2 Samuel 21:1 - Li Santil hu

¹ Nak laj David cuan chokꞌ rey quicuan jun li cueꞌej. Chiru oxib chihab ma̱cꞌaꞌ xtzacae̱mkeb. Laj David quitijoc ut quixpatzꞌ re li Dios cꞌaꞌut nak yo̱ li cueꞌej. Li Ka̱cuaꞌ Dios quixye re: —Yo̱ li cueꞌej aꞌin xban li ma̱usilal li quixba̱nu laj Saúl ut eb li ralal xcꞌajol nak queꞌxcamsiheb li cuanqueb Gabaón, chan.

Q'eqchi Bible

¹ Naq laj David kiwank cho'q awab'ej, kiwank we'ej chiru oxib' chihab'. Toja' naq laj David kipatz'ok re li Qaawa' ut a'in kixye re: “A'an xk'ulmank xb'aan naq laj Saúl ut eb' li ralal xk'ajol ke'xkamsiheb' laj Gabahón”, chan.

2 Samuel 21:1 ပူးပေါင်းရင်းမြစ်များ

Génesis 26:1

Quicuan cuiꞌchic jun li cueꞌej saꞌ li naꞌajej aꞌan joꞌ nak quicuan junxil nak toj yoꞌyo laj Abraham. Laj Isaac co̱ saꞌ li tenamit Gerar li cuan cuiꞌ laj Abimelec. Laj Abimelec, aꞌan xreyeb laj filisteo.

Génesis 12:10

Saꞌ eb li cutan aꞌan quicuan jun li nimla cueꞌej saꞌ li naꞌajej aꞌan. Xban nak ma̱cꞌaꞌ li tzacae̱mk, co̱eb laj Abram saꞌ li naꞌajej Egipto ut aran queꞌcana.

Salmos 91:15

Nak tixtzꞌa̱ma xtenkꞌanquil cue, la̱in tinsume li cꞌaꞌru tixtzꞌa̱ma chicuu. La̱in tincua̱nk riqꞌuin ut la̱in tincolok re chiru li raylal ut tinqꞌue xlokꞌal.

Salmos 50:15

Chine̱ya̱bak nak cua̱nkex saꞌ raylal ut la̱in texincol ut la̱ex te̱qꞌue inlokꞌal, chan li Dios.

Li xHu LAJ JOB 10:2

At Ka̱cuaꞌ, at inDios, mina̱qꞌue chixtojbal inma̱c. Ye cue cꞌaꞌru inma̱c cha̱cuu.

2 Reyes 8:1

Li profeta Eliseo quia̱tinac riqꞌuin li ixk li quiqꞌuirtesi̱c lix yum ut quixye re nak li Ka̱cuaꞌ tixtakla li cueꞌej saꞌ li naꞌajej aꞌan chiru cuukub chihab. Quixye re nak ta̱xic chi cua̱nc saꞌ jalan naꞌajej.

2 Reyes 6:25

Ut xban nak sutsu li tenamit qui-osoꞌ lix tzacae̱mkeb saꞌ chixjunil li tenamit. Queꞌxterkꞌusi xtzꞌak chixjunil toj retal queꞌxcꞌayi xjolom li bu̱r chi ca̱cꞌa̱l chi tumin plata. Ut o̱b chi tumin plata xtzꞌak li mero libra li pim, li “xcꞌot mucuy” xcꞌabaꞌ.

1 Reyes 18:2

Joꞌcan nak laj Elías co̱ riqꞌuin laj Acab. Yo̱ chi us li cueꞌej aran Samaria.

1 Reyes 17:1

Quicuan jun li profeta aj Elías xcꞌabaꞌ. Lix tenamit, aꞌan Tisbe li cuan saꞌ xcue̱nt Galaad. Laj Elías quixye re li rey Acab: —Saꞌ xcꞌabaꞌ li Ka̱cuaꞌ, lix Dioseb laj Israel li nincꞌanjelac chiru, la̱in ninye a̱cue nak chiru cuib oxib chihab incꞌaꞌ chic tixqꞌue li hab toj tinye la̱in, chan.

2 Samuel 5:23

Ut laj David quitijoc cuiꞌchic ut quixpatzꞌ re li Dios cꞌaꞌru us tixba̱nu. Ut li Ka̱cuaꞌ quixye re: —Incꞌaꞌ tat-oc chi ubej. Te̱sut rix lix naꞌajeb ut texpletik riqꞌuineb cuanqueb cuiꞌ li cheꞌ bálsamo.

2 Samuel 5:19

Laj David quitijoc ut quixye re li Dios: —¿Ma tinxic chi pletic riqꞌuineb laj filisteo? ¿Ma tina̱tenkꞌa chi numta̱c saꞌ xbe̱neb? chan. Ut li Ka̱cuaꞌ quixye re: —Ayu chi pletic riqꞌuineb. La̱in tinkꞌaxtesiheb saꞌ a̱cuukꞌ, chan.

1 Samuel 23:11

¿Ma tineꞌxkꞌaxtesi saꞌ rukꞌ laj Saúl eb li cuanqueb Keila? ¿Ma ya̱l nak ta̱cha̱lk laj Saúl? At Ka̱cuaꞌ, at kaDios la̱o aj Israel, nintzꞌa̱ma cha̱cuu nak ta̱sume taxak intij, chan. Ut li Ka̱cuaꞌ quixye re: —Laj Saúl ta̱cha̱lk, chan.

1 Samuel 23:4

Joꞌcan nak laj David co̱ cuiꞌchic chi tijoc chiru li Ka̱cuaꞌ re xnaubal ma ta̱xic Keila chi pletic riqꞌuineb laj filisteo, malaj ut incꞌaꞌ. Ut li Ka̱cuaꞌ quixye re: —Ayu chi pletic riqꞌuineb laj filisteo xban nak la̱in tinkꞌaxtesiheb saꞌ a̱cuukꞌ, chan.

1 Samuel 23:2

Laj David quitijoc ut quixye re li Dios: —¿Ma tinxic chi pletic riqꞌuineb laj filisteo malaj ut incꞌaꞌ? chan. Ut li Ka̱cuaꞌ quixye re: —Ayu. Pletin chak riqꞌuineb laj filisteo ut ta̱coleb li cuanqueb aran Keila, chan.

Josué 7:1

Jun li cui̱nk aj Acán xcꞌabaꞌ, xcomoneb li ralal xcꞌajol laj Judá, quixxoc chokꞌ re li cꞌaꞌru ac kꞌaxtesinbil xban li Dios re sachecꞌ. Laj Acán, aꞌan li ralal laj Carmi. Laj Carmi, aꞌan li ralal laj Zabdi ut laj Zabdi, aꞌan li ralal laj Zera. Li ma̱c quixba̱nu laj Acán, li Dios quixqꞌue saꞌ xbe̱neb chixjunileb li ralal xcꞌajol laj Israel, ut cꞌajoꞌ nak quijoskꞌoꞌ saꞌ xbe̱neb.

Números 27:21

Laj Josué ta̱xic riqꞌuin laj Eleazar laj tij ut tixpatzꞌ re cꞌaꞌru tixba̱nu. Ut laj Eleazar tixsicꞌ li cꞌaꞌru nacuaj riqꞌuin li Urim. Laj Josué, aꞌan li ta̱takla̱nk saꞌ xbe̱neb laj Israel riqꞌuin chixjunil li cꞌaꞌru teꞌxba̱nu, chan li Ka̱cuaꞌ.

Levítico 26:26

Incꞌaꞌ chic ta̱cua̱nk chi tzꞌakal le̱ tzacae̱mk. Laje̱b chi ixk teꞌxyi̱b li caxlan cua saꞌ jun chi horno. Ajlanbil chic li caxlan cua li te̱cꞌul. Ut nak ac xecuaꞌ chixjunil, incꞌaꞌ ta̱tzꞌaklok e̱re.

Génesis 43:1

Nak yo̱ chi numta̱c li cueꞌej saꞌ li tenamit Canaán,

Génesis 41:57

Jalan jala̱nk xtenamiteb li queꞌcꞌulun Egipto chixlokꞌbal lix trigo riqꞌuin laj José xban nak yo̱ chi numta̱c li cueꞌej yalak bar.

Génesis 42:5

Eb li ralal laj Jacob, li nayeman ajcuiꞌ aj Israel re, queꞌcuulac saꞌ xya̱nkeb li yo̱queb chi lokꞌoc trigo aran Egipto xban nak yo̱ ajcuiꞌ li cueꞌej saꞌ li tenamit Canaán.

2 Samuel 16:8

Li Ka̱cuaꞌ Dios xqꞌuehoc a̱cue chixtojbal a̱ma̱c xban nak xacamsiheb nabal li ralal xcꞌajol laj Saúl ut la̱at chic xat-oc saꞌ lix naꞌaj. Li Ka̱cuaꞌ xatrisi saꞌ la̱ cuanquil ut aꞌ chic la̱ cualal laj Absalón xqꞌue saꞌ la̱ naꞌaj. Xat-isi̱c saꞌ la̱ cuanquil xban nak la̱at aj camsinel, chan.

2 Samuel 20:26

Laj Ira, Jair xtenamit, aꞌan laj tij li quicuan riqꞌuin laj David.

2 Samuel 21:5

Eb aꞌan queꞌxye re li rey: —Laj Saúl quiraj kasachbal chi junaj cua. Quixcꞌu̱b ru nak ma̱ jun chic ke teꞌcana̱k chi yoꞌyo arin Israel.

2 Samuel 24:1

Quichal cuiꞌchic xjoskꞌil li Ka̱cuaꞌ Dios saꞌ xbe̱neb laj Israel. Joꞌcan nak quixqꞌue xjoskꞌil laj David saꞌ xbe̱neb. Quiyeheꞌ re laj David nak ta̱rajlaheb chixjunileb laj Israel ut eb laj Judá.

Josué 9:20

Incꞌaꞌ takacamsiheb. Ma̱re ta̱cha̱lk xjoskꞌil li Dios saꞌ kabe̱n cui takakꞌet li contrato li xkaba̱nu riqꞌuineb.

Li xHu LIX RUT 1:1

Saꞌ eb li cutan nak cuanqueb laj rakol a̱tin chi takla̱nc saꞌ xbe̱neb li tenamit Israel, quicuan jun li cueꞌej saꞌ chixjunil li naꞌajej aꞌan. Ut cuan jun li cui̱nk aj Belén xcue̱nt Judá co̱ chi cua̱nc saꞌ li tenamit Moab rochben li rixakil. Ut xcabichaleb li ralal quixcꞌam chirix.

1 Samuel 10:22

Nak incꞌaꞌ queꞌxtau, queꞌxye re li Ka̱cuaꞌ: —¿Ma cuan saꞌ kaya̱nk li cui̱nk li xasicꞌ ru? chanqueb. Ut li Dios quixye reheb: —Laj Saúl cuan saꞌ e̱ya̱nk. Xmuk rib saꞌ xya̱nk li i̱k, chan.

Salmos 27:8

La̱in xcuecꞌa saꞌ li cua̱m nak tento tatinsicꞌ. Joꞌcan nak xatinsicꞌ, at Ka̱cuaꞌ.