2 Samuel 19:18 - Li Santil hu

¹⁸ Queꞌnumeꞌ jun pacꞌal li nimaꞌ re nak teꞌxtenkꞌa li rey chi numecꞌ saꞌ li nimaꞌ joꞌ eb ajcuiꞌ li cuanqueb rochben. Queꞌraj nak li rey ta̱sahokꞌ xchꞌo̱l riqꞌuineb. Nak li rey quicuulac saꞌ li nimaꞌ, laj Simei li ralal laj Gera quixcuikꞌib rib chiru.

Q'eqchi Bible

¹⁸ re xtenq'ankil chi xq'axb'al li nima' rochb'een li xjunkab'al jo'wi' re xb'aanunkil li k'aru taaraj a'an. Naq ak xnume'k li awab'ej junpak'al li nima', laj Semehí, ralal laj Kerá, kixwiq'ib' rib' chiru

2 Samuel 19:18 ပူးပေါင်းရင်းမြစ်များ

Apocalipsis 3:9

Cuanqueb li nequeꞌxba̱nu li cꞌaꞌru naraj laj tza. Nequeꞌxye nak tzꞌakaleb aj judío, abanan incꞌaꞌ nequeꞌcꞌanjelac chiru li Dios. Yal ticꞌtiꞌ nequeꞌxye. La̱in tincanabeb toj retal teꞌxcuikꞌib ribeb che̱ru re nak teꞌxqꞌue retal nak la̱in ninrahoc e̱re.

Salmos 81:15

Eb li xicꞌ nequeꞌiloc re li Ka̱cuaꞌ teꞌxcubsi raj rib chiru xban xxiuheb. Ut aꞌan tixqꞌueheb raj chixtojbal rix lix ma̱queb chi junaj cua.

Salmos 66:3

Joꞌcaꞌin te̱ye re li Dios: —Sachba chꞌo̱lej rilbal li cꞌaꞌru nacaba̱nu. Xban xnimal la̱ cuanquilal, eb li xicꞌ nequeꞌiloc a̱cue teꞌxcuikꞌib ribeb cha̱cuu.

1 Samuel 22:15

¿Ma tojeꞌ ta biꞌ anakcuan tinpatzꞌok chiru li Dios chirix aꞌan? Ma̱cꞌoxla nak la̱in yo̱quin chixcꞌu̱banquil li incꞌaꞌ us cha̱cuix, chi moco eb li cuechꞌalal. Chi ti̱c ma̱cꞌaꞌ ninnau chirix li naꞌleb aꞌan, chan.

2 Samuel 19:17

Laj Simei quixcꞌameb chirix jun mil chi cui̱nk xcomoneb li ralal xcꞌajol laj Benjamín. Cuan rochbeneb aꞌan laj Siba, li quicuan chokꞌ xmo̱s laj Saúl. Laj Siba quixcꞌam chirix oꞌlaju li ralal ut junmay lix mo̱seb. Eb aꞌan queꞌnumeꞌ jun pacꞌal li nimaꞌ Jordán nak toj ma̱jiꞌ nacuulac li rey.

2 Samuel 19:19

Ut quixye re: —At rey, nintzꞌa̱ma cha̱cuu nak ta̱cuy inma̱c. Ma̱qꞌue saꞌ a̱chꞌo̱l li ma̱c li quinba̱nu cha̱cuu nak cat-el aran Jerusalén. Incꞌaꞌ taxak ta̱qꞌue saꞌ inbe̱n li incꞌaꞌ us xinba̱nu.

1 Reyes 2:8

Cuan a̱cuiqꞌuin laj Simei li ralal laj Gera. Aꞌan xcomoneb li ralal xcꞌajol laj Benjamín, Bahurim xtenamit. Laj Simei, aꞌan cꞌajoꞌ nak quinixmajecua saꞌ li cutan nak co̱in Mahanaim. Mokon chic co̱ chincꞌulbal saꞌ li nimaꞌ Jordán. La̱in xinye re saꞌ xcꞌabaꞌ li Ka̱cuaꞌ nak incꞌaꞌ tincamsi.

2 Samuel 9:2

Quicuan jun xmo̱s laj Saúl aj Siba xcꞌabaꞌ. Quibokeꞌ riqꞌuin laj David. Li rey David quixye re: —¿Ma la̱at laj Siba?— Ut li cui̱nk quixye: —At rey, la̱in laj Siba, chan.

2 Samuel 9:10

La̱at ut eb la̱ cualal, joꞌ eb ajcuiꞌ li nequeꞌcꞌanjelac cha̱cuu teꞌxcꞌanjela ru lix chꞌochꞌ laj Saúl ut te̱qꞌue li ru li racui̱mk reheb li ralal xcꞌajol. Abanan laj Mefi-boset, li ri laj Saúl, ta̱cuaꞌak saꞌ lin me̱x cuochben.— Laj Siba cuanqueb oꞌlaju li ralal ut junmay lix mo̱s.

2 Samuel 19:30

Ut laj Mefi-boset quixye: —Cana̱k chokꞌ re laj Siba chixjunil li chꞌochꞌ. Li kꞌaxal us chokꞌ cue la̱in, aꞌan nak xatcꞌulun cuiꞌchic saꞌ la̱ cuochoch chi sa saꞌ a̱chꞌo̱l, chan.