2 Samuel 16:20 - Li Santil hu

²⁰ Laj Absalón quixye re laj Ahitofel: —Qꞌue kanaꞌleb. ¿Cꞌaꞌru takaba̱nu anakcuan? chan.

Q'eqchi Bible

²⁰ Moqon chik laj Absalón kixpatz' re laj Ajitófel: “K'ehomaq qana'leb'. K'aru tento tqab'aanu anaqwan?”.

2 Samuel 16:20 ပူးပေါင်းရင်းမြစ်များ

San Mateo 27:1

Ut nak quisake̱u, queꞌxchꞌutub ribeb chixjunileb lix be̱nil aj tij ut eb laj cꞌamol be saꞌ xya̱nkeb laj judío. Queꞌxcꞌu̱b rib chanru teꞌxba̱nu re nak ta̱camsi̱k li Jesús.

Isaías 29:15

Raylal ta̱cha̱lk saꞌ xbe̱neb li nequeꞌxcꞌoxla xba̱nunquil chi mukmu chiru li Ka̱cuaꞌ li cꞌaꞌru nequeꞌxcꞌu̱b ru xba̱nunquil. Nequeꞌxcꞌoxla nak ma̱ ani na-iloc reheb. Saꞌ xchꞌo̱leb aꞌan nak ma̱ ani nanaꞌoc re li cꞌaꞌru nequeꞌxba̱nu.

Isaías 8:10

Usta te̱cꞌu̱b ru chi us li cꞌaꞌru te̱ba̱nu, abanan incꞌaꞌ us tex-e̱lk. Usta tex-a̱tinak chi nabal, abanan ma̱cꞌaꞌak aj e li cꞌaꞌru te̱ye xban nak la̱o cuan li Ka̱cuaꞌ kiqꞌuin.

Proverbios 21:30

Chiru li Ka̱cuaꞌ ma̱cꞌaꞌ na-oc cuiꞌ li naꞌleb re li ruchichꞌochꞌ.

Salmos 2:2

Eb li rey queꞌjoskꞌoꞌ riqꞌuin li cꞌaꞌru quixba̱nu li Ka̱cuaꞌ. Ut queꞌxchꞌutub rib chixcꞌu̱banquil chanru nak teꞌrisi saꞌ xcuanquil li Rey xakabanbil chak xban li Dios.

Éxodo 1:10

Anakcuan chicua̱nk taxak kanaꞌleb. Tocꞌoxlak chirix li cꞌaꞌru takaba̱nu re nak incꞌaꞌ chic teꞌqꞌuia̱nk. Cui ta̱cua̱nk li ple̱t ma̱re teꞌxjunaji rib riqꞌuin li xicꞌ nequeꞌiloc ke ut teꞌe̱lelik chiku, chan.

2 Samuel 16:19

¿Ani chi aj u tincꞌanjelak? ¿Ma ma̱cuaꞌ ta biꞌ chiru li ralal laj David tincꞌanjelak? Chanru nak xincꞌanjelac chiru la̱ yucuaꞌ, joꞌcan ajcuiꞌ nak tincꞌanjelak cha̱cuu la̱at, chan laj Husai.

2 Samuel 16:21

Laj Ahitofel quixye re: —Tatcua̱nk riqꞌuineb li ixk li xeꞌcuan riqꞌuin la̱ yucuaꞌ, li xeꞌcanaba̱c arin chi iloc cab. Cui ta̱ba̱nu chi joꞌcan, chixjunileb teꞌxnau nak la̱at xicꞌ chic nacat-ileꞌ xban la̱ yucuaꞌ ut teꞌcacuu̱k xchꞌo̱leb, chan.

2 Samuel 15:12

Nak laj Absalón yo̱ chi mayejac, quixtakla ajcuiꞌ xbokbal laj Ahitofel saꞌ li tenamit Gilo. Laj Ahitofel, aꞌan xcomoneb li nequeꞌqꞌuehoc xnaꞌleb li rey David. Chi joꞌcan yo̱queb chi ta̱mc li nequeꞌta̱ken re laj Absalón ut yo̱queb chi cacuu̱c xchꞌo̱leb riqꞌuin li yo̱queb chixba̱nunquil.