yucuaꞌeb xban nak ac cuan saꞌ xchꞌo̱l li Dios nak tento nak teꞌca̱mk.

Levítico 1:4

Li ani tixqꞌue lix cꞌatbil mayej tixqꞌue li rukꞌ saꞌ xbe̱n lix jolom li xul li tixcꞌat re nak li Ka̱cuaꞌ tixcꞌul chokꞌ re xtojbal rix lix ma̱c.

Éxodo 32:30

Joꞌ cuulajak chic laj Moisés quixye reheb li tenamit: —La̱ex xexma̱cob. Anakcuan tintakekꞌ saꞌ li tzu̱l bar cuan cuiꞌ li Ka̱cuaꞌ Dios. Tintzꞌa̱ma chak e̱cuybal chiru li Dios ut ma̱re ta̱cuyekꞌ e̱ma̱c, chan.

Jonás 1:11

Ut nak kꞌaxal cuiꞌchic yo̱ chi cacuu̱c lix cau ok li haꞌ, queꞌxye re: —¿Cꞌaꞌru takaba̱nu a̱cuiqꞌuin re nak ta̱chꞌana̱k ru li palau? chanqueb.