2 Samuel 16:4 - Li Santil hu

⁴ Li rey David quixye re: —Chixjunil li cꞌaꞌru cuan re laj Mefi-boset, ta̱cana̱k chokꞌ a̱cue, chan. Laj Siba quixye re laj David: —At rey, la̱in aj cꞌanjel cha̱cuu. Junelic taxak sahak a̱chꞌo̱l cuiqꞌuin, chan.

Q'eqchi Bible

⁴ Toja' naq kixye li awab'ej: “Aawehaq chixjunil li k'aru wank re laj Mefibahal”, chan. Ut laj Sibá kixhupub' rib' ut kixye re: “B'anyox aawe, at awab'ej, naq xintaw usilal chawu”.

2 Samuel 16:4 ပူးပေါင်းရင်းမြစ်များ

Proverbios 18:17

Li ani nacuulac xbe̱n cua chixyebal nak ma̱cꞌaꞌ xma̱c, nacꞌutun nak ma̱cꞌaꞌ xma̱c toj nak nacuulac li jun chic li yo̱ chi jitoc re. Aꞌan nayehoc re nak cuan xma̱c.

Proverbios 18:13

Xuta̱nal na-el li ma̱cꞌaꞌ xnaꞌleb nak naxsume li a̱tin chi toj ma̱jiꞌ narabi li cꞌaꞌru ta̱yehekꞌ re.

Proverbios 19:2

Junak cristian ma̱cꞌaꞌ xnaꞌleb incꞌaꞌ naxcꞌoxla chi us li cꞌaꞌru naxba̱nu. Xban nak naxba̱nu saꞌ junpa̱t aꞌan naqꞌuehoc re chi ma̱cobc.

Deuteronomio 19:15

Incꞌaꞌ tzꞌakal cui jun ajcuiꞌ ta̱yehok re nak cuan xma̱c junak cristian. Tento nak ta̱cua̱nk cuib malaj ut oxib li teꞌyehok re cuan xma̱c.

Éxodo 23:8

Nak texrakok a̱tin, incꞌaꞌ texcꞌuluk tumin. Li ani natumina̱c ru incꞌaꞌ narakoc a̱tin saꞌ ti̱quilal xban nak incꞌaꞌ chic narabi li cꞌaꞌru nequeꞌxye li ma̱cꞌaꞌeb xma̱c.

2 Samuel 14:22

Laj Joab quixcuikꞌib rib saꞌ chꞌochꞌ re xqꞌuebal xlokꞌal laj David ut quixye: —Aꞌ taxak li Dios chi-osobtesi̱nk a̱cue, at rey. Anakcuan ninnau nak xsahoꞌ a̱chꞌo̱l cuiqꞌuin xban nak xaba̱nu li cꞌaꞌru xintzꞌa̱ma cha̱cuu, chan.

2 Samuel 14:4

Li ixk co̱ riqꞌuin li rey David ut quixcuikꞌib rib saꞌ chꞌochꞌ re xqꞌuebal xlokꞌal, ut quixye: —At rey, ba̱nu usilal. China̱tenkꞌa, chan.

2 Samuel 9:6

Laj Mefi-boset, li ralal laj Jonatán quicuulac riqꞌuin laj David. Laj Mefi-boset, aꞌan li ri laj Saúl. Quixcuikꞌib rib chiru laj David re xqꞌuebal xlokꞌal. Laj David quixye re: —At Mefi-boset, chan. Ut aꞌan quixye re: —La̱in aj cꞌanjel cha̱cuu, chan.

2 Samuel 9:9

Ut laj David quixbok laj Siba lix mo̱s laj Saúl ut quixye re: —Chixjunil li quicuan re laj Saúl la̱ patrón ut reheb li ralal xcꞌajol la̱in xinqꞌue re laj Mefi-boset, li ri.

2 Samuel 16:3

Li rey quixye re: —¿Bar cuan laj Mefi-boset, li ri laj Saúl la̱ patrón? chan. Laj Siba quixye re: —Xcana chak Jerusalén xban nak naxcꞌoxla nak eb laj Israel teꞌxxakab saꞌ xcuanquil chokꞌ re̱kaj laj Saúl lix yucuaꞌchin, chan.

2 Samuel 16:5

Li rey David quicuulac Bahurim. Aran cuan jun li cui̱nk aj Simei xcꞌabaꞌ. Aꞌan ralal laj Gera xcomoneb li ralal xcꞌajol laj Saúl. Qui-oc chixmajecuanquil laj David.

2 Samuel 19:27

Lin mo̱s xyoꞌob ticꞌtiꞌ chicuix cha̱cuu, at rey. Abanan, la̱at chanchanat lix ángel li Dios. La̱at ta̱ba̱nu li cꞌaꞌru nacanau nak us xba̱nunquil.

2 Samuel 14:8

Li rey David quixye re: —Ayu saꞌ la̱ cuochoch. Matcꞌoxlac xban nak la̱in tinqꞌue junak chakꞌrab re a̱tenkꞌanquil, chan.