2 Samuel 18:33 - Li Santil hu

³³ Cꞌajoꞌ nak quirahoꞌ xchꞌo̱l laj David. Co̱ xjunes saꞌ li naꞌajej saꞌ xbe̱n li oqueba̱l ut cꞌajoꞌ nak quiya̱bac. Nak yo̱ chi xic, quixye: —¡At Absalón, at cualal! ¡At Absalón, at cualal! Us raj nak la̱in xincam ut la̱at toj yoꞌyo̱cat. ¡At Absalón, at cualal! chan.

Q'eqchi Bible

³³ K'ajo' naq kiraho'k xch'ool li awab'ej. Koho xjunes sa' li na'ajej wank sa' xb'een li rokeb'aal li tenamit ut ki'ok chi yaab'ak: “At Absalón, at walal! Absalón, at walal, at walal! -chan naq yo chi xik-. Us raj naq laa'in xinkamk ut laa'at toj yo'yooqat, Absalón, at walal, at walal”.

2 Samuel 18:33 ပူးပေါင်းရင်းမြစ်များ

2 Samuel 19:4

Li rey David quixtzꞌap li ru ut quiya̱bac chi cau. Quixye: —¡At Absalón! ¡At cualal! ¡At cualal! chan.

Proverbios 17:25

Li alalbej li incꞌaꞌ naxtau xnaꞌleb, aꞌan naxqꞌue xjoskꞌileb ut xrahil xchꞌo̱leb lix naꞌ xyucuaꞌ.

Proverbios 10:1

Aꞌaneb aꞌin li proverbios li quixye laj Salomón: Li alalbej li cuan xnaꞌleb naxqꞌue xsahil xchꞌo̱l lix naꞌ xyucuaꞌ. Abanan li alalbej li incꞌaꞌ naxtau xnaꞌleb naxqꞌue xrahil xchꞌo̱l lix naꞌ xyucuaꞌ.

Salmos 103:13

Li Ka̱cuaꞌ naxtokꞌoba ruheb li nequeꞌxucuan ru joꞌ nak naxtokꞌoba ruheb li ralal xcꞌajol junak yucuaꞌbej.

Romanos 9:3

Tinqꞌue raj cuib chi tzꞌekta̱na̱c ut chi isi̱c riqꞌuin li Cristo cui ta riqꞌuin aꞌan ta̱ru̱k tebintenkꞌa re teꞌcolekꞌ.

Éxodo 32:32

Ut anakcuan tintzꞌa̱ma cha̱cuu, ba̱nu usilal, chacuy lix ma̱queb. Cui incꞌaꞌ naru ta̱cuy lix ma̱queb, ba̱nu usilal ta̱cuisi lin cꞌabaꞌ saꞌ la̱ hu li tzꞌi̱banbil cuiꞌ xcꞌabaꞌeb li ti̱queb xchꞌo̱l, chan.

Santiago 5:17

Li profeta Elías, aꞌan yal cui̱nk joꞌ la̱o. Quitijoc chi anchal xchꞌo̱l ut quixtzꞌa̱ma chiru li Dios nak incꞌaꞌ tixqꞌue li hab. Ut incꞌaꞌ quixqꞌue li hab saꞌ ruchichꞌochꞌ chiru li oxib chihab riqꞌuin cuakib po.

Génesis 21:11

Nak laj Abraham quirabi li ra̱tin, quirahoꞌ saꞌ xchꞌo̱l chirix laj Ismael xban nak aꞌan ralal ajcuiꞌ.

2 Samuel 14:1

Laj Joab quixnau nak kꞌaxal ra saꞌ xchꞌo̱l li rey David chirix laj Absalón.

2 Samuel 19:1

Queꞌxye resil re laj Joab nak li rey David yo̱ chi ya̱bac ut ra saꞌ xchꞌo̱l chirix lix camic laj Absalón.