2 Samuel 17:17 - Li Santil hu

¹⁷ Laj Jonatán ut laj Ahimaas cuanqueb chire li haꞌ Rogel. Incꞌaꞌ naru teꞌoc Jerusalén xban nak naru nequeꞌileꞌ. Joꞌcan nak jun li mo̱s ixk naxic chixyebal reheb cꞌaꞌru yo̱ chicꞌulma̱nk saꞌ li tenamit. Ut chirix aꞌan, laj Jonatán ut laj Ahimaas nequeꞌxic chixyebal re li rey David.

Q'eqchi Bible

¹⁷ Laj Jonatán ut laj Ajimás wankeb' chire li ha' Rokel, xb'aan naq ink'a' neke'raj te'ile'q chi ok sa' li tenamit. Jun moosej ixq koho chi xyeeb'al resil reheb', ut tikto eb' a'an koheb' rik'in laj David li awab'ej.

2 Samuel 17:17 ပူးပေါင်းရင်းမြစ်များ

2 Samuel 15:36

Laj Ahimaas ut laj Jonatán li ralaleb cuanqueb rochbeneb. Naru nacatakla chak resil li cꞌaꞌru ta̱cuabi chirixeb aꞌan, chan laj David.

2 Samuel 15:27

Ut li rey David quixye ajcuiꞌ re laj Sadoc laj tij: —¿Ma ma̱cuaꞌ ta biꞌ la̱at aj kꞌe? Sukꞌin anakcuan saꞌ li tenamit chi ma̱cꞌaꞌ a̱cꞌaꞌux ut ta̱cꞌameb cha̱cuix laj Ahimaas la̱ cualal joꞌ ajcuiꞌ laj Jonatán li ralal laj Abiatar.

Josué 18:16

Li nuba̱l naticla chak cuan cuiꞌ li tzu̱l li cuan saꞌ xcaꞌyaba̱l li ru takꞌa Ben-hinom, li cuan saꞌ li norte riqꞌuin li ru takꞌa re Refaim. Naxic saꞌ li ru takꞌa re Hinom li cuan saꞌ li sur cuanqueb cuiꞌ laj jebuseo ut chirix aꞌan naxic cuan cuiꞌ li yuꞌam haꞌ Rogel.

Josué 15:7

Chirix aꞌan naxic saꞌ li naꞌajej Debir cuan cuiꞌ li ru takꞌa Acor. Naxqꞌue chak vue̱lt saꞌ li naꞌajej Gilgal li cuan saꞌ xcaꞌyaba̱l li tzu̱l Adumín, li cuan saꞌ li sur re li nimaꞌ. Ut naxic saꞌ li yuꞌam haꞌ En-semes xcꞌabaꞌ ut nocox-e̱lk cuan cuiꞌ li yuꞌam haꞌ Rogel.

1 Reyes 1:9

Saꞌ jun li cutan laj Adonías quixba̱nu jun li ninkꞌe. Quixcamsi eb li bo̱yx, li carner, ut eb li cuacax li toj sa̱jeb li ni̱nkeb xtibeleb. Quixcamsiheb nachꞌ riqꞌuin li nimla pec Zohelet xcꞌabaꞌ li cuan nachꞌ riqꞌuin li haꞌ Rogel. Quixbokeb chixjunileb li ralal li rey re teꞌxic saꞌ lix ninkꞌe. Ut quixbokeb ajcuiꞌ li nequeꞌcꞌanjelac chiru li rey li chalenakeb Judá.

1 Reyes 1:42

Toj yo̱ ajcuiꞌ chi a̱tinac nak laj Jonatán li ralal laj Abiatar laj tij quicuulac. Laj Adonías quixye re: —Ocan. La̱at cha̱bilat. Ninnau nak cha̱bil esilal xatchal chixyebal ke, chan.

2 Samuel 15:35

Aran cuanqueb laj Sadoc ut laj Abiatar, eb laj tij. Chixjunil li cꞌaꞌru ta̱cuabi saꞌ li rochoch li rey, ta̱ye reheb.