2 Samuel 21:14 - Li Santil hu

¹⁴ Ut queꞌxmuk lix bakeleb laj Saúl ut laj Jonatán saꞌ li mukleba̱l li quimukeꞌ cuiꞌ laj Sis lix yucuaꞌ. Li mukleba̱l aꞌan cuan aran Zela saꞌ lix chꞌochꞌeb li ralal xcꞌajol laj Benjamín. Queꞌxba̱nu chixjunil li quiyeheꞌ reheb xban li rey David. Ut chirix aꞌan, li Dios quirosobtesi cuiꞌchic li tenamit joꞌ queꞌxtzꞌa̱ma chiru.

Q'eqchi Bible

¹⁴ Ke'xmuq li xb'aqeleb' laj Saúl ut laj Jonatán li ralal sa' xch'och'eb' laj Benjamín, aran Selá, sa' li na'ajej kimuqe'k wi' laj Kis, xyuwa' laj Saúl; ut ke'xb'aanu chixjunil li ke'chaq'rab'iik wi' xb'aan li awab'ej. Chirix chik a'an kiq'uno'k xch'ool li Yos rik'in li tenamit.

2 Samuel 21:14 ပူးပေါင်းရင်းမြစ်များ

2 Samuel 24:25

Quixyi̱b lix artal laj David saꞌ li naꞌajej aꞌan. Quixqꞌue lix cꞌatbil mayej. Ut quixqꞌue lix mayej re xcꞌambaleb rib saꞌ usilal riqꞌuin li Ka̱cuaꞌ. Li Ka̱cuaꞌ quirabi li cꞌaꞌru queꞌxtzꞌa̱ma chiru ut quirisi li caki yajel saꞌ xbe̱neb laj Israel.

Josué 18:28

Zela, Elef, Jebús li nequeꞌxye ajcuiꞌ Jerusalén re, Gabaa ut Quiriat. Ca̱laju chixjunileb li tenamit rochbeneb li cocꞌ cꞌaleba̱l. Aꞌan aꞌin li naꞌajej li quiqꞌueheꞌ reheb li ralal xcꞌajol laj Benjamín, aꞌ yal chanru xqꞌuial li junju̱nk chꞌu̱tal.

Josué 7:26

Ut queꞌxtu̱b nabal li pec saꞌ xbe̱n ut eb li pec aꞌan toj cuanqueb anakcuan. Riqꞌuin aꞌin qui-el xjoskꞌil li Ka̱cuaꞌ saꞌ xbe̱neb laj Israel. Toj chalen anakcuan nequeꞌxye re li naꞌajej aꞌan “Li ru takꞌa re Acor”.

Zacarías 6:8

Chirix aꞌan li ángel quixjap re ut quixye: —Il, li xeꞌco̱eb saꞌ li norte xeꞌxqꞌue li tenamit chixtojbal rix lix ma̱queb. Ut xrisi xjoskꞌil li Ka̱cuaꞌ saꞌ xbe̱neb, chan li ángel.

Jonás 1:15

Nak queꞌrakeꞌ chi tijoc, queꞌxchap laj Jonás ut queꞌxcut saꞌ li palau ut chꞌanamil ru li palau quicana.

2 Samuel 4:12

Ut laj David quixye reheb li queꞌcꞌanjelac chiru nak teꞌxcamsiheb laj Recab ut laj Baana. Queꞌxcamsiheb ut queꞌrisi li rokeb ut li rukꞌeb ut queꞌxtꞌuyub chixcꞌatk li haꞌ li cuan aran Hebrón. Chirix aꞌan, queꞌxcꞌam lix jolom laj Is-boset ut queꞌxmuk saꞌ li mukleba̱l li quimukeꞌ cuiꞌ laj Abner aran Hebrón.

2 Samuel 3:32

Queꞌxmuk li camenak aran Hebrón. Laj David cau quiya̱bac chixcꞌatk li mukleba̱l ut queꞌya̱bac ajcuiꞌ eb li cristian.

1 Samuel 10:2

Anakcuan nak tat-e̱lk cuiqꞌuin ta̱cꞌuleb cuib li cui̱nk cuan cuiꞌ li mukleba̱l re lix Raquel aran Selsa, saꞌ lix naꞌajeb li ralal xcꞌajol laj Benjamín. Eb li cui̱nk aꞌan teꞌxye a̱cue, “Eb li bu̱r li yo̱cat chixsicꞌbal ac xeꞌtauheꞌ. Incꞌaꞌ chic yo̱ chi cꞌoxlac la̱ yucuaꞌ chirixeb. Ra ban xchꞌo̱l cha̱cuix la̱at. Ut yo̱ chixyebal, ¿Cꞌaꞌru tinba̱nu? Incꞌaꞌ nacꞌulun li cualal,” chan.

Números 25:13

Xakabanbileb chi cꞌanjelac chokꞌ aj tij laj Finees joꞌ eb ajcuiꞌ li ralal xcꞌajol chalen anakcuan ut chi junelic xban nak laj Finees incꞌaꞌ quiraj nak teꞌxqꞌue xlokꞌal li yi̱banbil dios. Quiraj ban nak caꞌaj cuiꞌ la̱in tineꞌxlokꞌoni. Riqꞌuin li cꞌaꞌru quixba̱nu quixtoj rix lix ma̱queb li tenamit, chan li Dios.

2 Samuel 21:13

Li rey David quixtakla xcꞌambal lix bakeleb laj Saúl ut laj Jonatán, joꞌ eb ajcuiꞌ li cuukub chi camenak li queꞌyatzꞌeꞌ.

Números 25:8

Co̱ saꞌ lix muheba̱l li cui̱nk li quicꞌamoc re li ixk aj Madián. Qui-oc saꞌ li muheba̱l ut quixnumsi lix la̱ns saꞌ xsaꞌeb li cui̱nk ut li ixk. Quixcamsiheb chixcabichaleb. Ut riqꞌuin aꞌan quichꞌana li caki yajel li yo̱ chi camsi̱nc reheb li cui̱nk aj Israel.