2 Samuel 16:7 - Li Santil hu

⁷ Laj Simei yo̱ chixmajecuanquil laj David ut quixye re: —Elen arin. La̱at aj camsinel. La̱at jun cui̱nk incꞌaꞌ us a̱naꞌleb.

Q'eqchi Bible

⁷ ab'an laj Semehí toj namajewank re rik'in xyeeb'al: “Ayu, elen arin, aj reemaaru aj kamsinel!

2 Samuel 16:7 ပူးပေါင်းရင်းမြစ်များ

Salmos 51:14

At inDios aj Colol cue, mina̱qꞌue taxak chixtojbal rix lin ma̱c riqꞌuin li camsi̱nc xinba̱nu. Ut la̱in tinbicha̱nk ut tinye nak kꞌaxal ti̱c a̱chꞌo̱l.

Salmos 5:6

La̱at tatsachok reheb li nequeꞌticꞌtiꞌic, ut xicꞌ nacacuil li ani naxcamsi ras ri̱tzꞌin joꞌ ajcuiꞌ eb laj balakꞌ.

1 Reyes 21:13

Ut queꞌcuulac li cui̱nk li incꞌaꞌ useb xnaꞌleb. Queꞌchunla chiru laj Nabot ut queꞌxye li ticꞌtiꞌ chiruheb li tenamit. Queꞌxye nak laj Nabot quixmajecua li Dios ut quixmajecua ajcuiꞌ li rey. Ut queꞌxcꞌam laj Nabot chire tenamit ut queꞌxcuti chi pec toj retal quicam.

1 Reyes 21:10

Te̱sicꞌ cuibakeb li cui̱nk li incꞌaꞌ useb xnaꞌleb. Te̱cꞌam chak chiru laj Nabot re teꞌxye nak xmajecua li Dios ut xmajecua ajcuiꞌ li rey Acab. Chirix aꞌan te̱cꞌam laj Nabot chire tenamit ut te̱cuti chi pec toj retal ta̱ca̱mk, chan saꞌ li hu.

2 Samuel 12:9

¿Cꞌaꞌut nak xatzꞌekta̱na li chakꞌrab li xinqꞌue a̱cue? ¿Cꞌaꞌut nak xaba̱nu li ma̱usilal aꞌin? Xatakla laj Urías laj heteo chi camsi̱c. ¿Cꞌaꞌut nak xaqꞌue chi camsi̱c xbaneb laj Amón ut xacꞌam chokꞌ a̱cue li rixakil?

2 Samuel 3:37

Riqꞌuin aꞌin chixjunileb li tenamit li queꞌoquen chirix laj David, joꞌqueb ajcuiꞌ li cuanqueb aran Israel queꞌxqꞌue retal nak laj David incꞌaꞌ qui-oquen riqꞌuin lix camic laj Abner, li ralal laj Ner.

1 Samuel 25:17

Ba̱nu usilal, cꞌoxla rix chi us cꞌaꞌru ta̱ba̱nu. Relic chi ya̱l ta̱cha̱lk raylal saꞌ xbe̱n li kapatrón ut saꞌ xbe̱n ajcuiꞌ chixjunileb lix jun cablal. Xban nak kꞌaxal joskꞌ, ma̱ ani naru naa̱tinac riqꞌuin, chan.

1 Samuel 2:12

Eb li ralal laj Elí incꞌaꞌ useb xnaꞌleb ut incꞌaꞌ queꞌxqꞌue xlokꞌal li Ka̱cuaꞌ Dios.

Deuteronomio 13:13

nak cuanqueb cui̱nk incꞌaꞌ useb xnaꞌleb yo̱keb chixcꞌambal xbe li tenamit chixlokꞌoninquil li jalan Dios li incꞌaꞌ xelokꞌoni la̱ex.

2 Samuel 16:6

Laj Simei qui-oc chixcutinquil chi pec laj David ut eb laj cꞌanjel chiru, usta sutsu̱queb xbaneb li soldado li nequeꞌcꞌacꞌalen re.

2 Samuel 19:21

Ut laj Abisai, lix yum lix Sarvia, quixye: —¿Ma incꞌaꞌ ta biꞌ xcꞌulub nak ta̱ca̱mk laj Simei xban nak catxmajecua la̱at, li sicꞌbil a̱cuu xban li Ka̱cuaꞌ? chan.

2 Samuel 20:1

Saꞌ li tenamit Gilgal quicuan jun li cui̱nk incꞌaꞌ us xnaꞌleb. Aꞌan laj Seba, ralal laj Bicri. Xcomoneb li ralal xcꞌajol laj Benjamín. Laj Seba quixya̱basi li trompeta re xchꞌutubanquileb li tenamit, ut quixye reheb: —La̱o ma̱cꞌaꞌ nakara chirix laj David li ralal laj Isaí. Ma̱cꞌaꞌ tixqꞌue ke. Chikajunilo toxic saꞌ kamuheba̱l, chan.

Salmos 55:3

Ninsicsot xban inxiu nak nacuabi li cꞌaꞌru nequeꞌxye chicuix li xicꞌ nequeꞌiloc cue. Saꞌ inbe̱n yo̱queb xqꞌuebal li ma̱c li incꞌaꞌ useb xnaꞌleb. Cꞌajoꞌ xrahil inchꞌo̱l nequeꞌxqꞌue xban nak yo̱queb xjoskꞌil saꞌ inbe̱n.

Salmos 3:2

Nabaleb li yo̱queb chi a̱tinac chicuix ut nequeꞌxye: Li Dios incꞌaꞌ tixcol aꞌan chiku, chanqueb.

Salmos 55:4

Ta̱yotꞌekꞌ li cua̱m xban li raylal yo̱queb xba̱nunquil cue. Cꞌajoꞌ nak ninxucuac nak nacuabi nak tineꞌxcamsi.