2 Samuel 16:23 - Li Santil hu

²³ Saꞌ eb li cutan aꞌan, li naꞌleb li quixqꞌue laj Ahitofel quicꞌuleꞌ xbaneb chixjunileb joꞌ nak aꞌan ra̱tin li Dios. Ut joꞌ nak laj David quixba̱nu li cꞌaꞌru quixye laj Ahitofel, joꞌcan ajcuiꞌ nak laj Absalón quixba̱nu li cꞌaꞌru quixye.

Q'eqchi Bible

²³ Sa'eb' li kutan a'an, jun na'leb' k'eeb'il xb'aan laj Ajitófel nak'ule'k kama' a'an raatin li Yos. Laj David ut laj Absalón neke'xpaab' chixjunil li na'leb' k'eeb'il xb'aan laj Ajitófel.

2 Samuel 16:23 ပူးပေါင်းရင်းမြစ်များ

2 Samuel 15:12

Nak laj Absalón yo̱ chi mayejac, quixtakla ajcuiꞌ xbokbal laj Ahitofel saꞌ li tenamit Gilo. Laj Ahitofel, aꞌan xcomoneb li nequeꞌqꞌuehoc xnaꞌleb li rey David. Chi joꞌcan yo̱queb chi ta̱mc li nequeꞌta̱ken re laj Absalón ut yo̱queb chi cacuu̱c xchꞌo̱leb riqꞌuin li yo̱queb chixba̱nunquil.

2 Samuel 17:23

Laj Ahitofel quixqꞌue retal nak incꞌaꞌ queꞌxba̱nu li cꞌaꞌru quixye reheb. Joꞌcan nak quixyi̱b rix lix bu̱r ut quitakeꞌ chirix ut quisukꞌi saꞌ xtenamit. Quixyi̱b ru li cꞌaꞌru re saꞌ li rochoch. Ut chirix aꞌan quixyatzꞌ rib. Joꞌcaꞌin nak quicam laj Ahitofel. Quimukeꞌ saꞌ li mukleba̱l li quimukeꞌ cuiꞌ lix yucuaꞌ.

2 Samuel 17:14

Laj Absalón ut chixjunileb li cuanqueb rochben queꞌxye: —Kꞌaxal us li naꞌleb li xqꞌue laj Husai chiru li xqꞌue laj Ahitofel, chanqueb. Queꞌxye nak us xban nak ac cuan saꞌ xchꞌo̱l li Dios nak ta̱poꞌekꞌ ru li naꞌleb li quixqꞌue laj Ahitofel ut nak laj Absalón tixcꞌul li raylal.

1 Pedro 4:11

Cui ani cuan xma̱tan chi a̱tinac, chixyehak ra̱tin li Dios. Cui ani naraj cꞌanjelac, chi cꞌanjelac aꞌ yal chanru lix cacuilal qꞌuebil re xban li Dios. Riqꞌuin chixjunil li cꞌaꞌak re ru ta̱uxma̱nk, nimanbilak taxak xcꞌabaꞌ li Dios saꞌ xcꞌabaꞌ li Jesucristo. Aꞌan laj e̱chal re li nimajcual cuanquilal ut lokꞌoninbilak taxak chi junelic kꞌe cutan. Joꞌcan taxak.

Romanos 1:22

Eb aꞌan nequeꞌxye nak cuanqueb xnaꞌleb abanan ma̱cꞌaꞌeb xnaꞌleb.

San Lucas 16:8

Ut li patrón quisach xchꞌo̱l chirilbal nak kꞌaxal cuan xnaꞌleb li merto̱m li incꞌaꞌ us xnaꞌleb. Eb li incꞌaꞌ nequeꞌxnau lix ya̱lal kꞌaxal se̱beb xchꞌo̱l chixcꞌoxlanquil chanru tixtenkꞌa rib, usta incꞌaꞌ us tixba̱nu reheb li ras ri̱tzꞌin. Kꞌaxal se̱beb xchꞌo̱l chiruheb li ralal xcꞌajol li Dios.

San Mateo 11:25

Saꞌ eb li cutan aꞌan, li Jesús quitijoc ut quixye: —At inYucuaꞌ, la̱at laj e̱chal re li choxa joꞌ ajcuiꞌ li ruchichꞌochꞌ. Ninbantioxi cha̱cuu xban nak xamuk lix ya̱lal chirix lix nimal la̱ cuanquilal chiruheb li cuanqueb xnaꞌleb nak nequeꞌxye rib, ut xamuk ajcuiꞌ chiruheb li tzolbileb. Ut xacꞌut lix ya̱lal chiruheb li cubenakeb xcuanquil, li chanchaneb cocꞌal.

Jeremías 8:9

Teꞌcꞌutekꞌ xxuta̱neb li cuanqueb xnaꞌleb. Teꞌsachk xnaꞌlebeb ut incꞌaꞌ chic teꞌxnau cꞌaꞌru teꞌxba̱nu. Queꞌxtzꞌekta̱na li cua̱tin. ¿Ma cuan ta biꞌ chic xnaꞌlebeb anakcuan eb aꞌan?

Jeremías 4:22

Li Ka̱cuaꞌ quixye: —Ma̱cꞌaꞌeb xnaꞌleb lin tenamit. Incꞌaꞌ nequeꞌxnau cuu. Chanchaneb li cocꞌal li ma̱cꞌaꞌeb xnaꞌleb. Chanchaneb li cocꞌal li incꞌaꞌ nequeꞌxtau xya̱lal. Cuanqueb xnaꞌleb chixba̱nunquil li ma̱usilal, abanan incꞌaꞌ nequeꞌraj xba̱nunquil li us, chan.

Eclesiastés 10:1

Li camenak raxya̱t naxpoꞌ li sununquil ban ut nachuhoꞌ. Joꞌcan ajcuiꞌ li to̱ntil naꞌleb naru tixpoꞌ ru li naꞌleb li kꞌaxal lokꞌ.

Salmos 28:2

China̱cuabi nak yo̱quin chixya̱banquil la̱ cꞌabaꞌ. Yo̱quin xtzꞌa̱manquil intenkꞌanquil cha̱cuu nak nintaksi li cuukꞌ bar cuan cuiꞌ la̱ santil ochoch.

Salmos 19:7

Lix chakꞌrab li Dios tzꞌakal re ru ut nax-acꞌobresi li kayuꞌam. Li ra̱tin li Ka̱cuaꞌ Dios, aꞌan tzꞌakal ya̱l ut naxqꞌue xnaꞌleb li ma̱cꞌaꞌ xnaꞌleb.

Li xHu LAJ JOB 28:28

Ut quixye reheb li cristian, “Li ani cuan xnaꞌleb, aꞌan li nacꞌanjelac chicuu chi tzꞌakal. Ut li ani se̱b xchꞌo̱l, aꞌan li naxcanab xba̱nunquil li ma̱usilal,” chan li Dios.—

Li xHu LAJ JOB 5:12

Aꞌan napoꞌoc ru li incꞌaꞌ us nequeꞌxcꞌoxla xba̱nunquil li se̱beb xchꞌo̱l chixba̱nunquil li incꞌaꞌ us. Ma̱cꞌaꞌ nequeꞌxba̱nu xban nak aꞌan naxpoꞌ ru li cꞌaꞌru nequeꞌxcꞌoxla xba̱nunquil.

1 Samuel 30:8

Laj David quitijoc ut quixye re li Dios: —¿Ma us cui tinxic chirixeb chixchapbaleb laj Amalec? ¿Ma toj toxebintau saꞌ be? chan. Li Ka̱cuaꞌ quixye re: —Ayukex. Relic chi ya̱l ta̱tauheb ut ta̱coleb li xeꞌxchap ut xeꞌxcꞌam chirixeb, chan.

Números 27:21

Laj Josué ta̱xic riqꞌuin laj Eleazar laj tij ut tixpatzꞌ re cꞌaꞌru tixba̱nu. Ut laj Eleazar tixsicꞌ li cꞌaꞌru nacuaj riqꞌuin li Urim. Laj Josué, aꞌan li ta̱takla̱nk saꞌ xbe̱neb laj Israel riqꞌuin chixjunil li cꞌaꞌru teꞌxba̱nu, chan li Ka̱cuaꞌ.

2 Samuel 15:31

Laj David quiyeheꞌ resil re nak laj Ahitofel, aꞌan xcomoneb li nequeꞌoquen chirix laj Absalón. Joꞌcan nak laj David quitijoc ut quixye: —At Ka̱cuaꞌ, ta̱poꞌ taxak ru lix cꞌaꞌux laj Ahitofel re nak incꞌaꞌ us ta̱e̱lk li naꞌleb li tixqꞌue, chan.

2 Samuel 17:1

Mokon chic laj Ahitofel quixye re laj Absalón: —Anakcuan tinsicꞌ ruheb cablaju mil chi soldados ut chiru ajcuiꞌ li kꞌojyi̱n aꞌin toxic chixsicꞌbal laj David.