2 Samuel 18:27 - Li Santil hu

²⁷ Li soldado, li yo̱ chi cꞌacꞌale̱nc, quixye: —Joꞌ li aꞌan anchal laj Ahimaas li ralal laj Sadoc li yo̱ chak chi a̱linac, chan. Li rey quixye: —Li cui̱nk aꞌan cha̱bil xnaꞌleb. Yo̱ chak chixcꞌambal cha̱bil esilal, chan.

Q'eqchi Bible

²⁷ Laj k'aak'alenel kixye wi' chik: “Li yo chaq chi chalk sa' aanil, a'an chanchan laj Ajimás li ralal laj Sadok”. Kixye li awab'ej: “Chaab'il winq a'an. Yo chaq chi xk'amb'al chaab'il esilal”, chan.

2 Samuel 18:27 ပူးပေါင်းရင်းမြစ်များ

2 Reyes 9:20

Li cui̱nk li yo̱ chi cꞌacꞌale̱nc saꞌ li tenamit quixye re li rey Joram: —Li takl xcuulac riqꞌuineb. Abanan chi moco aꞌan xsukꞌi chak. Li carruaje yo̱ chi cha̱lc saꞌ junpa̱t. Riqꞌuin aꞌan nacꞌutun nak ma̱re aꞌan laj Jehú li ralal laj Nimsi xban nak aꞌan naxberesi lix carruaje saꞌ junpa̱t. Chanchan li lo̱c, chan.

1 Reyes 1:42

Toj yo̱ ajcuiꞌ chi a̱tinac nak laj Jonatán li ralal laj Abiatar laj tij quicuulac. Laj Adonías quixye re: —Ocan. La̱at cha̱bilat. Ninnau nak cha̱bil esilal xatchal chixyebal ke, chan.

Romanos 10:15

Ut ¿chanru nak ta̱chꞌoloba̱k chak xya̱lal chiruheb cui ma̱ ani taklanbil xban li Ka̱cuaꞌ? Joꞌcaꞌin tzꞌi̱banbil saꞌ li Santil Hu: Cꞌajoꞌ xlokꞌal eb li nequeꞌxic yalak bar chixyebal resil li colba-ib, li naqꞌuehoc tuktu̱quil usilal. (Isa. 52:7)

Isaías 52:7

Cꞌajoꞌ xlokꞌal li rokeb li tenamit nak yo̱keb chi xic saꞌ eb li tzu̱l chixyebal resil li cha̱bil esilal. Nequeꞌxye resil li tuktu̱quil usilal ut li cha̱bilal. Ut nequeꞌxye ajcuiꞌ resil li colba-ib. Nequeꞌxye reheb li cuanqueb Sión, “Li Ka̱cuaꞌ le̱ Dios, aꞌan li Rey”.

Proverbios 25:25

Li cha̱bil esilal li nachal chak saꞌ najtil naꞌajej naxqꞌue xsahil chꞌo̱lej joꞌ li cha̱bil haꞌ li narucꞌ li ta̱chakik re.

Proverbios 25:13

Kꞌaxal lokꞌ li cha̱bil takl chokꞌ re li ani nataklan re. Naxqꞌue xsahil xchꞌo̱l lix patrón. Chanchan xquehal li sakbach chiru li cutan tik ru.

2 Samuel 18:26

li soldado li yo̱ chi cꞌacꞌale̱nc quiril nak yo̱ chi cha̱lc saꞌ a̱nil jun chic. Ut quixye re li na-iloc re li oqueba̱l: —Yo̱ chi cha̱lc jun chic saꞌ a̱nil xjunes, chan. Laj David quixye: —Cha̱bil esilal yo̱ chak chixcꞌambal, chan.