2 Samuel 18:3 - Li Santil hu

³ Abanan eb li cui̱nk queꞌxye re: —Incꞌaꞌ tatxic la̱at. Cui la̱o toe̱lelik chiruheb incꞌaꞌ toeꞌra̱lina. Usta yijach li kasoldados teꞌca̱mk, eb aꞌan ma̱cꞌaꞌ nequeꞌraj re. La̱at li kꞌaxal lokꞌ chiru laje̱b mil saꞌ kaya̱nk. Kꞌaxal us nak tatcana̱k arin saꞌ li tenamit aꞌin ut ta̱takla katenkꞌanquil, chanqueb.

Q'eqchi Bible

³ Ab'anan eb' a'an ke'xye re: “Ink'a' tatxik laa'at, xb'aan naq wi laa'o too'eleliq, eb' li xik' neke'ilok qe maak'a' neke'raj wi'. Us ta te'kamq jun yiijachaq qe laa'o, eb' a'an maak'a' neke'raj re. Laa'at jo'kat lajeeb' mil qe laa'o. Jo'kan naq q'axal us naq tatkanaaq sa' li tenamit re naq toj aran toohaatenq'a chaq”.

2 Samuel 18:3 ပူးပေါင်းရင်းမြစ်များ

2 Samuel 21:17

Abanan laj Abisai, lix yum lix Sarvia, quicuulac chixcolbal laj David ut quixcamsi li nimla cui̱nk. Chirix aꞌan, eb li soldados aj Israel queꞌxba̱nu li juramento ut queꞌxye re laj David: —Chalen anakcuan la̱at incꞌaꞌ chic tatxic chikix chi pletic. Ma̱re anchal tatcamsi̱k. La̱at chanchanat li kasaken la̱o aj Israel xban nak la̱at li kayoꞌon, chanqueb.

Zacarías 13:7

Li nimajcual Dios quixye: —Tincanab chi camsi̱c laj ilol reheb li carner. Tinkꞌaxtesi re ca̱mc li natenkꞌan cue. Ta̱camsi̱k laj ilol reheb li carner ut eb li carner teꞌxchaꞌchaꞌi ribeb. Ut tincꞌut injoskꞌil chiruheb li carner.

Lamentaciones 4:20

Queꞌxchap li karey, li sicꞌbil ru xban li Ka̱cuaꞌ, li cꞌojcꞌo cuiꞌ kachꞌo̱l. Saꞌ kachꞌo̱l la̱o nak cua̱nk li rey aꞌan, eb li jalan tenamit incꞌaꞌ toeꞌxchꞌiꞌchꞌiꞌi.

1 Reyes 22:31

Lix reyeb laj Siria ac quixye reheb li cablaju xcaꞌcꞌa̱l li nequeꞌtaklan saꞌ xbe̱neb li nequeꞌxic saꞌ li carruaje nak incꞌaꞌ teꞌpletik riqꞌuineb lix soldado laj Israel. Caꞌaj cuiꞌ riqꞌuin lix reyeb laj Israel teꞌpletik.

2 Samuel 17:2

Tinpletik riqꞌuin nak lublu̱queb ut ma̱cꞌaꞌ xmetzꞌe̱uheb. Teꞌxucuak chiku ut chixjunileb li cui̱nk teꞌe̱lelik. Caꞌaj cuiꞌ li rey tincamsi.

2 Samuel 10:11

Quixye re laj Abisai: —Cui ta̱cuil nak eb li solda̱deb laj Siria yo̱keb chi numta̱c saꞌ inbe̱n, la̱at tattenkꞌa̱nk cue. Ut cui eb li ralal xcꞌajol laj Amón yo̱keb chi numta̱c saꞌ a̱be̱n, la̱in tintenkꞌa̱nk a̱cue.

1 Samuel 18:7

Nak yo̱queb chi xajoc ut yo̱queb chi bicha̱nc, queꞌxye: —Laj Saúl quixcamsiheb jun mil chi cristian. Abanan laj David quixcamsiheb laje̱b mil, chanqueb.