2 Samuel 18:2 - Li Santil hu

² Quixtaklaheb saꞌ oxib chꞌu̱tal. Laj Joab yo̱ chi takla̱nc saꞌ xbe̱n li jun chꞌu̱tal. Laj Abisai, lix yum lix Sarvia, yo̱ chi takla̱nc saꞌ xbe̱n li xcaꞌ chꞌu̱tal. Laj Abisai, aꞌan li ri̱tzꞌin laj Joab. Ut laj Itai li chalenak Gat, aꞌan li yo̱ chi takla̱nc saꞌ xbe̱n li rox chꞌu̱tal. Ut li rey David quixye reheb: —Tinxic ajcuiꞌ la̱in che̱rix, chan.

Q'eqchi Bible

² Chirix chik a'an kixjek'eb' laj puub' sa' oxib' ch'uut: li xb'een ch'uut kixk'eheb' chi jolomiik xb'aan laj Johab, li xkab' ch'uut xb'aan laj Abisay, xyum lix Sarbia, riitz'in laj Johab, ut li jun chik ch'uut xb'aan laj Itay aj Gat. Ut kixye reheb' chixjunileb' laj puub': “Tinxik ajwi' laa'in cherix”.

2 Samuel 18:2 ပူးပေါင်းရင်းမြစ်များ

Jueces 7:16

Laj Gedeón quixchꞌutubeb li oxib ciento chi soldado. Oxib chꞌu̱tal quirisiheb. Ut quixqꞌueheb junju̱nk xtrompeta saꞌ rukꞌeb chixjunileb ut quixqꞌue ajcuiꞌ junju̱nk xcuqueb cuan xam chi saꞌ.

Salmos 3:6

Usta sutsu̱quin xbaneb li qꞌuila tenamit, li xicꞌ nequeꞌiloc cue, incꞌaꞌ ninxucuac xbaneb.

2 Samuel 17:11

La̱in ninye a̱cue nak kꞌaxal us nak ta̱chꞌutubeb ru chixjunileb laj Israel, li cuanqueb saꞌ li tenamit Dan toj saꞌ li tenamit Beerseba. Eb aꞌan kꞌaxal nabaleb. Chanchaneb li cocꞌ ru li samaib chire li palau. Ut la̱at tatcꞌamok xbeheb nak texxic chi pletic.

1 Samuel 11:11

Cuulajak chic nak toj ekꞌela, laj Saúl quixjachi lix soldado saꞌ oxib jachal. Nak quisake̱u, queꞌco̱eb saꞌ junpa̱t saꞌ li naꞌajej li cuanqueb cuiꞌ lix muheba̱leb laj Amón ut queꞌoc chi pletic riqꞌuineb. Nak quicuaꞌleboꞌ ac xeꞌxcamsiheb laj Amón ut li incꞌaꞌ queꞌcamsi̱c queꞌxjeqꞌui ribeb ut queꞌe̱lelic chi xjunju̱nkaleb. Ma̱ jun reheb quicana chi cuan rochben.

Jueces 9:43

Joꞌcan nak quixjachi lix soldado chi oxib chꞌu̱tal ut quixtaklaheb chixmukbal ribeb saꞌ li cꞌaleba̱l roybeninquil nak teꞌe̱lk saꞌ li tenamit Siquem. Nak queꞌel saꞌ li tenamit, eb laj Abimelec queꞌel saꞌ lix naꞌajeb ut queꞌxcamsiheb.

Jueces 7:19

Ut queꞌcuulac jun pacꞌal lix muheba̱leb laj Madián laj Gedeón rochbeneb li jun ciento chi soldado li queꞌco̱eb chirix. Tuktu kꞌojyi̱n queꞌcuulac laj Gedeón. Tojeꞌ ajcuiꞌ teꞌxjal ribeb li soldado aj Madián li nequeꞌcꞌacꞌalen re li naꞌajej aꞌan. Queꞌxya̱basi lix trompeta laj Gedeón ut eb li rochben ut queꞌxjor li cuc li yo̱queb chixcꞌambal saꞌ rukꞌeb.

2 Samuel 23:18

Laj Abisai, li ri̱tzꞌin laj Joab, aꞌan li nataklan saꞌ xbe̱neb li laje̱b xcaꞌcꞌa̱l. Aꞌan lix yum lix Sarvia. Laj Abisai quixcamsiheb oxib ciento chi cui̱nk. Joꞌcan nak quiniman xcuanquil joꞌ li oxibeb li cauheb rib chi pletic.

1 Reyes 2:28

Nak laj Joab quirabi resil quie̱lelic saꞌ junpa̱t ut co̱ saꞌ li artal ut quixchap li xucub li cuan saꞌ xxuc. Quixucuac xban nak qui-oquen chirix laj Adonías, usta incꞌaꞌ qui-oquen chirix laj Absalón.

2 Samuel 8:16

Li nataklan saꞌ xbe̱neb li soldado, aꞌan laj Joab, xyum lix Sarvia. Ut laj Josafat, ralal laj Ahilud, aꞌan li quitzꞌi̱ban re li cꞌaꞌru quicꞌulman.

2 Samuel 21:17

Abanan laj Abisai, lix yum lix Sarvia, quicuulac chixcolbal laj David ut quixcamsi li nimla cui̱nk. Chirix aꞌan, eb li soldados aj Israel queꞌxba̱nu li juramento ut queꞌxye re laj David: —Chalen anakcuan la̱at incꞌaꞌ chic tatxic chikix chi pletic. Ma̱re anchal tatcamsi̱k. La̱at chanchanat li kasaken la̱o aj Israel xban nak la̱at li kayoꞌon, chanqueb.