2 Samuel 20:12 - Li Santil hu

¹² Laj Amasa tꞌantꞌo saꞌ xyi be saꞌ lix quiqꞌuel. Lix soldado laj Joab quiril nak chixjunileb yo̱queb chi xakli̱c cuan cuiꞌ li camenak. Joꞌcan nak quixquelo li camenak chire li be ut quixtzꞌap riqꞌuin jun tꞌicr.

Q'eqchi Bible

¹² Ab'anan laj Amasá wank sa' xyi li b'e chi oso'jenaq sa' kik', ut naq li winq a'an kixk'e reetal naq chixjunileb' li neke'nume'k aran neke'xaqliik, kirisi li kamenaq sa' li b'e naxik sa' k'aleb'aal ut kixk'e jun li t'ikr sa' xb'een, xb'aan naq kiril naq chixjunileb' li neke'wulak wan wi' a'an neke'xaqliik.

2 Samuel 20:12 ပူးပေါင်းရင်းမြစ်များ

Salmos 9:16

At Ka̱cuaꞌ, xban nak nacatrakoc a̱tin saꞌ xya̱lal, nacacꞌutbesi la̱ ti̱quilal. Aꞌut li incꞌaꞌ useb xnaꞌleb xjunes nequeꞌxsicꞌ xraylaleb riqꞌuin li incꞌaꞌ us nequeꞌxba̱nu.

Salmos 55:23

At Ka̱cuaꞌ, la̱at ta̱sach ruheb li nequeꞌxcamsi ras ri̱tzꞌin ut ta̱sach ruheb laj balakꞌ. Toj ma̱jiꞌ ajcuiꞌ nacuulac yijach lix yuꞌameb arin saꞌ ruchichꞌochꞌ nak ta̱sacheb. Abanan la̱in, at Ka̱cuaꞌ, cau inchꞌo̱l a̱cuiqꞌuin.

2 Samuel 17:25

Laj Absalón quixxakab laj Amasa chi takla̱nc saꞌ xbe̱neb li soldados chokꞌ re̱kaj laj Joab. Laj Amasa, aꞌan ralal laj Itra, xcomoneb li ralal xcꞌajol laj Ismael. Laj Itra, aꞌan lix be̱lom lix Abigail lix rabin laj Nahas. Lix Abigail, aꞌan li ras lix Sarvia. Ut lix Sarvia, aꞌan lix naꞌ laj Joab.

2 Samuel 2:23

Abanan laj Asael incꞌaꞌ quixcanab ra̱linanquil. Joꞌcan nak laj Abner quixcuj lix la̱ns saꞌ xcꞌatk xsaꞌ laj Asael ut li la̱ns qui-el jun pacꞌal. Ut laj Asael quitꞌaneꞌ saꞌ chꞌochꞌ ut quicam. Chixjunileb li yo̱queb chi numecꞌ saꞌ li naꞌajej li cuan cuiꞌ li camenak nequeꞌxakli chirilbal.

2 Samuel 20:11

Jun lix soldado laj Joab quixakli chixcꞌatk li camenak ut quixjap re chixyebal: —Li ani ta̱raj oque̱nc chirixeb laj Joab ut laj David cheꞌxicak chirix laj Joab anakcuan, chan.

2 Samuel 20:13

Nak ac xrisi li camenak saꞌ li be, chixjunileb queꞌco̱eb chirix laj Joab chixsicꞌbal laj Seba li ralal laj Bicri.