2 Samuel 21:22 - Li Santil hu

²² Eb li ca̱hib chi ni̱nki cui̱nk aꞌin Gat xtenamiteb. Xcomoneb li ralal xcꞌajol laj Refa, li nimla cui̱nk. Li ca̱hib chi cui̱nk aꞌin queꞌcamsi̱c xban laj David ut xbaneb li nequeꞌtenkꞌan re.

Q'eqchi Bible

²² Eb' li kaahib' a'in xkomoneb' laj Rafá aj Gat ut ke'kamsiik xb'aan laj David ut xb'aaneb' laj k'anjel chiru.

2 Samuel 21:22 ပူးပေါင်းရင်းမြစ်များ

1 Crónicas 20:8

Eb li cui̱nk aꞌin li kꞌaxal najt rokeb, aꞌaneb xcomoneb li ralal xcꞌajol laj Refa, li mamaꞌ cui̱nk. Gat xtenamit. Eb aꞌan queꞌcamsi̱c xban laj David ut xbaneb li nequeꞌtenkꞌan re.

Romanos 8:31

¿Cꞌaꞌru takaye chirix aꞌin? Cui li Dios cuan kiqꞌuin, eb li xicꞌ nequeꞌiloc ke incꞌaꞌ teꞌnumta̱k saꞌ kabe̱n.

Jeremías 9:23

Li Ka̱cuaꞌ quixye: —Li ani cuan xnaꞌleb mixnimobresi rib xban nak cuan xnaꞌleb, chi moco li cau rib tixnimobresi rib xban nak cau rib. Ut li biom incꞌaꞌ tixnimobresi rib xban nak cuan xbiomal.

Romanos 8:37

Aban li Jesucristo nocoxra ut nocoxtenkꞌa chixcuybal ut chixnumsinquil chixjunil li raylal nakacꞌul.

Eclesiastés 9:11

Cuan jun chic xinqꞌue retal saꞌ ruchichꞌochꞌ nak ma̱cuaꞌeb li kꞌaxal se̱beb li nequeꞌe̱chanin re li ma̱tan saꞌ li a̱linac, chi moco eb li cauheb rib li nequeꞌnumta saꞌ li ple̱t. Ut eb li cuanqueb xnaꞌleb incꞌaꞌ nequeꞌxtau xtzacae̱mkeb yal xban nak cuanqueb xnaꞌleb. Ut eb li se̱beb xchꞌo̱l incꞌaꞌ nequeꞌbiomoꞌ yal xban nak se̱beb xchꞌo̱l. Ut eb li tzolbileb moco rajlal ta nequeꞌcꞌuleꞌ saꞌ usilal. Chixjunil aꞌin moco nequeꞌxnau ta jokꞌe teꞌxcꞌul li chꞌaꞌajquilal.

Salmos 118:15

Saꞌ rochocheb li ti̱queb xchꞌo̱l japjo̱queb re xban xsahil xchꞌo̱leb. Nequeꞌxye: —Riqꞌuin xcuanquil li Dios, xonumta saꞌ xbe̱neb li xicꞌ nequeꞌiloc ke.—

Salmos 108:13

Li Dios ta̱tenkꞌa̱nk ke chi numta̱c saꞌ xbe̱neb li xicꞌ nequeꞌiloc ke ut aꞌan ajcuiꞌ ta̱isi̱nk xcuanquileb.

Salmos 60:12

Li Dios ta̱tenkꞌa̱nk ke chi numta̱c saꞌ xbe̱neb li xicꞌ nequeꞌiloc ke ut aꞌan ajcuiꞌ ta̱isi̱nk xcuanquileb.

Josué 14:12

Joꞌcan nak nintzꞌa̱ma cha̱cuu nak ta̱qꞌue chokꞌ cue li naꞌajej li tzu̱l ru joꞌ quixyechiꞌi chak cue li Ka̱cuaꞌ. La̱at ac nacanau nak cuanqueb li ralal xcꞌajol laj Anac saꞌ li naꞌajej aꞌan. Cuanqueb ni̱nki tenamit ut cauheb rib chi pletic. Abanan la̱in ninnau nak li Dios ta̱cua̱nk cuiqꞌuin ut tinixtenkꞌa chirisinquileb saꞌ li naꞌajej aꞌan joꞌ quixye chak cue, chan laj Caleb.

2 Samuel 21:16

Quicuan jun li nimla cui̱nk aj Isbi-benob xcꞌabaꞌ. Lix la̱ns numenak oxcꞌa̱l (60) libra li ra̱lal, ut toj acꞌ lix chꞌi̱chꞌ re pletic. Li cui̱nk aꞌan quixyal xcamsinquil laj David.

2 Samuel 21:21

Li cui̱nk aꞌan quixhobeb laj Israel. Joꞌcan nak quicamsi̱c xban laj Jonatán li ralal laj Simea. Laj Simea, aꞌan ras laj David.