2 Samuel 21:12 - Li Santil hu

¹² Joꞌcan nak co̱ riqꞌuineb li cui̱nk li cuanqueb Jabes, li cuan saꞌ xcue̱nt Galaad, re tixcꞌam lix bakeleb laj Saúl ut laj Jonatán. (Eb li cui̱nk aꞌan queꞌrelkꞌa li camenak aran Bet-sán saꞌ li naꞌajej li queꞌtꞌuyuba̱c cuiꞌ xbaneb laj filisteo saꞌ li cutan nak queꞌcamsi̱c saꞌ li tzu̱l Gilboa.)

Q'eqchi Bible

¹² koho chi xxokb'al li xb'aqeleb' laj Saúl ut laj Jonatán li ralal, li wankeb' chaq rik'ineb' laj Yabés re Galahad. Eb' a'in relq'ahomeb' chaq sa' xtaq'ahil Betsán, b'arwi' ke't'uyub'aak xb'aaneb' laj Filistea sa' li kutan naq laj Saúl kiq'axe'k ru aran Jelbohé.

2 Samuel 21:12 ပူးပေါင်းရင်းမြစ်များ

Josué 17:11

Cuan li naꞌajej quitzꞌak laj Manasés xcomon lix naꞌajeb laj Isacar. Aꞌaneb aꞌin lix cꞌabaꞌeb: Aser ut Bet-seán rochben li cocꞌ cꞌaleba̱l; Ibleam rochben li cocꞌ cꞌaleba̱l joꞌ ajcuiꞌ li tenamit Dor ut li tenamit Endor rochbeneb li cocꞌ cꞌaleba̱l; li tenamit Taanac ut eb li cocꞌ cꞌaleba̱l joꞌ ajcuiꞌ li tenamit Meguido rochbeneb li oxib chi tenamit li cuanqueb saꞌ xbe̱n bol.

1 Crónicas 10:1

Eb laj filisteo queꞌpletic riqꞌuineb laj Israel. Ut laj Israel queꞌe̱lelic chiruheb. Nabaleb li queꞌcamsi̱c saꞌ li tzu̱l re Gilboa.

2 Samuel 1:21

La̱ex li tzu̱l li cuanquex Gilboa, incꞌaꞌ ta chic chitꞌanekꞌ li hab saꞌ e̱be̱n, chi moco li xchuꞌque. Ut incꞌaꞌ ta chic chie̱lk li acui̱mk chiru li chꞌochꞌ xban nak saꞌ e̱be̱n la̱ex xeꞌsacheꞌ xcuanquileb lix chꞌi̱chꞌeb li cauheb rib chi pletic. Ut saꞌ e̱be̱n ajcuiꞌ la̱ex quisacheꞌ xcuanquil lix chꞌi̱chꞌ laj Saúl. Chanchan ta li incꞌaꞌ sicꞌbil ru xban li Dios.

2 Samuel 1:6

Li cui̱nk quixye re: —La̱in yo̱quin chi numecꞌ aran saꞌ li tzu̱l Gilboa nak xcuil nak laj Saúl xakxo aran. Yo̱ chixcu̱tunquil rib riqꞌuin lix la̱ns. Ut eb li soldados li xicꞌ nequeꞌiloc re yo̱queb chi cha̱lc saꞌ xcarruaje ut yo̱queb ajcuiꞌ chi cha̱lc chirix cacua̱y.

1 Samuel 31:1

Eb laj filisteo queꞌpletic riqꞌuineb laj Israel. Ut eb laj Israel yo̱queb chi e̱lelic chiruheb. Nabaleb laj Israel queꞌcamsi̱c saꞌ li tzu̱l Gilboa.

1 Samuel 28:4

Nak queꞌxchꞌutub ribeb laj filisteo, queꞌco̱eb ut queꞌxyi̱b lix muheba̱leb aran Sunem. Ut laj Saúl quixchꞌutubeb laj Israel ut queꞌxyi̱b lix muheba̱leb aran Gilboa.

1 Crónicas 10:8

Saꞌ li cutan jun chic eb laj filisteo queꞌco̱eb chixxocbal li cꞌaꞌru reheb li camenak. Queꞌxtau laj Saúl ut eb li oxib chi ralal jiljo̱queb chi camenak saꞌ li tzu̱l Gilboa.

1 Samuel 31:3

Cau yo̱queb chi pletic nachꞌ riqꞌuin laj Saúl. Eb laj filisteo queꞌxtau chi tzimaj laj Saúl. Ut cꞌajoꞌ nak qui-oc xxiu.

1 Samuel 31:4

Laj Saúl quixye re li cui̱nk li nacꞌamoc re lix chꞌi̱chꞌ re pletic: —Chap chak la̱ chꞌi̱chꞌ ut tina̱camsi. Incꞌaꞌ nacuaj nak eb laj filisteo tineꞌxseꞌe nak tineꞌxcamsi. Eb li cristian aꞌan incꞌaꞌ nequeꞌxpa̱b li Dios, chan. Abanan li cui̱nk incꞌaꞌ quiraj xban nak ta̱xucuak. Joꞌcan nak laj Saúl quixchap lix chꞌi̱chꞌ ut quixcut rib saꞌ xbe̱n.

2 Samuel 21:11

Laj David quirabi resil li cꞌaꞌru quixba̱nu lix Rizpa, li ixk li quicuan riqꞌuin laj Saúl.

2 Samuel 21:13

Li rey David quixtakla xcꞌambal lix bakeleb laj Saúl ut laj Jonatán, joꞌ eb ajcuiꞌ li cuukub chi camenak li queꞌyatzꞌeꞌ.

2 Samuel 2:4

Chirix chic aꞌan queꞌcuulac li cui̱nk li nequeꞌcꞌamoc be saꞌ xya̱nkeb laj Judá ut aran queꞌxxakab laj David chokꞌ xreyeb laj Judá. Ut queꞌxye re nak eb li cuanqueb Jabes li cuan saꞌ xcue̱nt Galaad, aꞌaneb li queꞌmukuc re laj Saúl.

1 Crónicas 10:12

Joꞌcan nak queꞌxchꞌutub ribeb chixjunileb li cui̱nk aj Jabes li cauheb xchꞌo̱l chi pletic ut queꞌco̱eb. Queꞌxchap li camenak Saúl joꞌ eb ajcuiꞌ li ralal oxib ut queꞌxcꞌameb toj Jabes. Aran queꞌxmukeb rubel jun to̱n li cheꞌ ji. Ut queꞌxba̱nu x-ayu̱n chiru cuukub cutan.