2 Samuel 20:11 - Li Santil hu

¹¹ Jun lix soldado laj Joab quixakli chixcꞌatk li camenak ut quixjap re chixyebal: —Li ani ta̱raj oque̱nc chirixeb laj Joab ut laj David cheꞌxicak chirix laj Joab anakcuan, chan.

Q'eqchi Bible

¹¹ Toja' naq jun reheb' laj puub' re laj Johab kixk'e rib' chi xk'atq laj Amasá ut kixye: “Ani taaraj okenk chirix laj Johab ut laj David, xikaq chirix laj Johab”, chan.

2 Samuel 20:11 ပူးပေါင်းရင်းမြစ်များ

2 Samuel 20:13

Nak ac xrisi li camenak saꞌ li be, chixjunileb queꞌco̱eb chirix laj Joab chixsicꞌbal laj Seba li ralal laj Bicri.

2 Reyes 9:32

Laj Jehú qui-iloc saꞌ li ventana ut quixjap re chixyebal: —¿Ani ta̱oque̱nk chicuix? chan. Cuib oxibeb li cui̱nk eunuco yo̱queb chi iloc saꞌ li ventana.

2 Samuel 20:21

Ma̱cuaꞌ aꞌan li nakaj la̱o. Jun li cui̱nk aj Seba xcꞌabaꞌ xchal chak saꞌ lix naꞌajeb li ralal xcꞌajol laj Efraín, li tzu̱l ru. Li cui̱nk aꞌan ta̱raj pletic riqꞌuin li rey David. Cui te̱kꞌaxtesi ke li cui̱nk aꞌan, la̱o toxic ut incꞌaꞌ to-oc saꞌ le̱ tenamit, chan laj Joab. Li ixk quixye re: —La̱o takacamsi ut takacut lix jolom jun pacꞌal li tzꞌac, chan.

2 Samuel 20:4

Mokon chic li rey quixye re laj Amasa: —Ta̱chꞌutubeb chixjunileb li cui̱nk li cuanqueb Judá. Saꞌ oxib cutan cua̱nkeb arin ut cua̱nkat ajcuiꞌ la̱at, chan.

2 Samuel 20:12

Laj Amasa tꞌantꞌo saꞌ xyi be saꞌ lix quiqꞌuel. Lix soldado laj Joab quiril nak chixjunileb yo̱queb chi xakli̱c cuan cuiꞌ li camenak. Joꞌcan nak quixquelo li camenak chire li be ut quixtzꞌap riqꞌuin jun tꞌicr.