2 Samuel 18:19 - Li Santil hu

¹⁹ Laj Ahimaas, li ralal laj Sadoc, quixye re laj Joab: —Nintzꞌa̱ma cha̱cuu nak tina̱canab chi xic saꞌ a̱nil chixyebal re li rey nak li Ka̱cuaꞌ quixcol saꞌ rukꞌeb li xicꞌ nequeꞌiloc re, chan.

Q'eqchi Bible

¹⁹ Toja' naq laj Ajimás, ralal laj Sadok, kixye: “Xik we sa' aanil chi xyeeb'al re li awab'ej naq li Qaawa' xkolok re sa' ruq'eb' li xik' neke'ilok re”.

2 Samuel 18:19 ပူးပေါင်းရင်းမြစ်များ

2 Samuel 15:36

Laj Ahimaas ut laj Jonatán li ralaleb cuanqueb rochbeneb. Naru nacatakla chak resil li cꞌaꞌru ta̱cuabi chirixeb aꞌan, chan laj David.

2 Samuel 18:31

Saꞌ ajcuiꞌ li ho̱nal aꞌan quicuulac li cui̱nk laj Etiopía ut quixye re li rey: —At rey, xincꞌam chak cha̱bil esilal chokꞌ a̱cue. Anakcuan li Ka̱cuaꞌ xcoloc a̱cue saꞌ rukꞌeb li xicꞌ nequeꞌiloc a̱cue, chan.

Romanos 12:19

Ex herma̱n, ma̱cuaꞌ la̱ex texqꞌuehok re̱kaj li raylal na-ux e̱re. Checanabak ban chixjunil saꞌ rukꞌ li Dios. Caꞌaj cuiꞌ aꞌan laj rakol a̱tin xban nak joꞌcaꞌin tzꞌi̱banbil saꞌ li Santil Hu: Caꞌaj cuiꞌ la̱in naru tinqꞌuehok re̱kaj. Ut la̱in tinrahobtesiheb riqꞌuin li cꞌaꞌru quilajeꞌxba̱nu, chan li Dios. (Deut. 32:35)

Salmos 10:18

La̱at ta̱cuabi xtijeb li rahobtesinbileb ut li nebaꞌ. La̱at ta̱coleb re nak incꞌaꞌ chic teꞌrahobtesi̱k xbaneb li incꞌaꞌ useb xnaꞌleb li cuanqueb saꞌ ruchichꞌochꞌ.

Salmos 10:14

La̱at nacacuil li ma̱usilal nequeꞌxba̱nu ut la̱at ajcuiꞌ tatqꞌuehok reheb chixtojbaleb xma̱c. Li nequeꞌcꞌuluc raylal nequeꞌxkꞌaxtesi rib saꞌ a̱cuukꞌ ut la̱at nacattenkꞌan reheb.

Salmos 9:16

At Ka̱cuaꞌ, xban nak nacatrakoc a̱tin saꞌ xya̱lal, nacacꞌutbesi la̱ ti̱quilal. Aꞌut li incꞌaꞌ useb xnaꞌleb xjunes nequeꞌxsicꞌ xraylaleb riqꞌuin li incꞌaꞌ us nequeꞌxba̱nu.

Salmos 9:4

La̱at saꞌ xya̱lal xatrakoc a̱tin saꞌ inbe̱n. La̱at xaye nak la̱in ma̱cꞌaꞌ inma̱c. Ut xaye nak us li yo̱quin chixba̱nunquil.

Salmos 7:6

At Ka̱cuaꞌ, chacꞌut la̱ joskꞌil chiruheb li xicꞌ nequeꞌiloc cue. At inDios, china̱tenkꞌa xban nak la̱at saꞌ ti̱quilal nacatrakoc a̱tin.

2 Samuel 18:23

Laj Ahimaas quixye: —La̱in ma̱cꞌaꞌ nacuaj re aꞌan. La̱in nacuaj xic, chan. Ut laj Joab quixye re: —Ayu. A̱linan, chan. Ut laj Ahimaas co̱ saꞌ junpa̱t saꞌ li ru takꞌa ut coxkꞌax laj Etiopía.

2 Samuel 17:17

Laj Jonatán ut laj Ahimaas cuanqueb chire li haꞌ Rogel. Incꞌaꞌ naru teꞌoc Jerusalén xban nak naru nequeꞌileꞌ. Joꞌcan nak jun li mo̱s ixk naxic chixyebal reheb cꞌaꞌru yo̱ chicꞌulma̱nk saꞌ li tenamit. Ut chirix aꞌan, laj Jonatán ut laj Ahimaas nequeꞌxic chixyebal re li rey David.

2 Samuel 18:20

Laj Joab quixye re: —Ma̱cuaꞌ la̱at tatxic chixyebal li esilal aꞌin anakcuan xban nak xcam li ralal li rey. Ma̱re saꞌ jun chic cutan naru tatxic, chan.

Jeremías 51:31

Nabaleb li takl xeꞌco̱eb chixyebal resil re li rey nak ac xeꞌxchap chixjunil li tenamit li xicꞌ nequeꞌiloc reheb.

2 Samuel 15:27

Ut li rey David quixye ajcuiꞌ re laj Sadoc laj tij: —¿Ma ma̱cuaꞌ ta biꞌ la̱at aj kꞌe? Sukꞌin anakcuan saꞌ li tenamit chi ma̱cꞌaꞌ a̱cꞌaꞌux ut ta̱cꞌameb cha̱cuix laj Ahimaas la̱ cualal joꞌ ajcuiꞌ laj Jonatán li ralal laj Abiatar.