2 Samuel 20:19 - Li Santil hu

¹⁹ Li katenamit nacuan saꞌ tuktu̱quil usilal ut nacuan saꞌ xya̱lal arin Israel. Aꞌin jun tenamit kꞌaxal nim xcuanquil. ¿Cꞌaꞌut nak ta̱cuaj xsachbal katenamit? Li tenamit aꞌin re li Dios, chan.

Q'eqchi Bible

¹⁹ Li qatenamit q'axal naraj wank sa' tuqtuukilal ut tiikilal. A'an jwal nim xwankil sa' xyanqeb' li tenamit re Israel. Ut laa'at taawaj xsachb'al chi junajwa! K'a'ut naq taawaj xsachb'al li reechanihom li Qaawa'?”.

2 Samuel 20:19 ပူးပေါင်းရင်းမြစ်များ

1 Samuel 26:19

At rey, chacuabi taxak li cꞌaꞌru tinye, la̱in aj cꞌanjel cha̱cuu. Cui li Ka̱cuaꞌ quixye a̱cue nak xicꞌ chic tina̱cuil, us raj tixcꞌu̱luban ta junak mayej re nak tixjal xcꞌaꞌux. Abanan, cui ut yal cui̱nk li yo̱queb chi yehoc a̱cue nak ta̱ba̱nu raylal cue, aꞌ taxak li Ka̱cuaꞌ chimajecua̱nk reheb xban nak xineꞌrisi saꞌ lin tenamit bar nequeꞌxlokꞌoni cuiꞌ li Ka̱cuaꞌ. Ut yo̱queb chintaklanquil re nak tinlokꞌoni li jalanil dios.

2 Samuel 21:3

Laj David quixye reheb: —¿Chanru naru tinba̱nu usilal e̱re re xtojbal rix li incꞌaꞌ us quixba̱nu laj Saúl? La̱in nacuaj nak te̱tzꞌa̱ma chiru li Dios nak torosobtesi cuiꞌchic, la̱o lix tenamit li Dios, chan.

1 Timoteo 2:2

Chextijok chirixeb li rey ut chixjunileb li cuanqueb saꞌ xcuanquil re nak cua̱nko saꞌ xya̱lal ut tuktu̱k kachꞌo̱l. Ut ma̱cꞌaꞌ taxak ta̱chꞌiꞌchꞌiꞌi̱nk ke saꞌ li kapa̱ba̱l ut ti̱cak taxak li kachꞌo̱l.

2 Samuel 17:16

Ut quixye ajcuiꞌ reheb nak teꞌxtakla resil chi junpa̱t riqꞌuin laj David re nak incꞌaꞌ teꞌxnumsi li kꞌojyi̱n saꞌ li chaki chꞌochꞌ bar nequeꞌnumeꞌ cuiꞌ jun pacꞌal li nimaꞌ. Teꞌxic ban jun pacꞌal li nimaꞌ Jordán saꞌ junpa̱t re nak incꞌaꞌ ta̱camsi̱k li rey joꞌqueb ajcuiꞌ li cuanqueb rochben.

2 Corintios 5:4

Nak cuanco arin saꞌ ruchichꞌochꞌ riqꞌuin li katzꞌejcual aꞌin, noco-ayaynac xban li raylal nakacꞌul. Incꞌaꞌ raj chic nakaj li katzꞌejcual li na-osoꞌ. Ma̱cuaꞌ xban nak nakaj ca̱mc. Xban nak nakaj ta ac xkatau li katzꞌejcual saꞌ choxa li ta̱cua̱nk chi junelic.

1 Corintios 15:54

Nak acak xjalanoꞌ li katibel li nakꞌa, ut nak acak xjalanoꞌ li kayuꞌam li na-osoꞌ, aran ta̱tzꞌaklok ru li quitzꞌi̱ba̱c chak najter xbaneb li profeta nak queꞌxye chak chi joꞌcaꞌin: Sachbil xcuanquil li ca̱mc chi junaj cua xban nak xnumta xcuanquil li Cristo saꞌ xbe̱n. (Isa. 25:8)

Lamentaciones 2:16

Chixjunileb li xicꞌ nequeꞌiloc e̱re yo̱queb che̱hobbal. Nequeꞌrecꞌasi lix jolomeb ut nequeꞌseꞌec. Ut nequeꞌxye: —Chanchan xkanukꞌeb nak xkasach ruheb. Aꞌan aꞌin li cutan yo̱co chiroybeninquil nak teꞌsachekꞌ ruheb laj Jerusalén. Toj xkil ajcuiꞌ nak xeꞌsacheꞌ ruheb, chanqueb.

Lamentaciones 2:5

Chanchan nak xicꞌ chic narileb li tenamit Israel li Ka̱cuaꞌ xban nak quixsach ru li tenamit Jerusalén. Quixcanabeb re nak ta̱juqꞌui̱k chixjunil li cab li bar nequeꞌxcol cuiꞌ ribeb. Ut queꞌxjuqꞌui ajcuiꞌ li rochocheb li rey. Cꞌajoꞌ li raylal quixqꞌue saꞌ xbe̱neb li ralal xcꞌajol laj Judá.

Lamentaciones 2:2

Li Ka̱cuaꞌ cꞌajoꞌ lix joskꞌil. Ma̱ jun chic li rochocheb li ralal xcꞌajol laj Jacob quixcanab chi xakxo. Quilajxsach ajcuiꞌ ruheb chixjunil li cab li nequeꞌxcol cuiꞌ ribeb laj Judá. Quixcꞌut xxuta̱n li rey joꞌ eb ajcuiꞌ chixjunileb li nequeꞌtenkꞌan re.

Jeremías 51:44

La̱in tinqꞌue chixtojbal lix ma̱c laj Bel lix dioseb laj Babilonia. La̱in tinmakꞌ chiru li cꞌaꞌru quilajeꞌxcanab saꞌ lix templo. Eb li xni̱nkal ru tenamit incꞌaꞌ chic teꞌxic riqꞌuin. Ut li tzꞌac li sutsu cuiꞌ li tenamit ta̱tꞌanekꞌ.

Jeremías 51:34

Eb li cuanqueb Jerusalén queꞌxye: —Laj Nabucodonosor lix reyeb laj Babilonia quixsach ku. Ma̱cꞌaꞌ chic cuan chi saꞌ li katenamit xcanab. Chanchan jun li secꞌ ma̱cꞌaꞌ chic cuan chi saꞌ. Laj Nabucodonosor chanchan jun li dragón naxnukꞌ li joꞌ qꞌuial naraj ut naxtzꞌek li incꞌaꞌ naraj.

Salmos 124:3

Xeꞌxsach raj ku chi junaj cua xbaneb xjoskꞌil. Chanchan raj xoeꞌxnukꞌ chi yoꞌyo nak xeꞌxsach raj ku.

Jueces 5:7

Eb li queꞌcuan saꞌ li cocꞌ tenamit li cuanqueb saꞌ xcue̱nt Israel quilajeꞌel. Eb li naꞌajej queꞌcana chi ma̱ ani cuan aran toj nak la̱in lix Débora xin-oc chixtenkꞌanquileb. Chanchanin lix naꞌeb laj Israel nak xin-oc chixtenkꞌanquileb.

Deuteronomio 32:9

La̱ex li ralal xcꞌajol laj Jacob, la̱ex lix tenamit li Ka̱cuaꞌ.

Números 26:10

Li chꞌochꞌ quijacheꞌ ut queꞌtꞌaneꞌ chi saꞌ laj Coré ut eb li queꞌoquen chirix. Cuib ciento riqꞌuin laje̱b roxcꞌa̱l queꞌsacheꞌ ru saꞌ li xam. Li cꞌaꞌru queꞌxcꞌul eb aꞌan, aꞌan quicꞌanjelac re teꞌoc xcꞌaꞌuxeb laj Israel.

Números 16:32

Chanchan nak li chꞌochꞌ quixte li re ut quixnukꞌ laj Coré ut chixjunileb li cui̱nk li queꞌoquen chirix rochbeneb lix jun cablal ut chixjunil li cꞌaꞌru cuan reheb.

Génesis 18:23

Laj Abraham quinachꞌoc riqꞌuin li Ka̱cuaꞌ Dios ut quixye re: —¿Ma ta̱sach ruheb li ti̱queb xchꞌo̱l saꞌ xya̱nkeb li incꞌaꞌ ti̱queb xchꞌo̱l?

Deuteronomio 20:10

Ut nak tex-oc chi pletic riqꞌuin junak li tenamit li te̱re̱chani, xbe̱n cua te̱ye reheb nak naru teꞌxcꞌam ribeb saꞌ usilal e̱riqꞌuin.

2 Samuel 14:16

At rey, cui la̱at ta̱cuabi li cꞌaꞌru yo̱quin chixtzꞌa̱manquil cha̱cuu, la̱at ta̱ru̱k toa̱col re nak incꞌaꞌ teꞌxsach ku saꞌ li naꞌajej aꞌin li xqꞌue ke li Ka̱cuaꞌ.

2 Samuel 20:18

Li ixk quixye re: —Najter eb li tenamit queꞌxye, “cui ani naraj ta̱qꞌuehekꞌ xnaꞌleb ta̱xic chixpatzꞌbal xnaꞌleb aran Abel” chanqueb. Joꞌcaꞌin nak queꞌxyi̱b ru li chꞌaꞌajquilal junju̱nk.

2 Samuel 20:20

Laj Joab quixye re: —La̱o incꞌaꞌ takasach la̱ tenamit chi moco xkacꞌoxla xpoꞌbal ru li cꞌaꞌru cuan e̱re.

1 Samuel 10:1

Ut laj Samuel quixchap jun li chꞌina botella li aceite. Quixhoy saꞌ xjolom laj Saúl. Quirutzꞌ ru ut quixye re: —Li Ka̱cuaꞌ xsicꞌ a̱cuu re tattakla̱nk saꞌ xbe̱n li tenamit Israel.

1 Reyes 8:53

At Ka̱cuaꞌ, at nimajcual Dios, la̱at catsicꞌoc ruheb saꞌ xya̱nkeb chixjunileb li tenamit li cuanqueb saꞌ ruchichꞌochꞌ. Ut caqꞌueheb chokꞌ a̱cualal a̱cꞌajol joꞌ caye re laj Moisés laj cꞌanjel cha̱cuu nak cacuisiheb chak li kaxeꞌto̱nil yucuaꞌ aran Egipto, chan laj Salomón.

Salmos 33:12

Us xak re li tenamit li naqꞌuehoc xlokꞌal li Dios. Us xak re li tenamit aꞌan xban nak queꞌsiqꞌueꞌ ru xban li Dios chokꞌ ralal xcꞌajol.

Salmos 78:71

Incꞌaꞌ chic quicꞌanjelac chokꞌ aj ilol xul. Quiqꞌueheꞌ ban xban li Dios chi cꞌamoc be chiruheb lix tenamit. Aꞌan chic aj ilol reheb laj Israel, li ralal xcꞌajol laj Jacob.

Salmos 106:5

La̱in tincuaj nak tina̱cuosobtesi nak ta̱cuosobtesiheb la̱ tenamit li sicꞌbileb ru a̱ban. Ut nacuaj ajcuiꞌ nak tintzꞌako̱nk riqꞌuin li sahil chꞌo̱lej li ta̱qꞌue reheb la̱ tenamit. La̱in tincuaj ajcuiꞌ xcꞌulbal li lokꞌal li ta̱qꞌue reheb aꞌan.