2 Samuel 20:10 - Li Santil hu

¹⁰ Laj Amasa incꞌaꞌ quixqꞌue retal nak cuan xchꞌi̱chꞌ laj Joab saꞌ li rukꞌ jun chic. Ut laj Joab quixcuj chi chꞌi̱chꞌ laj Amasa ut qui-el lix cꞌamcꞌot ut quitꞌaneꞌ saꞌ chꞌochꞌ ut quicam saꞌ junpa̱t. Jun sut ajcuiꞌ quixcuj chi chꞌi̱chꞌ. Chirix aꞌan laj Joab rochben laj Abisai li ri̱tzꞌin queꞌco̱eb chixsicꞌbal laj Seba.

Q'eqchi Bible

¹⁰ Laj Amasá ink'a' kixk'e reetal naq wank xch'iich' laj Johab sa' li ruq' jun chik; ut a'in kixjutz' chi ch'iich' laj Amasá jun sut ajwi' sa' xsa', ut chixjunil li xsooyom kit'ane'k chiru ch'och'. Sa' junpaat kikamk laj Amasá. Chirix chik a'an laj Johab rochb'een laj Abisay li riitz'in koheb' wi' chik chi xsik'inkil laj Sebá, ralal laj Bikrí.

2 Samuel 20:10 ပူးပေါင်းရင်းမြစ်များ

2 Samuel 2:23

Abanan laj Asael incꞌaꞌ quixcanab ra̱linanquil. Joꞌcan nak laj Abner quixcuj lix la̱ns saꞌ xcꞌatk xsaꞌ laj Asael ut li la̱ns qui-el jun pacꞌal. Ut laj Asael quitꞌaneꞌ saꞌ chꞌochꞌ ut quicam. Chixjunileb li yo̱queb chi numecꞌ saꞌ li naꞌajej li cuan cuiꞌ li camenak nequeꞌxakli chirilbal.

2 Samuel 3:27

Nak laj Abner quicuulac Hebrón, laj Joab quixcꞌam chi mukmu saꞌ li oqueba̱l re ta̱a̱tinak riqꞌuin xjunes. Ut quixcuj lix chꞌi̱chꞌ saꞌ xcꞌatk xsaꞌ ut quixcamsi. Quixcamsi re tixtoj rix li ma̱c li quixba̱nu nak quixcamsi laj Asael li ri̱tzꞌin laj Joab.

Jueces 3:21

Ut laj Aod quixchꞌic lix tzꞌe ukꞌ rubel li rakꞌ ut quirisi saꞌ rochoch lix chꞌi̱chꞌ ut quixchꞌic chi cau saꞌ xsaꞌ laj Eglón.

1 Crónicas 12:2

Eb li cui̱nk aꞌin cuanqueb xtzimaj riqꞌuineb. Ut naru nequeꞌcutuc riqꞌuin lix nim ukꞌ ut riqꞌuin lix tzꞌe ukꞌ. Nequeꞌcutuc ajcuiꞌ pec riqꞌuin rantꞌin. Aꞌaneb rechꞌalal laj Saúl ut xcomoneb li ralal xcꞌajol laj Benjamín.

2 Samuel 20:9

Laj Joab quixye re laj Amasa: —¿Chan xacuil, at cuami̱g?— Ut quixchap lix mach laj Amasa riqꞌuin li rukꞌ nim re ta̱rutzꞌ ru.

1 Samuel 26:8

Laj Abisai quixye re laj David: —Anakcuan li Dios xkꞌaxtesi saꞌ a̱cuukꞌ li xicꞌ na-iloc a̱cue. Anakcuan china̱canab chixcamsinquil riqꞌuin lix la̱ns. Jun sut ajcuiꞌ tincut li la̱ns ut tinxekꞌ saꞌ chꞌochꞌ, chan.

Génesis 4:8

Saꞌ jun li cutan laj Caín quixye re li ri̱tzꞌin: —Yoꞌo saꞌ cꞌaleba̱l, chan re. Ut nak ac cuanqueb saꞌ li cꞌaleba̱l laj Caín quixcamsi laj Abel.

Números 35:20

Cui junak xicꞌ naril li ras ri̱tzꞌin ut naxtꞌan, malaj ut naxsacꞌ riqꞌuin cꞌaꞌak re ru,

Jeremías 41:2

Nak yo̱queb chi cuaꞌac, laj Ismael ut li laje̱b chi cui̱nk li cuanqueb rochben, queꞌcuacli ut queꞌxcamsi chi chꞌi̱chꞌ laj Gedalías li ralal laj Ahicam, li ralal laj Safán. Laj Gedalías, aꞌan li quixakaba̱c xban lix reyeb laj Babilonia chi takla̱nc saꞌ li naꞌajej Judá.

Jueces 3:15

Ut eb laj Israel queꞌxya̱ba cuiꞌchic xcꞌabaꞌ li Ka̱cuaꞌ Dios. Ut li Ka̱cuaꞌ quixsicꞌ ru jun li cui̱nk re ta̱colok reheb chiruheb laj Moab. Li cui̱nk li quisiqꞌueꞌ ru, aꞌan laj Aod li ralal laj Gera ut xcomoneb li ralal xcꞌajol laj Benjamín. Laj Aod nacꞌanjelac riqꞌuin lix tzꞌe ukꞌ. Eb laj Israel queꞌxtakla laj Aod riqꞌuin laj Eglón lix reyeb laj Moab re tixqꞌue jun lix ma̱tan.