2 Samuel 20:2 - Li Santil hu

² Joꞌcaꞌin nak chixjunileb li ralal xcꞌajol laj Israel queꞌxtzꞌekta̱na laj David ut queꞌoquen chirix laj Seba, ralal laj Bicri. Abanan eb li ralal xcꞌajol laj Judá queꞌoquen chirix laj David lix reyeb. Queꞌco̱eb chirix nak queꞌel cuan cuiꞌ li nimaꞌ Jordán ut queꞌco̱eb toj Jerusalén.

Q'eqchi Bible

² Ut chixjunileb' laj Israel ke'xkanab' xjunes laj David re xtaaqenkil laj Sebá, ralal laj Bikrí; ab'an eb' laj Judá ke'xtaaqe li x'awab'ejeb' chalen chaq sa' li nima' Jordán toj Jerusalén.

2 Samuel 20:2 ပူးပေါင်းရင်းမြစ်များ

Hechos 11:23

Nak quicuulac laj Bernabé quixqꞌue retal nak li Dios yo̱ chirosobtesinquileb laj pa̱banel li cuanqueb aran. Quixqꞌue xcacuilal xchꞌo̱leb ut quixye ajcuiꞌ reheb nak cheꞌxqꞌuehak xchꞌo̱leb chixpa̱banquil li Ka̱cuaꞌ.

Proverbios 17:14

Li xtiquibanquil jun li ple̱t chanchan xtebal jun rok li haꞌ xban nak junpa̱t naniman ru. Joꞌcan nak kꞌaxal us chokꞌ e̱re nak incꞌaꞌ te̱chꞌic e̱rib saꞌ li ple̱t.

Salmos 62:9

Li cristian ma̱cꞌaꞌ nequeꞌoc cuiꞌ. Usta cuanqueb xcuanquil, usta ma̱cꞌaꞌeb xcuanquil ma̱cꞌaꞌ nequeꞌoc cuiꞌ. Nak ta̱rakekꞌ a̱tin saꞌ xbe̱neb, aran ta̱cꞌutu̱nk nak chixjunileb juntakꞌe̱teb. Chanchan nak nabiseꞌ junak cꞌaꞌ re ru incꞌaꞌ a̱l. Na-apu̱c xban li ikꞌ.

2 Crónicas 10:17

Joꞌcan nak laj Roboam quitaklan caꞌaj cuiꞌ saꞌ xbe̱neb laj Israel li cuanqueb saꞌ li naꞌajej Judá.

2 Samuel 19:15

Quisukꞌi ut li rey David. Quicuulac cuan cuiꞌ li nimaꞌ Jordán. Eb li cuanqueb Judá queꞌco̱eb Gilgal re xcꞌulbal li rey ut re ajcuiꞌ nak teꞌxtenkꞌaheb chi numecꞌ jun pacꞌal li nimaꞌ.

2 Samuel 20:1

Saꞌ li tenamit Gilgal quicuan jun li cui̱nk incꞌaꞌ us xnaꞌleb. Aꞌan laj Seba, ralal laj Bicri. Xcomoneb li ralal xcꞌajol laj Benjamín. Laj Seba quixya̱basi li trompeta re xchꞌutubanquileb li tenamit, ut quixye reheb: —La̱o ma̱cꞌaꞌ nakara chirix laj David li ralal laj Isaí. Ma̱cꞌaꞌ tixqꞌue ke. Chikajunilo toxic saꞌ kamuheba̱l, chan.

2 Samuel 20:3

Nak li rey David quicuulac saꞌ li rochoch aran Jerusalén, quixqꞌue xjuneseb li laje̱b chi ixk li queꞌcuan riqꞌuin li quixcanabeb chi iloc cab. Quixqꞌue xtzacae̱mkeb, abanan incꞌaꞌ chic quicuan riqꞌuineb. Joꞌcan nak queꞌcana chi tzꞌaptzꞌo̱queb. Chanchaneb chic li xma̱lcaꞌan chalen nak queꞌcam.

2 Samuel 20:21

Ma̱cuaꞌ aꞌan li nakaj la̱o. Jun li cui̱nk aj Seba xcꞌabaꞌ xchal chak saꞌ lix naꞌajeb li ralal xcꞌajol laj Efraín, li tzu̱l ru. Li cui̱nk aꞌan ta̱raj pletic riqꞌuin li rey David. Cui te̱kꞌaxtesi ke li cui̱nk aꞌan, la̱o toxic ut incꞌaꞌ to-oc saꞌ le̱ tenamit, chan laj Joab. Li ixk quixye re: —La̱o takacamsi ut takacut lix jolom jun pacꞌal li tzꞌac, chan.

1 Reyes 12:20

Nak eb laj Israel queꞌrabi nak quisukꞌi chak laj Jeroboam, queꞌxchꞌutub ribeb. Queꞌxbok riqꞌuineb laj Jeroboam ut queꞌxxakab chokꞌ xreyeb. Caꞌaj cuiꞌ eb laj Judá queꞌcana rubel xcuanquil laj Roboam, li ri laj David.