2 Samuel 2:18 - Li Santil hu

¹⁸ Cuanqueb saꞌ li ple̱t aꞌan laj Joab, laj Abisai ut laj Asael, li oxib chi xyum lix Sarvia. Laj Asael cau naa̱linac. Chanchan li quej li cuan saꞌ qꞌuicheꞌ.

Q'eqchi Bible

¹⁸ Aran wankeb' roxichaleb' li xyum lix Sarbia: laj Johab, laj Abisay ut laj Asahel. A'in jwal kaw na'aanilak, chanchan junaq kej,

2 Samuel 2:18 ပူးပေါင်းရင်းမြစ်များ

1 Crónicas 12:8

Cuanqueb ajcuiꞌ xcomoneb li ralal xcꞌajol laj Gad queꞌco̱eb riqꞌuin laj David re teꞌoque̱nk chirix nak cuan chak saꞌ li chaki chꞌochꞌ saꞌ li cab li nequeꞌxcol cuiꞌ ribeb. Eb li cui̱nk aꞌin nequeꞌcuulac chiru pletic. Cauheb rib ut nequeꞌxnau pletic chi us. Cuanqueb xchꞌi̱chꞌ re xcolbal ribeb ut cuanqueb xla̱ns saꞌ rukꞌeb. Joskꞌ nequeꞌiloc. Chanchaneb li cakcoj. Nequeꞌxnau a̱linac saꞌ eb li tzu̱l. Chanchaneb li quej.

Habacuc 3:19

Li Ka̱cuaꞌ, li nimajcual Dios, aꞌan li ta̱qꞌuehok xcacuilal inchꞌo̱l. Tixqꞌue chi se̱bocꞌ li cuok joꞌ xse̱bal li rokeb li quej li kꞌaxal cau nequeꞌa̱linac. Ut tinixqꞌue chi cua̱nc saꞌ jun naꞌajej bar ma̱cꞌaꞌ tincꞌul.

Cantares 8:14

Se̱ba a̱cuib, at cui̱nk li nacatinra. Quim cuiqꞌuin. A̱linan joꞌ nak nequeꞌa̱linac li quej li nequeꞌchal chak saꞌ eb li tzu̱l saꞌ li naꞌajej cꞌajoꞌ xsununcal.

Cantares 2:17

Nak yo̱ chi numecꞌ li kꞌojyi̱n ut nak yo̱ chi sake̱uc, tatcha̱lk cuiqꞌuin, la̱at li raro̱cat inban. Chanchanakat li quej ut li yuc li nequeꞌcuan saꞌ li tzu̱l Beter.

Salmos 18:33

Aꞌan na-iloc cue yalak bar ninnumeꞌ re nak ma̱cꞌaꞌ nincꞌul. Chanchanin li quej li naa̱linac yalak bar saꞌ qꞌuicheꞌ.

Amós 2:14

Ma̱ ani ta̱ru̱k ta̱e̱lelik chicuu. Li kꞌaxal cau naa̱linac incꞌaꞌ ta̱ru̱k ta̱e̱lelik chicuu. Li kꞌaxal cau rib tixsach lix cacuilal ut li cau xchꞌo̱l chi pletic incꞌaꞌ ta̱ru̱k tixcol rib.

Eclesiastés 9:11

Cuan jun chic xinqꞌue retal saꞌ ruchichꞌochꞌ nak ma̱cuaꞌeb li kꞌaxal se̱beb li nequeꞌe̱chanin re li ma̱tan saꞌ li a̱linac, chi moco eb li cauheb rib li nequeꞌnumta saꞌ li ple̱t. Ut eb li cuanqueb xnaꞌleb incꞌaꞌ nequeꞌxtau xtzacae̱mkeb yal xban nak cuanqueb xnaꞌleb. Ut eb li se̱beb xchꞌo̱l incꞌaꞌ nequeꞌbiomoꞌ yal xban nak se̱beb xchꞌo̱l. Ut eb li tzolbileb moco rajlal ta nequeꞌcꞌuleꞌ saꞌ usilal. Chixjunil aꞌin moco nequeꞌxnau ta jokꞌe teꞌxcꞌul li chꞌaꞌajquilal.

1 Crónicas 11:26

Aꞌaneb aꞌin xcꞌabaꞌeb li soldado li kꞌaxal cauheb rib chi pletic: laj Asael li ri̱tzꞌin laj Joab; laj Elhanán li ralal laj Dodo, Belén xtenamit;

2 Samuel 1:23

Laj Saúl ut laj Jonatán kꞌaxal cha̱bileb ut raro̱queb. Laj Saúl ut laj Jonatán incꞌaꞌ queꞌxcanab ribeb nak toj yoꞌyo̱queb. Chi moco nak queꞌcam queꞌxcanab ribeb. Kꞌaxal se̱beb joꞌ li xul tꞌiu xcꞌabaꞌ. Ut kꞌaxal cauheb rib joꞌ li cakcoj.

1 Samuel 26:6

Rochbeneb laj David cuanqueb laj Ahimelec aj heteo ut laj Abisai, lix yum lix Sarvia. Laj Abisai, aꞌan li ri̱tzꞌin laj Joab. Laj David quixye reheb: —¿Ani e̱re ta̱xic chicuix saꞌ lix muheba̱l laj Saúl? chan. —La̱in tinxic cha̱cuix, chan laj Abisai.

2 Samuel 2:19

Laj Asael quira̱lina laj Abner. Incꞌaꞌ quixcanab ra̱linanquil.

2 Samuel 22:34

Aꞌan na-iloc cue yalak bar ninnumeꞌ re nak ma̱cꞌaꞌ nincꞌul. Chanchanin li quej li naa̱linac yalak bar saꞌ qꞌuicheꞌ.

2 Samuel 23:24

Aꞌaneb aꞌin li cuanqueb saꞌ xya̱nkeb li laje̱b xcaꞌcꞌa̱l chi soldados: laj Asael li ri̱tzꞌin laj Joab; laj Elhanán li ralal laj Dodo, Belén xtenamit;

1 Reyes 2:5

La̱at nacanau cꞌaꞌru quixba̱nu cue laj Joab lix yum lix Sarvia. Nacanau nak quixcamsiheb li cuib li queꞌtaklan saꞌ xbe̱neb li soldados aj Israel. Quixcamsi laj Abner li ralal laj Ner ut quixcamsi ajcuiꞌ laj Amasa li ralal laj Jeter. Incꞌaꞌ yo̱ li ple̱t nak quixcamsiheb re xqꞌuebal re̱kaj li camsi̱nc queꞌxba̱nu nak yo̱ li ple̱t. Ut riqꞌuin li camsi̱nc li quixba̱nu, quixqꞌue saꞌ inbe̱n la̱in li ma̱c, usta aꞌan raj li cuan xma̱c.

2 Samuel 14:1

Laj Joab quixnau nak kꞌaxal ra saꞌ xchꞌo̱l li rey David chirix laj Absalón.

1 Crónicas 12:9

Li xbe̱n, aꞌan laj Ezer; li xcab, aꞌan laj Obadías; li rox, aꞌan laj Eliab;

1 Crónicas 27:7

Li quitaklan saꞌ xbe̱neb li jun chꞌu̱tal li queꞌcꞌacꞌalen re li tenamit saꞌ li xca̱ po, aꞌan laj Asael li ri̱tzꞌin laj Joab. Chirix aꞌan aꞌ laj Zebadías li ralal qui-oc chi takla̱nc. Ca̱hib xcaꞌcꞌa̱l mil chi cui̱nk cuanqueb saꞌ li chꞌu̱tal aꞌan.