2 Samuel 17:11 - Li Santil hu

¹¹ La̱in ninye a̱cue nak kꞌaxal us nak ta̱chꞌutubeb ru chixjunileb laj Israel, li cuanqueb saꞌ li tenamit Dan toj saꞌ li tenamit Beerseba. Eb aꞌan kꞌaxal nabaleb. Chanchaneb li cocꞌ ru li samaib chire li palau. Ut la̱at tatcꞌamok xbeheb nak texxic chi pletic.

Q'eqchi Bible

¹¹ Jo'kan naq li na'leb' nink'e laa'in, a'an naq taach'utub' chixjunileb' laj Israel, chalen chaq Dan toj Berseba (a'aneb' naab'aleb' kama' li samahib' wank chire li palaw), ut laa'at tatk'amoq xb'eheb' sa' li yalok.

2 Samuel 17:11 ပူးပေါင်းရင်းမြစ်များ

Génesis 22:17

Kꞌaxal numtajenak li usilal tinba̱nu a̱cue. Joꞌ xqꞌuialeb li chahim li cuanqueb saꞌ choxa, joꞌcan ajcuiꞌ xqꞌuialeb la̱ cualal a̱cꞌajol li teꞌcua̱nk. Ut joꞌ xqꞌuial li cocꞌ ru li samaib li cuanqueb chire li palau nak teꞌta̱mk la̱ cualal a̱cꞌajol. Ut kꞌaxal cuiꞌchic nimak xcuanquileb la̱ cualal a̱cꞌajol chiruheb li xicꞌ teꞌilok reheb aꞌan.

Salmos 9:16

At Ka̱cuaꞌ, xban nak nacatrakoc a̱tin saꞌ xya̱lal, nacacꞌutbesi la̱ ti̱quilal. Aꞌut li incꞌaꞌ useb xnaꞌleb xjunes nequeꞌxsicꞌ xraylaleb riqꞌuin li incꞌaꞌ us nequeꞌxba̱nu.

Jueces 20:1

Quilajeꞌxchꞌutub ribeb chixjunileb li cui̱nk aj Israel saꞌ li naꞌajej cuan cuiꞌ li tabernáculo aran Mizpa. Eb aꞌan queꞌchal chak saꞌ eb li naꞌajej li naticla chak Dan ut nacuulac Beerseba ut toj Galaad.

Josué 11:4

Queꞌxjunaji ribeb chixjunileb rochbeneb lix soldados re teꞌxic chi pletic riqꞌuineb laj Israel. Kꞌaxal cuiꞌchic nabaleb. Chanchan xqꞌuial li samaib chire li palau. Ut nabaleb lix cacua̱yeb joꞌ ajcuiꞌ lix carruajeb re pletic.

1 Reyes 20:10

Laj Ben-adad quixtakla cuiꞌchic xyebal re laj Acab: —Tinsach ru la̱ tenamit Samaria. Chinixcamsihak ta lin Dios cui incꞌaꞌ tinsach ru. Ma̱cꞌaꞌ ta̱cana̱k chi moco lix poksil ta̱tzꞌaklok re nak lin soldados teꞌxcꞌam saꞌ rukꞌeb, chan.

1 Reyes 4:20

Eb laj Israel ut eb laj Judá kꞌaxal nabaleb joꞌ xqꞌuial li cocꞌ ru li samaib chire li palau. Nequeꞌcuaꞌac ut nequeꞌucꞌac chi sa saꞌ xchꞌo̱leb.

2 Samuel 24:2

Joꞌcan nak li rey David quixye re laj Joab li kꞌaxal nim xcuanquil saꞌ xbe̱neb li soldados: —Tatxic a̱cuochbeneb chixjunileb li nequeꞌtaklan saꞌ xbe̱neb li soldados. Te̱rajla chixjunileb li cuanqueb saꞌ li naꞌajej Israel. Naticla chak saꞌ li tenamit Dan ut nacuulac toj saꞌ li tenamit Beerseba. Nacuaj xnaubal jarubeb li cristian, chan.

2 Samuel 12:28

Ta̱chꞌutubeb li jun chꞌol chic la̱ soldados ut tatpletik la̱at. La̱in incꞌaꞌ nacuaj nak tincue̱chani li tenamit ut teꞌxqꞌue saꞌ incꞌabaꞌ.—

Génesis 13:16

—Tinqꞌueheb chi qꞌuia̱nc la̱ cualal a̱cꞌajol. Incꞌaꞌ ta̱ru̱k rajlanquileb xban xqꞌuialeb, joꞌ li poks saꞌ chꞌochꞌ incꞌaꞌ naru rajlanquil, chan.

Génesis 21:14

Joꞌ cuulajak chic nak toj ekꞌela, laj Abraham quixqꞌue xcua lix Agar. Ut quixqꞌue jun bo̱ls tzꞌu̱m lix haꞌ ut lix Agar quixjelo saꞌ xbe̱n xtel. Nak laj Abraham quixkꞌaxtesi laj Ismael saꞌ rukꞌ lix Agar, quixchakꞌrabiheb. Tojoꞌnak queꞌco̱eb ut queꞌxsuti rib saꞌ li chaki chꞌochꞌ Beerseba xcꞌabaꞌ.

1 Samuel 3:20

Ut chixjunileb laj Israel li cuanqueb saꞌ li naꞌajej Dan toj saꞌ li naꞌajej Beerseba queꞌxqꞌue retal nak laj Samuel, aꞌan tzꞌakal xprofeta li Ka̱cuaꞌ.

1 Samuel 13:5

Ut eb laj filisteo queꞌxchꞌutub ribeb chi pletic riqꞌuineb laj Israel. Cuanqueb laje̱b xcaꞌcꞌa̱l mil (30,000) chi carruaje re pletic, cuanqueb cuakib mil (6,000) li soldado li nequeꞌxic chirix cacua̱y, ut cuanqueb ajcuiꞌ nabaleb li soldado li nequeꞌxic chi rokeb joꞌ xqꞌuial li samaib li cuan chire li palau. Queꞌco̱eb ut queꞌxyi̱b lix muheba̱leb aran Micmas li nacana saꞌ xjayal li tenamit Bet-avén, li na-el cuiꞌ chak li sakꞌe.

2 Samuel 3:10

Li Ka̱cuaꞌ quixye nak ta̱risi xcuanquileb li ralal xcꞌajol laj Saúl ut tixqꞌue re laj David. Laj David ta̱oc chokꞌ xreyeb li cuanqueb saꞌ li naꞌajej Israel, joꞌ ajcuiꞌ chokꞌ xreyeb li cuanqueb saꞌ li naꞌajej Judá. Ta̱takla̱nk saꞌ chixjunil li naꞌajej li naticla aran Dan toj Beerseba, chan laj Abner.