2 Samuel 20:21 - Li Santil hu

²¹ Ma̱cuaꞌ aꞌan li nakaj la̱o. Jun li cui̱nk aj Seba xcꞌabaꞌ xchal chak saꞌ lix naꞌajeb li ralal xcꞌajol laj Efraín, li tzu̱l ru. Li cui̱nk aꞌan ta̱raj pletic riqꞌuin li rey David. Cui te̱kꞌaxtesi ke li cui̱nk aꞌan, la̱o toxic ut incꞌaꞌ to-oc saꞌ le̱ tenamit, chan laj Joab. Li ixk quixye re: —La̱o takacamsi ut takacut lix jolom jun pacꞌal li tzꞌac, chan.

Q'eqchi Bible

²¹ Moko jo'kan ta. Yal jun li winq, aj Sebá xk'ab'a', ralal laj Bikrí, li xchalk chaq sa' xtzuulul Efraín, taaraj yalok rik'in li awab'ej David. Q'axtesiiq sa' quq', ka'ajwi' a'an, ut tin'elq sa' leetenamit”, chan laj Johab. Kichaq'ok li ixq: “Us, maak'a' naxye. Tqakut li xjolom junpak'al li tz'ak”, chan.

2 Samuel 20:21 ပူးပေါင်းရင်းမြစ်များ

Jeremías 50:19

La̱in tinqꞌueheb cuiꞌchic laj Israel saꞌ lix naꞌajeb. Chanchanakeb li carner li nequeꞌichajib aran Carmelo ut Basán. Ut teꞌxtzaca ajcuiꞌ li ru li acui̱mk li na-el saꞌ lix naꞌajeb li ralal xcꞌajol laj Efraín ut Galaad toj retal ta̱cꞌojla̱k xchꞌo̱leb.

Jeremías 4:15

Yo̱ chi cuulac resil li raylal li ta̱cꞌulma̱nk toj saꞌ lix naꞌajeb li ralal xcꞌajol laj Dan ut toj saꞌ lix naꞌajeb li ralal xcꞌajol laj Efraín, li naꞌajej li tzu̱l ru.

2 Reyes 10:7

Nak queꞌxcꞌul li hu li quixtakla laj Jehú, eb li nequeꞌcꞌamoc be aran Samaria queꞌxcamsiheb li laje̱b xca̱cꞌa̱l chi ralal laj Acab. Queꞌxqꞌue lix jolomeb saꞌ chacach ut queꞌxtakla Jezreel riqꞌuin laj Jehú.

2 Reyes 5:22

Laj Giezi quixye re: —Ma̱cꞌaꞌ nakacꞌul. Lin patrón xinixtakla chixyebal a̱cue nak xeꞌcuulac riqꞌuin cuibeb li profeta sa̱jeb. Xeꞌchal chak saꞌ lix naꞌajeb li ralal xcꞌajol laj Efraín, li tzu̱l ru. Naxtzꞌa̱ma cha̱cuu nak ta̱qꞌue reheb oxib mil li tumin plata ut cuib sumal li tꞌicr, chan.

2 Samuel 23:18

Laj Abisai, li ri̱tzꞌin laj Joab, aꞌan li nataklan saꞌ xbe̱neb li laje̱b xcaꞌcꞌa̱l. Aꞌan lix yum lix Sarvia. Laj Abisai quixcamsiheb oxib ciento chi cui̱nk. Joꞌcan nak quiniman xcuanquil joꞌ li oxibeb li cauheb rib chi pletic.

2 Samuel 20:1

Saꞌ li tenamit Gilgal quicuan jun li cui̱nk incꞌaꞌ us xnaꞌleb. Aꞌan laj Seba, ralal laj Bicri. Xcomoneb li ralal xcꞌajol laj Benjamín. Laj Seba quixya̱basi li trompeta re xchꞌutubanquileb li tenamit, ut quixye reheb: —La̱o ma̱cꞌaꞌ nakara chirix laj David li ralal laj Isaí. Ma̱cꞌaꞌ tixqꞌue ke. Chikajunilo toxic saꞌ kamuheba̱l, chan.

1 Samuel 26:9

Abanan laj David quixye re: —Ma̱camsi aꞌan. ¿Cꞌaꞌut nak ta̱camsi li rey li quisiqꞌueꞌ ru xban li Ka̱cuaꞌ? Cuan a̱ma̱c cui ta̱camsi aꞌan, chan.

1 Samuel 24:6

Joꞌcan nak quixye reheb lix soldado: —Li Ka̱cuaꞌ taxak ta̱tenkꞌa̱nk cue re nak incꞌaꞌ tinba̱nu raylal re lin rey. Aꞌan cuan chokꞌ rey xban nak li Ka̱cuaꞌ quisicꞌoc ru, chan.

Jueces 7:24

Ut laj Gedeón quixtakla lix takl saꞌ lix naꞌaj laj Efraín, li tzu̱l ru, ut quixye reheb: —Cauresihomak e̱rib chixcꞌulbaleb laj Madián. Texxic saꞌ eb li naꞌajej Bet-bara bar incꞌaꞌ cham chi us li haꞌ, ut te̱ram xbeheb laj Madián re nak incꞌaꞌ teꞌnumekꞌ jun pacꞌal li nimaꞌ Jordán, chan. Ut eb li ralal xcꞌajol laj Efraín queꞌxba̱nu joꞌ quiyeheꞌ reheb.

Jueces 2:9

Ut queꞌxmuk aran Timnat-sera saꞌ li naꞌajej li quire̱chani aꞌan. Li naꞌajej aꞌan cuan jun pacꞌal li tzu̱l Gaas saꞌ li norte saꞌ lix naꞌajeb li ralal xcꞌajol laj Efraín, li tzu̱l ru.

Josué 24:33

Nak quicam laj Eleazar li ralal laj Aarón quimukeꞌ aran saꞌ jun li chꞌina tzu̱l li cuan saꞌ li naꞌajej li quiqꞌueheꞌ re laj Finees, li ralal laj Eleazar. Li naꞌajej aꞌan cuan saꞌ xya̱nkeb li tzu̱l re laj Efraín.

2 Samuel 20:2

Joꞌcaꞌin nak chixjunileb li ralal xcꞌajol laj Israel queꞌxtzꞌekta̱na laj David ut queꞌoquen chirix laj Seba, ralal laj Bicri. Abanan eb li ralal xcꞌajol laj Judá queꞌoquen chirix laj David lix reyeb. Queꞌco̱eb chirix nak queꞌel cuan cuiꞌ li nimaꞌ Jordán ut queꞌco̱eb toj Jerusalén.

2 Samuel 20:20

Laj Joab quixye re: —La̱o incꞌaꞌ takasach la̱ tenamit chi moco xkacꞌoxla xpoꞌbal ru li cꞌaꞌru cuan e̱re.

1 Reyes 11:26

Joꞌcan ajcuiꞌ laj Jeroboam, li ralal laj Nebat, quixkꞌetkꞌeti rib chiru li rey Salomón nak yo̱ chi cꞌanjelac chiru. Laj Jeroboam, aꞌan xcomoneb li ralal xcꞌajol laj Efraín. Sereda lix tenamit. Lix naꞌ, aꞌan xma̱lcaꞌan, Zerúa xcꞌabaꞌ.

Jueces 9:55

Nak queꞌxqꞌue retal laj Israel nak ac xcam laj Abimelec, queꞌsukꞌi cuiꞌchic saꞌ li rochocheb.