2 Samuel 16:21 - Li Santil hu

²¹ Laj Ahitofel quixye re: —Tatcua̱nk riqꞌuineb li ixk li xeꞌcuan riqꞌuin la̱ yucuaꞌ, li xeꞌcanaba̱c arin chi iloc cab. Cui ta̱ba̱nu chi joꞌcan, chixjunileb teꞌxnau nak la̱at xicꞌ chic nacat-ileꞌ xban la̱ yucuaꞌ ut teꞌcacuu̱k xchꞌo̱leb, chan.

Q'eqchi Bible

²¹ Ut laj Ajitófel kixsume: “Ayu chi wank rik'ineb' li ixq li xe'wank rik'in laayuwa', a'eb' li xe'kanab'aak chi ilok kab'l. Chi jo'kan chixjunileb' laj Israel te'xnaw naq laa'at xik' chik nakat-ile'k xb'aan laayuwa', ut te'kawuuq xch'ooleb' chixjunileb' li neke'okenk chawix”.

2 Samuel 16:21 ပူးပေါင်းရင်းမြစ်များ

2 Samuel 20:3

Nak li rey David quicuulac saꞌ li rochoch aran Jerusalén, quixqꞌue xjuneseb li laje̱b chi ixk li queꞌcuan riqꞌuin li quixcanabeb chi iloc cab. Quixqꞌue xtzacae̱mkeb, abanan incꞌaꞌ chic quicuan riqꞌuineb. Joꞌcan nak queꞌcana chi tzꞌaptzꞌo̱queb. Chanchaneb chic li xma̱lcaꞌan chalen nak queꞌcam.

2 Samuel 15:16

Joꞌcan nak li rey David qui-el aran rochbeneb chixjunileb li cuanqueb saꞌ li rochoch. Quixcanab laje̱b li ixk li nequeꞌcuan riqꞌuin re teꞌxcꞌacꞌale li rochoch.

Zacarías 8:13

La̱ex li ralal xcꞌajol laj Judá ut li ralal xcꞌajol laj Israel, junxil majecuanbilex ut tzꞌekta̱nanbilex xbaneb li jalanil tenamit. Abanan, anakcuan texincol ut saꞌ e̱cꞌabaꞌ la̱ex nak osobtesinbilakeb li jalanil tenamit. Mexxucuac. Cacuubresihomak ban e̱chꞌo̱l chi cꞌanjelac.—

2 Samuel 2:7

Checacuubresihak le̱ chꞌo̱l usta ac xcam li rey Saúl. Ut tinye ajcuiꞌ e̱re nak la̱in xineꞌxxakab chokꞌ xreyeb laj Judá, chan laj David.

Levítico 18:8

Junak cui̱nk incꞌaꞌ naru naxchꞌic rib riqꞌuin li rixakil lix yucuaꞌ. Incꞌaꞌ naru naxcꞌut xxuta̱n lix yucuaꞌ.

1 Corintios 5:1

Yalak bar x-abiman resil nak cuan li joꞌ ma̱joꞌil naꞌleb saꞌ e̱ya̱nk xban nak jun li cui̱nk quixmakꞌ rixakil lix yucuaꞌ. Cꞌajoꞌ xyibal ru li yo̱queb chixba̱nunquil saꞌ e̱ya̱nk. Eb li ma̱cuaꞌeb aj pa̱banel incꞌaꞌ nequeꞌxba̱nu chi joꞌcan. ¿Ma tojaꞌ ta chic la̱ex texba̱nu̱nk re chi joꞌcan?

1 Reyes 2:22

Li rey Salomón quixye: —¿Cꞌaꞌut nak ta̱cuaj lix Abisag chokꞌ rixakil laj Adonías? Ma̱re yo̱cat ajcuiꞌ xcꞌoxlanquil xpatzꞌbal cue nak tinqꞌue lin cuanquil re yal xban nak aꞌan li cuas. Ut laj Abiatar laj tij ut laj Joab lix yum lix Sarvia nequeꞌoquen chirix, chan.

1 Reyes 2:17

Ut laj Adonías quixye re: —Nintzꞌa̱ma cha̱cuu nak tat-a̱tinak riqꞌuin li rey Salomón xban nak aꞌan tixba̱nu li cꞌaꞌru ta̱tzꞌa̱ma la̱at. Ta̱ye re nak tixqꞌue chokꞌ cuixakil lix Abisag, Sunem xtenamit, chan.

2 Samuel 12:11

La̱in li Ka̱cuaꞌ ninye a̱cue nak tintakla li raylal saꞌ a̱be̱n. Ut eb la̱ cuechꞌalal, aꞌaneb chic li teꞌxba̱nu li raylal a̱cue. Yo̱kat chirilbal nak la̱in tinmakꞌeb la̱ cuixakil cha̱cuu ut tinqꞌueheb re jalan cui̱nk re teꞌcua̱nk riqꞌuin. Aꞌin ta̱uxma̱nk chiruheb chixjunileb laj Israel.

1 Samuel 27:12

Laj Aquis cꞌojcꞌo xchꞌo̱l riqꞌuin laj David. Quixye saꞌ xchꞌo̱l: —Laj David ta̱cꞌanjelak chicuu joꞌ najtil yoꞌyo̱k xban nak kꞌaxal xicꞌ chic ta̱ilekꞌ xbaneb laj Israel, li rech tenamitil, riqꞌuin li cꞌaꞌru yo̱ chixba̱nunquil, chan.

1 Samuel 13:4

Joꞌcan nak chixjunileb laj Israel queꞌrabi resil nak laj Saúl ac xeꞌxcamsi li jun chꞌu̱tal chi soldado li yo̱queb chi cꞌacꞌale̱nc aran Gabaa. Queꞌxnau nak xicꞌ nequeꞌileꞌ xbaneb laj filisteo. Ut chixjunileb queꞌco̱eb Gilgal re teꞌxchꞌutub ribeb riqꞌuin laj Saúl.

Levítico 20:11

Li cui̱nk li tixchꞌic rib riqꞌuin li rixakil lix yucuaꞌ naxcꞌut xxuta̱n lix yucuaꞌ. Li cui̱nk ut li ixk teꞌcamsi̱k.

Génesis 38:16

Laj Judá incꞌaꞌ naxnau nak aꞌan li ralib. Quijiloc chixcꞌatk ut quixye re, —China̱canab chi cua̱nc a̱cuiqꞌuin, chan. Li ixk quixye re: —¿Cꞌaꞌru ta̱qꞌue cue cui tincanab cuib cha̱cuu? chan.

Génesis 35:22

Nak ac cuanqueb chic saꞌ li naꞌajej aꞌan, laj Rubén quixchꞌic rib riqꞌuin lix Bilha li quicuan riqꞌuin lix yucuaꞌ joꞌ rixakil. Cꞌajoꞌ nak quijoskꞌoꞌ laj Israel nak quirabi cꞌaꞌru quixba̱nu li ralal. Cablaju eb li ralal laj Jacob queꞌcuan, li nayeman ajcuiꞌ aj Israel re.

Génesis 34:30

Laj Jacob quixye re laj Simeón joꞌ ajcuiꞌ re laj Leví: —La̱ex xeqꞌue jun li nimla raylal saꞌ inbe̱n la̱in. Anakcuan chixjunileb li cristian saꞌ li naꞌajej aꞌin xicꞌ chic tineꞌril, eb laj cananeo ut eb laj ferezeo. Ma̱re teꞌxchꞌutub ribeb re teꞌpletik kiqꞌuin. Ut la̱o coꞌxibo ajcuiꞌ. ¿Cꞌaꞌru takaba̱nu? To-osokꞌ chikajunilo, chan laj Jacob.

Génesis 6:4

Saꞌ eb li cutan aꞌan queꞌcuan cui̱nk ni̱nkeb rok. Ut eb li ralal xcꞌajol li Dios quilajeꞌcuan ralal xcꞌajol riqꞌuineb li ixk. Ut li ralal xcꞌajol eb aꞌan ni̱nkeb ajcuiꞌ rokeb. Eb li cui̱nk aꞌan cauheb rib ut naꞌno ruheb.

2 Samuel 16:20

Laj Absalón quixye re laj Ahitofel: —Qꞌue kanaꞌleb. ¿Cꞌaꞌru takaba̱nu anakcuan? chan.

2 Samuel 17:7

Laj Husai quixye re: —Li naꞌleb li xqꞌue laj Ahitofel anakcuan incꞌaꞌ us.

2 Samuel 10:6

Eb li ralal xcꞌajol laj Amón queꞌxqꞌue retal nak xicꞌ chic teꞌilekꞌ xban laj David. Joꞌcan nak queꞌxtoj junmay mil chi soldados re Siria li queꞌcuan saꞌ li cuib chi tenamit Bet-rehob ut Soba. Queꞌxtoj ajcuiꞌ lix reyeb laj Maaca rochben jun mil chi soldados. Joꞌcan ajcuiꞌ cablaju mil chi soldados re Is-tob.

2 Samuel 13:5

Laj Jonadab quixye re: —Yoclan saꞌ a̱cuarib ut ba̱nu a̱cuib joꞌ nak yajat. Nak ta̱cha̱lk la̱ yucuaꞌ cha̱cuilbal, ta̱ye re, “Ba̱nu usilal, takla lix Tamar li cui̱tzꞌin chixqꞌuebal lin tzacae̱mk. La̱in nacuaj nak ta̱cha̱lk arin re tixyi̱b intzacae̱mk chicuu ut tixqꞌue cue re tintzaca,” chaꞌakat re, chan laj Jonadab.

1 Reyes 11:25

Laj Rezón quicuan ajcuiꞌ chokꞌ xreyeb laj Siria. Ut xicꞌ quirileb laj Israel joꞌ najtil quicuan chokꞌ rey laj Salomón. Laj Hadad, aꞌan jun chic li cui̱nk xicꞌ na-iloc reheb laj Israel.