2 Samuel 18:17 - Li Santil hu

¹⁷ Queꞌxcꞌam laj Absalón ut queꞌxcut saꞌ jun chamal jul saꞌ li qꞌuicheꞌ ut queꞌxtu̱b jun mamaꞌ tu̱b li pec saꞌ xbe̱n. Ut chixjunileb laj Israel queꞌe̱lelic ut queꞌco̱eb saꞌ rochocheb.

Q'eqchi Bible

¹⁷ Toja' naq ke'xchap laj Absalón, ke'xkut sa' jun nimla jul li wank sa' li k'iche' ut ke'xtuub' naab'aleb' li pek sa' xb'een. Ut chixjunileb' laj Israel ke'elelik sa' rochocheb'.

2 Samuel 18:17 ပူးပေါင်းရင်းမြစ်များ

Josué 8:29

Ut li rey li quicuan saꞌ li tenamit Hai, yatzꞌbil queꞌxba̱nu re. Ut quixnumsi li cutan chi tꞌuytꞌu aran. Nak qui-ecuu laj Josué quixtakla xcubsinquil li camenak re teꞌxcut saꞌ li oqueba̱l re li tenamit. Ut queꞌxtu̱b nabal li pec saꞌ xbe̱n. Toj tu̱btu ajcuiꞌ li pec aꞌan toj chalen anakcuan.

Josué 7:26

Ut queꞌxtu̱b nabal li pec saꞌ xbe̱n ut eb li pec aꞌan toj cuanqueb anakcuan. Riqꞌuin aꞌin qui-el xjoskꞌil li Ka̱cuaꞌ saꞌ xbe̱neb laj Israel. Toj chalen anakcuan nequeꞌxye re li naꞌajej aꞌan “Li ru takꞌa re Acor”.

Proverbios 10:7

Li cha̱bileb xnaꞌleb junelic teꞌjultica̱k. Abanan li incꞌaꞌ useb xnaꞌleb, ma̱ ani ta̱jultica̱nk reheb.

2 Samuel 20:22

Ut li ixk quixserakꞌi reheb li cuanqueb saꞌ li tenamit cꞌaꞌru us xba̱nunquil. Queꞌxcamsi laj Seba li ralal laj Bicri ut queꞌxcut lix jolom jun pacꞌal li tzꞌac cuan cuiꞌ laj Joab. Ut laj Joab quixya̱basi lix trompeta re nak teꞌxcanab pletic ut chixjunileb li cuanqueb rochben queꞌco̱eb saꞌ li rochocheb. Ut laj Joab co̱ Jerusalén riqꞌuin li rey David.

2 Samuel 20:1

Saꞌ li tenamit Gilgal quicuan jun li cui̱nk incꞌaꞌ us xnaꞌleb. Aꞌan laj Seba, ralal laj Bicri. Xcomoneb li ralal xcꞌajol laj Benjamín. Laj Seba quixya̱basi li trompeta re xchꞌutubanquileb li tenamit, ut quixye reheb: —La̱o ma̱cꞌaꞌ nakara chirix laj David li ralal laj Isaí. Ma̱cꞌaꞌ tixqꞌue ke. Chikajunilo toxic saꞌ kamuheba̱l, chan.

2 Samuel 19:8

Joꞌcan nak laj David co̱ ut quichunla cuiꞌchic chire li oqueba̱l re li tenamit. Eb li tenamit queꞌrabi resil nak cuan aran ut chixjunileb li soldados queꞌxchꞌutub ribeb riqꞌuin. Nak yo̱ chi cꞌulma̱nc aꞌin, chixjunileb laj Israel, li queꞌoquen chirix laj Absalón yo̱queb chi e̱lelic ut queꞌco̱eb saꞌ li rochocheb.

Josué 10:27

Nak ac x-ecuu, laj Josué quixtakla xcubsinquileb li camenak. Ut quixye ajcuiꞌ nak teꞌcutekꞌ chak saꞌ li ochoch pec bar queꞌxmuk cuiꞌ chak ribeb. Ut queꞌxqꞌue ajcuiꞌ ni̱nki pec saꞌ li oqueba̱l re li ochoch pec. Ut toj cuanqueb ajcuiꞌ li pec aꞌan chalen anakcuan.

Deuteronomio 21:20

Teꞌxye reheb li nequeꞌcꞌamoc be, “Li al aꞌin naxkꞌetkꞌeti rib chiku. Incꞌaꞌ na-abin chiku ut incꞌaꞌ naxpa̱b lix kꞌusbal. Junes cuaꞌac naraj ut aj calajenak.”

Deuteronomio 21:21

Ut chixjunileb li cui̱nk li cuanqueb saꞌ li tenamit aꞌan teꞌxcuti chi pec toj retal ta̱ca̱mk. Chi joꞌcaꞌin te̱risi li ma̱usilal saꞌ e̱ya̱nk. Ut chixjunileb laj Israel teꞌrabi resil ut teꞌxucuak xban.

1 Samuel 4:10

Joꞌcan nak eb laj filisteo queꞌpletic chi cau ut queꞌnumta saꞌ xbe̱neb laj Israel. Eb laj Israel queꞌe̱lelic chiruheb ut queꞌco̱eb saꞌ lix muheba̱leb. Abanan kꞌaxal cuiꞌchic nabaleb li queꞌcamsi̱c. Laje̱b xcaꞌcꞌa̱l mil (30,000) eb laj Israel li nequeꞌxic chi rokeb queꞌcam saꞌ li cutan aꞌan.

2 Reyes 8:21

Laj Joram co̱ Zair rochbeneb chixjunileb lix carruaje. Eb laj Edom queꞌxsut li tenamit. Abanan chiru li kꞌojyi̱n laj Joram ut eb li nequeꞌchꞌeꞌoc reheb lix carruaje queꞌru chi e̱lelic. Ut eb li soldados queꞌxjeqꞌui ribeb ut queꞌco̱eb saꞌ rochocheb.

2 Reyes 14:12

Eb lix soldado laj Joás, lix reyeb laj Israel, queꞌnumta saꞌ xbe̱neb lix soldado laj Amasías, lix reyeb laj Judá. Ut eb li soldado aj Judá queꞌe̱lelic ut queꞌco̱eb saꞌ rochocheb.

2 Samuel 19:5

Laj Joab co̱ saꞌ rochoch li rey ut quixye re: —Anakcuan xacꞌut xxuta̱neb la̱ soldados li nequeꞌcꞌanjelac cha̱cuu. Aꞌaneb xeꞌcoloc a̱cue ut xeꞌxcol ajcuiꞌ la̱ cualal a̱cꞌajol ut eb la̱ cuixakil joꞌ eb li ixk li cuanqueb a̱cuiqꞌuin.

2 Samuel 19:9

Yalak bar saꞌ chixjunil li naꞌajej Israel yo̱queb chixcuechꞌinquil ribeb chi ribileb rib. Yo̱queb chixyebal: —Li rey David coxcol chiruheb li xicꞌ nequeꞌiloc ke. Xoxcol chiruheb laj filisteo. Abanan anakcuan xcanab lix tenamit ut x-e̱lelic chiru laj Absalón xban xxiu.