2 Samuel 18:20 - Li Santil hu

²⁰ Laj Joab quixye re: —Ma̱cuaꞌ la̱at tatxic chixyebal li esilal aꞌin anakcuan xban nak xcam li ralal li rey. Ma̱re saꞌ jun chic cutan naru tatxic, chan.

Q'eqchi Bible

²⁰ Ab'an laj Johab kixye re: “Ink'a' tatxik anaqwan, tatxik b'an sa' jalan chik kutan. Anaqwan moko xq'ehil ta xyeeb'al chaab'il esilal, xb'aan naq xkamk li ralal li awab'ej”.

2 Samuel 18:20 ပူးပေါင်းရင်းမြစ်များ

2 Samuel 18:33

Cꞌajoꞌ nak quirahoꞌ xchꞌo̱l laj David. Co̱ xjunes saꞌ li naꞌajej saꞌ xbe̱n li oqueba̱l ut cꞌajoꞌ nak quiya̱bac. Nak yo̱ chi xic, quixye: —¡At Absalón, at cualal! ¡At Absalón, at cualal! Us raj nak la̱in xincam ut la̱at toj yoꞌyo̱cat. ¡At Absalón, at cualal! chan.

2 Samuel 18:29

Li rey David quixye re: —¿Ma ma̱cꞌaꞌ xcꞌul laj Absalón li sa̱j cui̱nk? chan. Ut laj Ahimaas quixye re: —At rey, nak laj Joab xinixtakla arin, xcuil nak yo̱queb chixmululinquil ribeb. Abanan incꞌaꞌ xinnau cꞌaꞌru yo̱queb, chan.

2 Samuel 18:27

Li soldado, li yo̱ chi cꞌacꞌale̱nc, quixye: —Joꞌ li aꞌan anchal laj Ahimaas li ralal laj Sadoc li yo̱ chak chi a̱linac, chan. Li rey quixye: —Li cui̱nk aꞌan cha̱bil xnaꞌleb. Yo̱ chak chixcꞌambal cha̱bil esilal, chan.

2 Samuel 18:5

Laj David quixye reheb laj Joab, laj Abisai ut laj Itai: —Saꞌ incꞌabaꞌ la̱in me̱ba̱nu raylal re laj Absalón, li sa̱j cui̱nk, chan. Ut chixjunileb li soldados queꞌrabi li cꞌaꞌru quixye li rey David chirix laj Absalón.

2 Samuel 18:19

Laj Ahimaas, li ralal laj Sadoc, quixye re laj Joab: —Nintzꞌa̱ma cha̱cuu nak tina̱canab chi xic saꞌ a̱nil chixyebal re li rey nak li Ka̱cuaꞌ quixcol saꞌ rukꞌeb li xicꞌ nequeꞌiloc re, chan.

2 Samuel 18:21

Tojoꞌnak laj Joab quixye re jun li soldado Etiopía xtenamit: —La̱at tatxic ut ta̱ye re li rey cꞌaꞌru xacuil, chan. Ut li cui̱nk quixxulub rib chiru laj Joab re xqꞌuebal xlokꞌal ut co̱ saꞌ a̱nil.

2 Samuel 19:1

Queꞌxye resil re laj Joab nak li rey David yo̱ chi ya̱bac ut ra saꞌ xchꞌo̱l chirix lix camic laj Absalón.