2 Samuel 21:15 - Li Santil hu

¹⁵ Mokon chic eb laj filisteo queꞌoc cuiꞌchic chi pletic riqꞌuineb laj Israel. Laj David co̱ rochbeneb lix soldados chi pletic riqꞌuineb. Abanan laj David quilub chi pletic.

Q'eqchi Bible

¹⁵ Eb' laj Filistea ke'ok wi' chik chi yalok rik'ineb' laj Israel. Toja' naq laj David koho rochb'eeneb' laj puub' chi yalok rik'ineb'. Ab'anan sa' junpaat kitawaak chi yalok.

2 Samuel 21:15 ပူးပေါင်းရင်းမြစ်များ

Eclesiastés 12:3

Ta̱cuulak xkꞌehil nak chixjunileb sicsotkeb xbaneb xti̱xil, ut eb li cui̱nk li cauheb rib, cꞌutzcꞌu̱keb aj chic rixeb. Ut ma̱cꞌaꞌak chic ruch reheb xban nak ac ti̱xeb chic. Ut eb li nequeꞌiloc saꞌ ventana incꞌaꞌ chic teꞌru̱k teꞌilok xban nak ac xmoy li xnakꞌ ruheb.

Salmos 71:9

Mina̱tzꞌekta̱na nak ac ti̱xakin chic ut mina̱canab injunes nak ma̱cꞌaꞌak chic inmetzꞌe̱u.

1 Crónicas 20:4

Chirix chic aꞌan queꞌco̱eb chi pletic riqꞌuineb laj filisteo li cuanqueb Gezer. Laj Sibecai, Husa xtenamit, quixcamsi laj Sipai xcomoneb li ni̱nki cui̱nk. Joꞌcan nak quirisi xcuanquileb laj filisteo.

2 Samuel 5:25

Ut laj David quixba̱nu joꞌ quixye li Ka̱cuaꞌ. Quixcamsiheb laj filisteo. Naticla saꞌ li tenamit Geba ut quicuulac toj cuan cuiꞌ li tenamit Gezer.

2 Samuel 5:22

Chirix chic aꞌan, eb laj filisteo queꞌco̱eb cuiꞌchic aran saꞌ li ru takꞌa re Refaim.

2 Samuel 5:17

Eb laj filisteo queꞌrabi resil nak laj David quixakaba̱c chokꞌ xreyeb laj Israel. Joꞌcan nak queꞌco̱eb chi pletic riqꞌuin. Laj David quirabi resil nak eb laj filisteo ac yo̱queb chi cha̱lc chi pletic riqꞌuin. Joꞌcan nak co̱ saꞌ li naꞌajej li nequeꞌxcol cuiꞌ ribeb.

Salmos 73:26

Lin tibel ut li cua̱m nalubeꞌ. Abanan la̱at, at inDios, la̱at nacatcoloc cue. Caꞌaj cuiꞌ la̱at nacatqꞌuehoc xsahil inchꞌo̱l chi junelic.

Salmos 71:18

At inDios, mina̱canab injunes anakcuan nak ac ti̱xin chic ut sak chic injolom xban nak tento tinye resil la̱ cuanquilal reheb li tenamit aꞌin ut reheb li alal cꞌajolbej li teꞌyoꞌla̱k mokon.

2 Samuel 21:16

Quicuan jun li nimla cui̱nk aj Isbi-benob xcꞌabaꞌ. Lix la̱ns numenak oxcꞌa̱l (60) libra li ra̱lal, ut toj acꞌ lix chꞌi̱chꞌ re pletic. Li cui̱nk aꞌan quixyal xcamsinquil laj David.

2 Samuel 8:1

Mokon chic li rey David quipletic cuiꞌchic riqꞌuineb laj filisteo ut quinumta saꞌ xbe̱neb. Joꞌcan nak queꞌsach xcuanquileb laj filisteo saꞌ li naꞌajej Meteg-ama.