2 Samuel 18:28 - Li Santil hu

²⁸ Laj Ahimaas quixqꞌue xsahil xchꞌo̱l li rey. Quixcut rib saꞌ chꞌochꞌ ut quixye re: —Lokꞌoninbil taxak li Ka̱cuaꞌ la̱ Dios, at rey, xban nak xatxtenkꞌa chi numta̱c saꞌ xbe̱neb li cui̱nk xeꞌraj numta̱c saꞌ a̱be̱n, chan.

Q'eqchi Bible

²⁸ Naq laj Ajimás kinach'ok chaq, kiwiq'laak, kixhupub' rib' chiru ch'och' ut kixk'e xsahil xch'ool li awab'ej: “At awab'ej, usilaatinanb'il taxaq li Qaawa' laaYos li xq'axtesink reheb' sa' laawuq' li xe'raj raj numtaak sa' aab'een”, chan.

2 Samuel 18:28 ပူးပေါင်းရင်းမြစ်များ

2 Samuel 14:4

Li ixk co̱ riqꞌuin li rey David ut quixcuikꞌib rib saꞌ chꞌochꞌ re xqꞌuebal xlokꞌal, ut quixye: —At rey, ba̱nu usilal. China̱tenkꞌa, chan.

Génesis 14:20

Lokꞌoninbil taxak li Ka̱cuaꞌ Dios li kꞌaxal nim xcuanquil. Aꞌan xkꞌaxtesi saꞌ a̱cuukꞌ li xicꞌ nequeꞌiloc a̱cue, chan. Laj Abram quixsi re laj Melquisedec li junju̱nk saꞌ xlaje̱tkil re chixjunil li cꞌaꞌru quire̱chani chak.

Salmos 124:6

Lokꞌoninbil taxak ru li nimajcual Dios xban nak incꞌaꞌ xoxcanab chi osocꞌ saꞌ rukꞌeb li xicꞌ nequeꞌiloc ke.

Salmos 115:1

At Ka̱cuaꞌ, la̱at taxak chiqꞌuehekꞌ a̱lokꞌal. Ma̱cuaꞌ taxak la̱o. La̱at taxak chiqꞌuehekꞌ a̱lokꞌal xban nak la̱at li nacatcꞌutuc lix ya̱lal chiku ut la̱at li nacat-uxta̱nan ku.

Salmos 31:8

Incꞌaꞌ xina̱kꞌaxtesi saꞌ rukꞌeb li xicꞌ nequeꞌiloc cue. Xina̱col ban chiruheb.

2 Crónicas 20:26

Saꞌ li xca̱ cutan queꞌxchꞌutub ribeb laj Judá saꞌ li ru takꞌa re Beraca ut queꞌxlokꞌoni li Ka̱cuaꞌ. Joꞌcan nak toj chalen anakcuan “Ru Takꞌa re Beraca” nequeꞌxye re li naꞌajej aꞌan.

2 Samuel 22:27

La̱at nacacuosobtesiheb li ti̱queb xchꞌo̱l cha̱cuu. Aban li incꞌaꞌ useb xnaꞌleb cau nacakꞌuseb.

2 Samuel 1:2

Saꞌ rox li cutan quicuulac jun li sa̱j cui̱nk riqꞌuin laj David. Li cui̱nk aꞌan xcomoneb lix soldados laj Saúl. Pejel li rakꞌ ut cuan li poks saꞌ xjolom retalil lix rahil xchꞌo̱l. Quixcuikꞌib rib saꞌ chꞌochꞌ re xqꞌuebal xlokꞌal laj David.

1 Samuel 26:8

Laj Abisai quixye re laj David: —Anakcuan li Dios xkꞌaxtesi saꞌ a̱cuukꞌ li xicꞌ na-iloc a̱cue. Anakcuan china̱canab chixcamsinquil riqꞌuin lix la̱ns. Jun sut ajcuiꞌ tincut li la̱ns ut tinxekꞌ saꞌ chꞌochꞌ, chan.

1 Samuel 24:18

Anakcuan xacꞌut chicuu nak cuancat saꞌ usilal cuiqꞌuin. Li Ka̱cuaꞌ xinixkꞌaxtesi saꞌ a̱cuukꞌ, abanan incꞌaꞌ xina̱camsi.

Génesis 24:27

Quixye re li Dios: —Kꞌaxal nim la̱ cuanquilal. La̱at li Dios li naxlokꞌoni laj Abraham lin patrón. Junelic cuan saꞌ a̱chꞌo̱l ut nacaba̱nu li usilal re. La̱at xatcꞌamoc be chicuu. Joꞌcan nak xintau lix comoneb lin patrón, chan re li Ka̱cuaꞌ Dios.

Éxodo 18:10

Laj Jetro quixye: —Lokꞌoninbil taxak li Ka̱cuaꞌ Dios li qui-isin chak e̱re saꞌ li raylal li quexcuan cuiꞌ aran Egipto. Ut quexrisi ajcuiꞌ chak saꞌ rukꞌ laj faraón.

1 Samuel 17:46

Anakcuan ajcuiꞌ tatxkꞌaxtesi saꞌ cuukꞌ li Ka̱cuaꞌ. La̱in tinnumta̱k saꞌ a̱be̱n ut tinset la̱ cux. Ut tinqꞌue lix tibeleb li soldados aj filisteo chixtiuheb li xul li nequeꞌrupupic, joꞌ ajcuiꞌ li joskꞌ aj xul. Ut chixjunileb li cuanqueb saꞌ ruchichꞌochꞌ teꞌxqꞌue retal nak lix Dios eb laj Israel kꞌaxal nim xcuanquil.

1 Samuel 25:23

Nak lix Abigail quiril laj David, quicube chirix lix bu̱r saꞌ junpa̱t ut quixcuikꞌib rib saꞌ chꞌochꞌ chiru laj David re xqꞌuebal xlokꞌal.