2 Samuel 21:17 - Li Santil hu

¹⁷ Abanan laj Abisai, lix yum lix Sarvia, quicuulac chixcolbal laj David ut quixcamsi li nimla cui̱nk. Chirix aꞌan, eb li soldados aj Israel queꞌxba̱nu li juramento ut queꞌxye re laj David: —Chalen anakcuan la̱at incꞌaꞌ chic tatxic chikix chi pletic. Ma̱re anchal tatcamsi̱k. La̱at chanchanat li kasaken la̱o aj Israel xban nak la̱at li kayoꞌon, chanqueb.

Q'eqchi Bible

¹⁷ Ab'an laj Abisay, li xyum lix Sarbia, kol'elq chi xtenq'ankil laj David, kixtiq' laj Filistea ut kixkamsi. Toja' naq eb' li winq li wankeb' rochb'een laj David ke'xtz'aama ut ke'relaji naq ink'a' chik taaxik chirixeb' chi yalok, re naq ink'a' taachupq li xsaqenk Israel.

2 Samuel 21:17 ပူးပေါင်းရင်းမြစ်များ

1 Reyes 11:36

Li ralal laj Salomón tinxakab chi takla̱nc saꞌ xbe̱n jun te̱p li ralal xcꞌajol laj Israel re nak junelic cua̱nk junak reheb li ralal xcꞌajol laj David li ta̱oc chokꞌ rey aran Jerusalén, li tenamit li sicꞌbil ru inban li tineꞌxlokꞌoni cuiꞌ.

2 Samuel 18:3

Abanan eb li cui̱nk queꞌxye re: —Incꞌaꞌ tatxic la̱at. Cui la̱o toe̱lelik chiruheb incꞌaꞌ toeꞌra̱lina. Usta yijach li kasoldados teꞌca̱mk, eb aꞌan ma̱cꞌaꞌ nequeꞌraj re. La̱at li kꞌaxal lokꞌ chiru laje̱b mil saꞌ kaya̱nk. Kꞌaxal us nak tatcana̱k arin saꞌ li tenamit aꞌin ut ta̱takla katenkꞌanquil, chanqueb.

Salmos 132:17

Saꞌ xya̱nkeb li ralal xcꞌajol laj David ta̱yoꞌla̱k jun nim xcuanquil. Aꞌan li sicꞌbil ru inban. Ut aꞌanak li cutan saken chokꞌ reheb li tenamit chi junelic.

1 Reyes 15:4

Li Ka̱cuaꞌ Dios incꞌaꞌ quirisi lix cuanquileb li ralal xcꞌajol laj David. Quixqꞌue ban jun li ralal laj Abiam chi oc chokꞌ rey chokꞌ re̱kaj re nak tixcol li tenamit Jerusalén. Quixba̱nu aꞌan xban nak naxra laj David laj cꞌanjel chiru.

San Juan 5:35

Laj Juan chanchan jun li xam quixcutanobresi e̱be nak quixchꞌolob lix ya̱lal che̱ru. Ut quisahoꞌ jun cꞌamoc saꞌ e̱chꞌo̱l chirabinquil li quixye.

Salmos 144:10

La̱at nacattenkꞌan reheb li rey chi numta̱c saꞌ xbe̱neb li xicꞌ nequeꞌiloc reheb. La̱at nacatcoloc cue re nak incꞌaꞌ tineꞌxcamsi riqꞌuin lix chꞌi̱chꞌeb li xicꞌ nequeꞌiloc cue. La̱in laj David laj cꞌanjel cha̱cuu.

Salmos 46:1

Li Dios, aꞌan li naqꞌuehoc xcacuilal kachꞌo̱l. Caꞌaj cuiꞌ riqꞌuin aꞌan naru nakacol kib: Aꞌan cuan kiqꞌuin junelic chikatenkꞌanquil saꞌ xkꞌehil li raylal.

2 Samuel 22:29

At Ka̱cuaꞌ Dios, la̱at li nacatcutanobresin re lin cꞌaꞌux. Niquina̱cuisi saꞌ kꞌojyi̱n ut niquina̱qꞌue saꞌ cutan.

2 Samuel 22:19

Nak cuanquin saꞌ raylal queꞌchal chi pletic cuiqꞌuin eb li xicꞌ nequeꞌiloc cue. Abanan li Ka̱cuaꞌ quinixtenkꞌa.

2 Samuel 14:7

Anakcuan chixjunileb li cuechꞌalal xeꞌjoskꞌoꞌ saꞌ inbe̱n. Teꞌraj nak tinkꞌaxtesi saꞌ rukꞌeb lin yum re teꞌxcamsi xban nak aꞌan quicamsin re li ras. Cui teꞌxcamsi lin yum, ma̱cꞌaꞌak chic inyoꞌon ut ma̱cꞌaꞌak chic li ralal xcꞌajol lin be̱lom mokon. Ta̱sachekꞌ lix cꞌabaꞌ saꞌ ruchichꞌochꞌ, chan li ixk.

Jeremías 40:15

Ut laj Johanán quia̱tinac riqꞌuin laj Gedalías nak xjunes. Ut quixye re: —China̱canab chixcamsinquil laj Ismael. Ma̱ ani ta̱naꞌok re ani xcamsin re. ¿Cꞌaꞌut nak takacanab laj Ismael re nak tatxcamsi la̱at? Cui tatxcamsi, teꞌxjeqꞌui cuiꞌchic ribeb chixjunileb laj judío li xachꞌutubeb cha̱jun sutam ut teꞌosokꞌ chixjunileb laj Judá li joꞌ qꞌuial chic xeꞌcana, chan.

2 Samuel 18:2

Quixtaklaheb saꞌ oxib chꞌu̱tal. Laj Joab yo̱ chi takla̱nc saꞌ xbe̱n li jun chꞌu̱tal. Laj Abisai, lix yum lix Sarvia, yo̱ chi takla̱nc saꞌ xbe̱n li xcaꞌ chꞌu̱tal. Laj Abisai, aꞌan li ri̱tzꞌin laj Joab. Ut laj Itai li chalenak Gat, aꞌan li yo̱ chi takla̱nc saꞌ xbe̱n li rox chꞌu̱tal. Ut li rey David quixye reheb: —Tinxic ajcuiꞌ la̱in che̱rix, chan.