2 Samuel 2:5 - Li Santil hu

⁵ Ut laj David quixtaklaheb lix takl riqꞌuineb laj Jabes li cuan xcue̱nt Galaad ut quixye reheb: —Aꞌ taxak li Dios chi-osobtesi̱nk e̱re riqꞌuin li usilal xeba̱nu re li rey Saúl nak xemuk.

Q'eqchi Bible

⁵ kixtaqlaheb' aj esil re xyeeb'al reheb': “A' taxaq li Qaawa' chi'osob'tesinq eere xb'aan naq xe'ruxtaana ru laj Saúl, laj eechal eere, rik'in xmuqb'al.

2 Samuel 2:5 ပူးပေါင်းရင်းမြစ်များ

1 Samuel 23:21

Laj Saúl quixye reheb: —Aꞌ taxak li Ka̱cuaꞌ chi-osobtesi̱nk e̱re xban nak xeril xtokꞌoba̱l cuu nak xeye cue.

Salmos 115:15

Aꞌ ta li nimajcual Dios li quiyi̱ban re li choxa ut li ruchichꞌochꞌ chi-osobtesi̱nk e̱re.

1 Samuel 24:19

Cui junak cui̱nk naxchap li xicꞌ na-iloc re, ¿ma tixcanab ta biꞌ chi yoꞌyo chi incꞌaꞌ tixcamsi? Li Ka̱cuaꞌ Dios taxak chi qꞌuehoc re̱kaj li usilal xaba̱nu cue anakcuan.

Li xHu LIX RUT 2:20

Lix Noemí quixye re li ralib: —Aꞌ taxak li Ka̱cuaꞌ chi-osobtesi̱nk re li cui̱nk aꞌan. Li Ka̱cuaꞌ quiruxta̱na ku joꞌ quixba̱nu junxil riqꞌuineb li queꞌcam. Tento saꞌ xbe̱n li cui̱nk aꞌan katenkꞌanquil xban nak aꞌan kechꞌalal, chan lix Noemí.

Li xHu LIX RUT 3:10

Laj Booz quichakꞌoc ut quixye re: —Li Ka̱cuaꞌ Dios taxak chi-osobtesi̱nk a̱cue xban nak kꞌaxal nabal cuiꞌchic li usilal yo̱cat chixba̱nunquil riqꞌuin aꞌin. Xru raj xasicꞌ junak cui̱nk toj sa̱j chicuu la̱in, usta biom usta nebaꞌ. Abanan incꞌaꞌ xaba̱nu chi joꞌcan.

Li xHu LIX RUT 1:8

Ut lix Noemí quixye reheb li ralib: —Ayukex che̱cabichalex. Sukꞌinkex saꞌ rochoch le̱ naꞌ. Ut aꞌ taxak li Ka̱cuaꞌ chi-ilok xtokꞌoba̱l e̱ru la̱ex joꞌ xeba̱nu nak quexcuan riqꞌuineb lin yum ut joꞌ ajcuiꞌ xeba̱nu cuiqꞌuin la̱in.

Jueces 21:8

Ut queꞌxye chi ribileb rib: —¿Ma cuanqueb saꞌ xya̱nkeb li ralal xcꞌajol laj Israel li incꞌaꞌ queꞌxchꞌutub ribeb chiru li Ka̱cuaꞌ arin Mizpa? chanqueb. Ut queꞌxqꞌue retal nak eb li cuanqueb Jabes-galaad incꞌaꞌ queꞌcuan aran nak queꞌxchꞌutub ribeb.

1 Samuel 15:13

Laj Samuel co̱ cuan cuiꞌ laj Saúl ut laj Saúl quixye re: —Osobtesinbilat taxak xban li Ka̱cuaꞌ. La̱in xinba̱nu li cꞌaꞌru quixye cue li Ka̱cuaꞌ, chan.

Génesis 14:19

Laj Melquisedec quirosobtesi laj Abram riqꞌuin li a̱tin aꞌin: —Osobtesinbil taxak laj Abram xban li Ka̱cuaꞌ Dios, li kꞌaxal nim xcuanquil. Li Ka̱cuaꞌ Dios, aꞌan li quiyi̱ban re li choxa joꞌ ajcuiꞌ li ruchichꞌochꞌ.

Génesis 14:22

Abanan laj Abram quichakꞌoc ut quixye re: —Ac xinba̱nu jun li juramento riqꞌuin li Ka̱cuaꞌ Dios, li quiyi̱ban re li ruchichꞌochꞌ joꞌ ajcuiꞌ li choxa.

Josué 2:14

Ut eb aꞌan queꞌxye: —Joꞌ nak xacol rix li kayuꞌam la̱o, joꞌcan ajcuiꞌ nak takacol rix le̱ yuꞌam la̱ex cui ma̱ ani aj e ta̱ye li cꞌaꞌru yo̱co chixba̱nunquil. Ut nak ac xkꞌaxtesi saꞌ kukꞌ li naꞌajej aꞌin li Ka̱cuaꞌ, la̱o takaba̱nu usilal e̱re ut saꞌ xya̱lal tocua̱nk e̱riqꞌuin, chanqueb.

1 Samuel 11:1

Laj Nahas, lix reyeb laj Amón, quixcauresiheb lix soldado ut queꞌco̱eb Jabes re Galaad re teꞌpletik riqꞌuineb. Eb li cui̱nk li cuanqueb Jabes re Galaad queꞌxye re: —Ba̱nu jun li contrato kiqꞌuin ut la̱o takacanab kib rubel a̱cuanquil, chanqueb.

1 Samuel 11:9

Quixye reheb li takl li queꞌchal chak Jabes re Galaad: —Saꞌ cuaꞌleb texkacol, chan. Ut eb li takl queꞌco̱eb cuiꞌchic ut queꞌxye reheb li cuanqueb Jabes li cꞌaꞌru quixye laj Saúl. Cꞌajoꞌ nak queꞌsahoꞌ saꞌ xchꞌo̱leb.

2 Samuel 15:20

Tojeꞌ ajcuiꞌ xatcꞌulun arin. ¿Ma tento ta biꞌ nak ta̱beni a̱cuib chikix? La̱in naru ninxic yalak bar, abanan kꞌaxal us chokꞌ a̱cue nak tatsukꞌi̱k ut ta̱cꞌam cha̱cuix eb la̱ cuech tenamitil. Aꞌ taxak li Ka̱cuaꞌ Dios chi-osobtesi̱nk a̱cue chi junelic, chan laj David.

2 Samuel 21:12

Joꞌcan nak co̱ riqꞌuineb li cui̱nk li cuanqueb Jabes, li cuan saꞌ xcue̱nt Galaad, re tixcꞌam lix bakeleb laj Saúl ut laj Jonatán. (Eb li cui̱nk aꞌan queꞌrelkꞌa li camenak aran Bet-sán saꞌ li naꞌajej li queꞌtꞌuyuba̱c cuiꞌ xbaneb laj filisteo saꞌ li cutan nak queꞌcamsi̱c saꞌ li tzu̱l Gilboa.)