2 Samuel 2:32 - Li Santil hu

³² Laj Joab queꞌxxoc li camenak Asael ut queꞌxmuk aran Belén saꞌ li naꞌajej li quimukeꞌ cuiꞌ lix yucuaꞌ. Chirix chic aꞌan queꞌbe̱c chiru li kꞌojyi̱n. Yo̱ chi sake̱uc nak queꞌcuulac Hebrón.

Q'eqchi Bible

³² Moqon chik ke'xxok laj Asahel ut koxe'xmuq Belén sa' li na'ajej kimuqe'k wi' li xyuwa'. Laj Johab ut eb' li rochb'een ke'b'eek chiru chixjunil li q'oqyink, ut ak yo chi saqewk naq ke'wulak Hebrón.

2 Samuel 2:32 ပူးပေါင်းရင်းမြစ်များ

Proverbios 22:29

Li roꞌ li naꞌleb, aꞌan aꞌin: Li ani naxnau cꞌanjelac chi cha̱bil, aꞌan ta̱cꞌanjelak riqꞌuineb li rey. Moco riqꞌuin ta yalak ani ta̱trabajik.

2 Crónicas 21:1

Laj Josafat quicam ut quimukeꞌ saꞌ lix tenamit laj David bar quimukeꞌ cuiꞌ lix xeꞌto̱nil yucuaꞌ. Ut aꞌ chic laj Joram li ralal qui-oc chokꞌ xreyeb laj Judá chokꞌ re̱kaj.

2 Crónicas 16:14

Quimukeꞌ saꞌ lix tenamit laj David saꞌ li naꞌajej li quixcauresi laj Asa. Saꞌ li naꞌajej li queꞌxmuk cuiꞌ queꞌxqꞌue nabal pa̱y ru li sununquil ban yi̱banbil xbaneb li nequeꞌxnau yi̱ba̱nc sununquil ban. Nak ac xeꞌxmuk, queꞌxloch jun nimla xam re xqꞌuebal xlokꞌal.

2 Samuel 5:1

Queꞌco̱eb Hebrón chixjunileb li xte̱paleb laj Israel re nak teꞌa̱tinak riqꞌuin laj David. Ut queꞌxye re: —La̱at moco jalanat ta kiqꞌuin. La̱o kechꞌalal kib chi kibil kib, chanqueb.

1 Samuel 17:58

Laj Saúl quixye re: —¿Ani la̱ yucuaꞌ? chan. Laj David quixye re: —La̱in ralal laj Isaí, laj cꞌanjel cha̱cuu. Belén xtenamit, chan.

Génesis 47:29

Nak yo̱ chi cuulac xkꞌehil lix camic, laj Israel quixbok laj José riqꞌuin ut quixye re: —Anakcuan la̱in tincuaj ta̱ba̱nu junak usilal cue. Qꞌue la̱ cuukꞌ rubel cuaꞌ joꞌ cꞌaynakeb chixba̱nunquil li katenamit nak nequeꞌxba̱nu li juramento. Tintzꞌa̱ma cha̱cuu nak incꞌaꞌ tina̱muk arin Egipto.

Génesis 47:30

Nak tinca̱mk, tine̱risi Egipto ut tine̱cꞌam aran Canaán ut tine̱muk chixcꞌatk li naꞌajej li queꞌmukeꞌ cuiꞌ lin yucuaꞌ camenak joꞌ ajcuiꞌ lin yucuaꞌchin, chan laj Jacob. Ut laj José quixye re: —Us. Matcꞌoxlac. Tinba̱nu li cꞌaꞌru yo̱cat chixyebal cue, chan.

Jueces 8:32

Laj Gedeón, li ralal laj Joás, ac ti̱x chic chi us nak quicam. Quimukeꞌ saꞌ li naꞌajej li quimukeꞌ cuiꞌ laj Joás lix yucuaꞌ. Li mukleba̱l aꞌan cuan saꞌ li tenamit Ofra, lix tenamiteb li ralal xcꞌajol laj Abiezer.

2 Samuel 2:31

Ut eb lix soldados laj David queꞌxcamsiheb oxib ciento riqꞌuin oxcꞌa̱l (360) lix soldados laj Abner, xcomoneb li ralal xcꞌajol laj Benjamín.