2 Samuel 20:15 - Li Santil hu

¹⁵ Nak eb lix soldados laj Joab queꞌcuulac Abel-bet-maaca, queꞌxtu̱b li chꞌochꞌ chirix li tzꞌac li sutsu cuiꞌ li tenamit re ta̱ru̱k teꞌpletik riqꞌuineb. Ut queꞌxtiquib ajcuiꞌ xtꞌanbal li tzꞌac.

Q'eqchi Bible

¹⁵ Naq eb' laj Johab ke'wulak Abel-Bet-Mahaká, ke'xtach'ab' ch'och' li nawulak toj wan wi' li suttz'ak, chiru li tenamit, ut chixjunileb' ke'xtikib' b'ekok re xt'anb'al li suttz'ak.

2 Samuel 20:15 ပူးပေါင်းရင်းမြစ်များ

2 Reyes 19:32

Li Ka̱cuaꞌ Dios naxye chi joꞌcaꞌin chirix lix reyeb laj Asiria, “Li cui̱nk aꞌan incꞌaꞌ ta̱oc saꞌ li tenamit Jerusalén chi pletic chi moco riqꞌuin tzimaj, chi moco riqꞌuin chꞌi̱chꞌ, chi moco tixyi̱b lix takleba̱l re ta̱oc saꞌ li tenamit.

Jeremías 32:24

Qꞌue retal chanru nak yi̱banbil li takleba̱l re teꞌxchap cuiꞌ li tenamit. Xban li ple̱t ut xban li cueꞌej ut li caki yajel li tixcꞌul li tenamit aꞌin ta̱kꞌaxtesi̱k saꞌ rukꞌeb laj Babilonia. Li cꞌaꞌru caye yo̱ chi cꞌulma̱nc anakcuan joꞌ yo̱cat chirilbal.

San Lucas 19:43

Ta̱cuulak xkꞌehil nak eb li xicꞌ nequeꞌiloc e̱re teꞌcha̱lk chi pletic e̱riqꞌuin. Teꞌxsut rix le̱ tenamit. Teꞌxqꞌue ribeb chi xjun sutam le̱ tenamit ut la̱ex ma̱ bar chic ta̱ru̱k te̱col e̱rib.

Ezequiel 4:2

Chirix aꞌan, ta̱yi̱b jun retalil li tzꞌac li sutsu cuiꞌ li tenamit ut ta̱yi̱b jun retalil li pletic. Ta̱yi̱b retalil li rok haꞌ ut retalil lix naꞌajeb li soldados ut ta̱yi̱b ajcuiꞌ retalil li ni̱nki cheꞌ li teꞌxtꞌan cuiꞌ li oqueba̱l re li tenamit.

Jeremías 33:4

Aꞌan aꞌin li ninye la̱in li Ka̱cuaꞌ, lix Dioseb laj Israel chirixeb li ochoch li cuanqueb Jerusalén ut chirixeb li palacio li cuanqueb Judá li teꞌjuqꞌuekꞌ ut teꞌsachekꞌ ru nak eb laj Babilonia teꞌcha̱lk chi pletic riqꞌuineb.

Jeremías 6:6

Aꞌan aꞌin li naxye li Ka̱cuaꞌ li nimajcual Dios reheb li teꞌcha̱lk chi pletic: —Yocꞌomak li cheꞌ ut yi̱bomak jun li takleba̱l re tex-oc chi pletic saꞌ li tenamit Jerusalén. Tento nak li cuanqueb Jerusalén teꞌqꞌuehekꞌ chixtojbal lix ma̱queb xban nak li tenamit aꞌan junes raylal nequeꞌxba̱nu.

Isaías 37:33

Li Ka̱cuaꞌ Dios naxye chi joꞌcaꞌin chirix lix reyeb laj Asiria, “Li cui̱nk aꞌan incꞌaꞌ ta̱oc saꞌ li tenamit Jerusalén chi pletic chi moco riqꞌuin tzimaj, chi moco riqꞌuin chꞌi̱chꞌ, chi moco tixyi̱b lix takleba̱l re ta̱oc saꞌ li tenamit.

2 Reyes 15:29

Saꞌ eb li cutan nak laj Peka cuan chokꞌ rey aran Israel, laj Tiglat-pileser lix reyeb laj Asiria quichal chi pletic riqꞌuineb laj Israel. Quinumta saꞌ xbe̱neb li tenamit Ijón, Abel-bet-maaca, Janoa, Cedes, Hazor, Galaad, Galilea ut chixjunil lix naꞌajeb li ralal xcꞌajol laj Neftalí. Quixchapeb li cristian ut quixcꞌameb chi pre̱xil aran Asiria.

1 Reyes 15:20

Li rey Ben-adad quixcꞌul xchꞌo̱l li quixye laj Asa. Joꞌcan nak quixtaklaheb lix soldado joꞌqueb ajcuiꞌ li nequeꞌtaklan saꞌ xbe̱neb re nak teꞌpletik aran Israel. Ut queꞌnumta saꞌ xbe̱neb li tenamit Ijón, Dan, Abel-bet-maaca, ut quinumta ajcuiꞌ saꞌ xbe̱neb chixjunileb li naꞌajej Cineret joꞌ ajcuiꞌ chixjunil lix naꞌajeb li ralal xcꞌajol laj Neftalí.

2 Samuel 20:14

Laj Seba quinumeꞌ riqꞌuineb chixjunileb lix te̱paleb li ralal xcꞌajol laj Israel toj quicuulac aran Abel-bet-maaca. Ut chixjunileb li ralal xcꞌajol laj Bicri queꞌxchꞌutub ribeb ut queꞌoc saꞌ li tenamit chirix laj Seba.

Eclesiastés 9:14

Cuan jun li tenamit caꞌchꞌin. Incꞌaꞌ qꞌuiheb li cristian cuanqueb aran. Ut nachal jun li rey kꞌaxal cau rib chi pletic riqꞌuineb. Naxsut rix li tenamit ut na-oc chi pletic.