2 Samuel 19:39 - Li Santil hu

³⁹ Chixjunileb li tenamit queꞌnumeꞌ jun pacꞌal li nimaꞌ Jordán. Ut quinumeꞌ ajcuiꞌ li rey. Quirutzꞌ ru laj Barzilai ut quixtzꞌa̱ma chiru li Dios nak ta̱rosobtesi. Chirix aꞌan laj Barzilai co̱ cuiꞌchic saꞌ rochoch.

Q'eqchi Bible

³⁹ Toja' naq chixjunileb' li tenamit ke'nume'k junpak'al li nima' Jordán. Ut naq kiwulak li awab'ej junpak'al, kixtz'ub' ru laj Barsilay ut kirosob'tesi, ut a'in kisutq'iik wi' chik sa' rochoch.

2 Samuel 19:39 ပူးပေါင်းရင်းမြစ်များ

Génesis 31:55

Joꞌ cuulajak chic nak quisake̱u, laj Labán quicuacli ut quirutzꞌ ruheb li ri, joꞌ eb ajcuiꞌ lix rabin. Quixtzꞌa̱ma chiru li Dios nak ta̱rosobtesiheb. Ut chirix aꞌan quisukꞌi saꞌ rochoch.

Li xHu LIX RUT 1:14

Ut eb li ralib queꞌoc cuiꞌchic chi ya̱bac chi cau. Ut lix Orfa quirutzꞌ ru lix Noemí ut quixchakꞌrabi ut quisukꞌi. Abanan lix Rut quicana rochben.

Génesis 47:7

Ut laj José quirocsi lix yucuaꞌ re nak laj faraón tixnau ru. Ut laj Jacob quixtzꞌa̱ma re li Ka̱cuaꞌ Dios nak aꞌan taxak chi-osobtesi̱nk re laj faraón.

1 Ts 5:26

Ut cheqꞌuehak xsahileb xchꞌo̱l chixjunileb li herma̱n riqꞌuin santil utzꞌuc u.

Hechos 20:37

Cꞌajoꞌ nak queꞌya̱bac chixjunileb. Queꞌxkꞌalu laj Pablo ut queꞌrutzꞌ ru.

San Lucas 2:34

Ut laj Simeón quixtzꞌa̱ma rusilal li Dios saꞌ xbe̱neb ut quixye re lix María li naꞌbej: —Chacuabi li oc cue xyebal a̱cue. Saꞌ xcꞌabaꞌ li cꞌulaꞌal aꞌin, nabaleb laj Israel teꞌcolekꞌ ut saꞌ xcꞌabaꞌ ajcuiꞌ aꞌan nabaleb li teꞌsachk. Ut nabaleb li teꞌtzꞌekta̱na̱nk re.

1 Reyes 19:20

Saꞌ junpa̱t quixcanab lix bo̱yx laj Eliseo ut quia̱linac chirix laj Elías ut quixye re: —Inchakꞌrabihakeb cuan chak lin naꞌ inyucuaꞌ xbe̱n cua ut chirix aꞌan tinxic cha̱cuix, chan. Ut laj Elías quixye re: —Us biꞌ. Abanan, chicua̱nk taxak saꞌ a̱chꞌo̱l li cꞌaꞌru xinba̱nu a̱cue, chan.

2 Samuel 14:33

Joꞌcan nak laj Joab co̱ chi a̱tinac riqꞌuin li rey David ut quixye re li cꞌaꞌru quixye laj Absalón. Li rey quixtakla xbokbal laj Absalón. Co̱ laj Absalón riqꞌuin ut quixcuikꞌib rib saꞌ chꞌochꞌ. Li rey quixcꞌul ut quirutzꞌ ru.

2 Samuel 13:25

Li rey quixye: —At cualal, incꞌaꞌ toxic chikajunilo xban nak kꞌaxal nabalo. Kꞌaxal terto ta̱e̱lk chokꞌ a̱cue, chan. Usta laj Absalón quixpuersi ru re ta̱xic, abanan li rey incꞌaꞌ co̱. Abanan quixtzꞌa̱ma chiru li Dios nak ta̱rosobtesi laj Absalón.

2 Samuel 6:20

Ut laj David co̱ saꞌ rochoch chixtzꞌa̱manquil chiru li Dios nak ta̱rosobtesiheb li cuanqueb saꞌ li rochoch. Lix Mical qui-el chixcꞌulbal ut quixhob ut quixye re: —Anakcuan qꞌuebil chic a̱lokꞌal, at rey, riqꞌuin li cꞌaꞌru xaba̱nu chiruheb li ixk, lix mo̱seb li nequeꞌcꞌanjelac cha̱cuu. Riqꞌuin li cꞌaꞌru xaba̱nu, xacꞌutbesi a̱cuib joꞌ nequeꞌxba̱nu li incꞌaꞌ nequeꞌxnau xuta̱nac, chan.

2 Samuel 6:18

Nak laj David ac xrakeꞌ chixqꞌuebal li cꞌatbil mayej ut li mayej re xcꞌambal ribeb saꞌ usilal riqꞌuin li Ka̱cuaꞌ, quixtzꞌa̱ma chiru li Ka̱cuaꞌ li nimajcual Dios nak ta̱rosobtesiheb lix tenamit.

1 Samuel 24:22

Ut laj David quixba̱nu li juramento ut quixye nak incꞌaꞌ tixcamsiheb li ralal xcꞌajol laj Saúl. Chirix aꞌan laj Saúl quisukꞌi saꞌ rochoch ut laj David ut eb li cuanqueb rochben queꞌco̱eb cuiꞌchic saꞌ li naꞌajej li nequeꞌxmuk cuiꞌ ribeb.

Números 24:25

Ut chirix aꞌan laj Balaam quisukꞌi saꞌ xtenamit. Joꞌcan ajcuiꞌ laj Balac quisukꞌi saꞌ li rochoch.

Génesis 47:10

Ut laj Jacob quixtzꞌa̱ma re li Ka̱cuaꞌ Dios nak aꞌan taxak ta̱osobtesi̱nk re laj faraón. Nak quixchakꞌrabi laj faraón, laj Jacob qui-el riqꞌuin.

Génesis 45:15

Ut quilajrutzꞌeb ru li ras chixju̱nkaleb ut quiya̱bac xban xsahil saꞌ xchꞌo̱l. Ut eb aꞌan queꞌa̱tinac chi ribileb rib.

Génesis 28:3

Li Ka̱cuaꞌ Dios, li kꞌaxal nim xcuanquil, aꞌan taxak ta̱osobtesi̱nk a̱cue ut tixqꞌue chi qꞌuia̱nc la̱ cualal a̱cꞌajol. Riqꞌuineb aꞌan teꞌcua̱nk li ni̱nki tenamit.

Génesis 14:19

Laj Melquisedec quirosobtesi laj Abram riqꞌuin li a̱tin aꞌin: —Osobtesinbil taxak laj Abram xban li Ka̱cuaꞌ Dios, li kꞌaxal nim xcuanquil. Li Ka̱cuaꞌ Dios, aꞌan li quiyi̱ban re li choxa joꞌ ajcuiꞌ li ruchichꞌochꞌ.

2 Samuel 19:38

Li rey quixye re laj Barzilai: —Xicak chicuix laj Quimam joꞌ xaye. La̱in tinba̱nu riqꞌuin joꞌ nacacꞌoxla nak us xba̱nunquil. La̱in tinba̱nu li cꞌaꞌru ta̱ye cue, chan laj David.