2 Samuel 17:14 - Li Santil hu

¹⁴ Laj Absalón ut chixjunileb li cuanqueb rochben queꞌxye: —Kꞌaxal us li naꞌleb li xqꞌue laj Husai chiru li xqꞌue laj Ahitofel, chanqueb. Queꞌxye nak us xban nak ac cuan saꞌ xchꞌo̱l li Dios nak ta̱poꞌekꞌ ru li naꞌleb li quixqꞌue laj Ahitofel ut nak laj Absalón tixcꞌul li raylal.

Q'eqchi Bible

¹⁴ Toja' naq laj Absalón ut chixjunileb' laj Israel ke'xye: “Q'axal us li na'leb' xk'e laj Jusay aj Arkí chiru li xk'e laj Ajitófel”, chankeb'. A' li Qaawa' ki'ajok xpo'b'al ru li xk'uub'ahom laj Ajitófel, us ta a'an jwal us, re xk'amb'al chaq li rahilal sa' xb'een laj Absalón.

2 Samuel 17:14 ပူးပေါင်းရင်းမြစ်များ

2 Samuel 15:34

Abanan cui tatxic cuiꞌchic Jerusalén ut ta̱ye re laj Absalón nak tatcꞌanjelak chiru joꞌ nak xatcꞌanjelac chicuu la̱in, chi joꞌcan naru niquina̱tenkꞌa chixpoꞌbal ru li yo̱ chixcꞌu̱banquil ru laj Ahitofel.

Isaías 8:10

Usta te̱cꞌu̱b ru chi us li cꞌaꞌru te̱ba̱nu, abanan incꞌaꞌ us tex-e̱lk. Usta tex-a̱tinak chi nabal, abanan ma̱cꞌaꞌak aj e li cꞌaꞌru te̱ye xban nak la̱o cuan li Ka̱cuaꞌ kiqꞌuin.

Proverbios 21:30

Chiru li Ka̱cuaꞌ ma̱cꞌaꞌ na-oc cuiꞌ li naꞌleb re li ruchichꞌochꞌ.

Proverbios 19:21

Eb li cristian nabal li cꞌaꞌak re ru nequeꞌxcꞌu̱b ru. Abanan caꞌaj cuiꞌ li Dios yal re ma ta̱uxma̱nk chixjunil li nequeꞌxcꞌu̱b ru.

2 Samuel 15:31

Laj David quiyeheꞌ resil re nak laj Ahitofel, aꞌan xcomoneb li nequeꞌoquen chirix laj Absalón. Joꞌcan nak laj David quitijoc ut quixye: —At Ka̱cuaꞌ, ta̱poꞌ taxak ru lix cꞌaꞌux laj Ahitofel re nak incꞌaꞌ us ta̱e̱lk li naꞌleb li tixqꞌue, chan.

1 Corintios 3:19

Lix naꞌleb li ruchichꞌochꞌ, aꞌan to̱ntil naꞌleb chiru li Dios. Joꞌcaꞌin tzꞌi̱banbil saꞌ li Santil Hu: Li Dios naxcanabeb chixsachbaleb rib xban lix se̱baleb xchꞌo̱l li ani nequeꞌrecꞌa nak cuanqueb xnaꞌleb xjuneseb rib. (Job 5:13)

San Lucas 16:8

Ut li patrón quisach xchꞌo̱l chirilbal nak kꞌaxal cuan xnaꞌleb li merto̱m li incꞌaꞌ us xnaꞌleb. Eb li incꞌaꞌ nequeꞌxnau lix ya̱lal kꞌaxal se̱beb xchꞌo̱l chixcꞌoxlanquil chanru tixtenkꞌa rib, usta incꞌaꞌ us tixba̱nu reheb li ras ri̱tzꞌin. Kꞌaxal se̱beb xchꞌo̱l chiruheb li ralal xcꞌajol li Dios.

Lamentaciones 3:37

¿Ani ta biꞌ ta̱ru̱k tixye cꞌaꞌru tixcꞌul junak cui moco joꞌcan ta naraj li Dios?

2 Samuel 16:23

Saꞌ eb li cutan aꞌan, li naꞌleb li quixqꞌue laj Ahitofel quicꞌuleꞌ xbaneb chixjunileb joꞌ nak aꞌan ra̱tin li Dios. Ut joꞌ nak laj David quixba̱nu li cꞌaꞌru quixye laj Ahitofel, joꞌcan ajcuiꞌ nak laj Absalón quixba̱nu li cꞌaꞌru quixye.

Génesis 32:28

Ut li cui̱nk quixye: —Anakcuan ma̱cuaꞌ chic aj Jacob a̱cꞌabaꞌ. Aj Israel chic a̱cꞌabaꞌ xban nak xayal a̱metzꞌe̱u riqꞌuin li Dios joꞌ ajcuiꞌ riqꞌuineb li cui̱nk. La̱at cau a̱cuib, chan.

Amós 9:3

Ut cui ta teꞌxyal xmukbal ribeb saꞌ xbe̱n li tzu̱l Carmelo toxebinsicꞌ aran ut tebinchap. Ut cui ta teꞌxyal xmukbal ribeb saꞌ xchamal li palau, tintakla li nimla xul li cuan saꞌ li haꞌ chixtiubaleb.

Salmos 9:16

At Ka̱cuaꞌ, xban nak nacatrakoc a̱tin saꞌ xya̱lal, nacacꞌutbesi la̱ ti̱quilal. Aꞌut li incꞌaꞌ useb xnaꞌleb xjunes nequeꞌxsicꞌ xraylaleb riqꞌuin li incꞌaꞌ us nequeꞌxba̱nu.

2 Crónicas 25:20

Laj Amasías incꞌaꞌ qui-abin chiru xban nak ac cuan saꞌ xchꞌo̱l li Dios nak tixkꞌaxtesi laj Amasías saꞌ rukꞌ li rey Joás. Quixba̱nu chi joꞌcan xban nak quixtiquib xlokꞌoninquil li jalanil dios li queꞌxlokꞌoni eb laj Edom.

2 Crónicas 25:16

Toj yo̱ ajcuiꞌ chi a̱tinac nak li rey quixye re: —¿Ani xxakaban a̱cue chi qꞌuehoc innaꞌleb? Cui incꞌaꞌ ta̱canab a̱tinac, la̱in tintakla a̱camsinquil, chan. Ut li profeta quixcanab xqꞌuebal xnaꞌleb ut quixye re: —La̱in ninnau nak li Dios tixsach a̱cuu xban nak xaba̱nu li incꞌaꞌ us aꞌin ut incꞌaꞌ xacꞌul li naꞌleb li xinqꞌue raj a̱cue, chan.

Deuteronomio 2:30

Abanan laj Sehón lix reyeb laj Hesbón incꞌaꞌ coxcanab chi numecꞌ xban nak li Ka̱cuaꞌ le̱ Dios quixcacuubresi xchꞌo̱l re nak tixkꞌaxtesi saꞌ kukꞌ li naꞌajej toj chalen anakcuan.

Éxodo 9:16

Abanan la̱in incꞌaꞌ xinqꞌue li yajel aꞌan saꞌ e̱be̱n xban nak xcuaj xcꞌutbal lin cuanquil che̱ru. Ut re ajcuiꞌ nak te̱ye cuesilal saꞌ ruchichꞌochꞌ.

2 Crónicas 10:8

Abanan laj Roboam quixtzꞌekta̱na li naꞌleb li quiyeheꞌ re xbaneb li che̱quel cui̱nk. Co̱ ban riqꞌuineb li sa̱j cui̱nk li xeꞌqꞌui rochben, li nequeꞌcꞌanjelac chiru.

Nehemías 4:15

Ut eb li xicꞌ nequeꞌiloc ke queꞌrabi resil nak la̱o kaqꞌue retal li cꞌaꞌru queꞌxcꞌu̱b ru saꞌ kabe̱n. Ut queꞌxqꞌue ajcuiꞌ retal nak li Dios quixpoꞌ ru li cꞌaꞌru queꞌxcꞌoxla xba̱nunquil ke. Ut nak ac xcꞌulman aꞌan co-oc cuiꞌchic chikajunilo chixyi̱banquil li tzꞌac.

Salmos 9:15

Li tenamit li incꞌaꞌ nequeꞌpa̱ban cha̱cuu, xjuneseb queꞌxsicꞌ xraylaleb. Chanchan nak queꞌxbec jun li jul ut aꞌaneb ajcuiꞌ queꞌoc chi saꞌ. Ut xeꞌxyi̱b jun li raꞌal ut aꞌaneb ajcuiꞌ li queꞌtꞌaneꞌ chi saꞌ.

Josué 11:20

Li Ka̱cuaꞌ quixcacuubresi lix chꞌo̱leb li tenamit li cuanqueb Canaán re nak teꞌpletik, re nak teꞌsachekꞌ ruheb chixjunileb xbaneb laj Israel. Li Ka̱cuaꞌ Dios ac quixye re laj Moisés nak incꞌaꞌ teꞌril xtokꞌoba̱l ruheb. Teꞌxcamsiheb ban chixjunileb.

2 Crónicas 10:15

Li rey incꞌaꞌ quixba̱nu li queꞌxtzꞌa̱ma li tenamit xban nak ac joꞌcan chak saꞌ xchꞌo̱l li Dios. Ut re ajcuiꞌ nak ta̱tzꞌaklok ru li cꞌaꞌru quiyeheꞌ re laj Jeroboam li ralal laj Nabat xban li profeta Ahías Silo xtenamit nak quixye re li cꞌaꞌru quixye li Dios.

Li xHu LAJ JOB 12:17

Li Dios na-isin re lix naꞌlebeb li nequeꞌqꞌuehoc naꞌleb. Ut naxpoꞌ xnaꞌlebeb laj rakol a̱tin.