2 Samuel 19:14 - Li Santil hu

¹⁴ Ut queꞌxcꞌul xchꞌo̱l li cꞌaꞌru quitakla̱c xyebal reheb xban laj David. Ut chixjunileb li cuanqueb Judá junajeb xchꞌo̱l nak queꞌxtakla resil nak laj David ta̱sukꞌi̱k rochbeneb chixjunileb li nequeꞌcꞌanjelac chiru.

Q'eqchi Bible

¹⁴ Jo'kan naq li xch'ooleb' chixjunileb' laj Judá koho chi junxikik chirix li awab'ej ut ke'xtaqla xyeeb'al: “Sutq'in chaq, laa'at ut chixjunileb' laj k'anjel chawu”.

2 Samuel 19:14 ပူးပေါင်းရင်းမြစ်များ

Jueces 20:1

Quilajeꞌxchꞌutub ribeb chixjunileb li cui̱nk aj Israel saꞌ li naꞌajej cuan cuiꞌ li tabernáculo aran Mizpa. Eb aꞌan queꞌchal chak saꞌ eb li naꞌajej li naticla chak Dan ut nacuulac Beerseba ut toj Galaad.

Hechos 4:32

Ut chixjunileb li queꞌpa̱ban junajeb chic xchꞌo̱leb ut junajeb chic xcꞌaꞌuxeb. Ut ma̱ ani quixye nak junes re aꞌan li cꞌaꞌru cuan re. Reheb ban saꞌ comonil chixjunil li cꞌaꞌru cuan reheb.

2 Samuel 22:44

La̱at xatcoloc cue chiruheb li yo̱queb chi pletic cuiqꞌuin. Ut xina̱qꞌue chi takla̱nc saꞌ xbe̱neb li xni̱nkal ru tenamit. Nequeꞌcꞌanjelac chicuu li toj ma̱jiꞌ ninnau ruheb.

2 Samuel 3:9

Aꞌ taxak li Ka̱cuaꞌ chiqꞌuehok cue chixtojbal inma̱c cui incꞌaꞌ tintenkꞌa laj David joꞌ quixyechiꞌi li Ka̱cuaꞌ re.

2 Samuel 5:1

Queꞌco̱eb Hebrón chixjunileb li xte̱paleb laj Israel re nak teꞌa̱tinak riqꞌuin laj David. Ut queꞌxye re: —La̱at moco jalanat ta kiqꞌuin. La̱o kechꞌalal kib chi kibil kib, chanqueb.

2 Samuel 17:25

Laj Absalón quixxakab laj Amasa chi takla̱nc saꞌ xbe̱neb li soldados chokꞌ re̱kaj laj Joab. Laj Amasa, aꞌan ralal laj Itra, xcomoneb li ralal xcꞌajol laj Ismael. Laj Itra, aꞌan lix be̱lom lix Abigail lix rabin laj Nahas. Lix Abigail, aꞌan li ras lix Sarvia. Ut lix Sarvia, aꞌan lix naꞌ laj Joab.

2 Samuel 20:4

Mokon chic li rey quixye re laj Amasa: —Ta̱chꞌutubeb chixjunileb li cui̱nk li cuanqueb Judá. Saꞌ oxib cutan cua̱nkeb arin ut cua̱nkat ajcuiꞌ la̱at, chan.