2 Samuel 16:10 - Li Santil hu

¹⁰ Abanan li rey quixye re: —Me̱ye cue chi joꞌcan, la̱ex lix yum lix Sarvia. Cui aꞌan yo̱ chinmajecuanquil, naxba̱nu xban nak li Ka̱cuaꞌ xyehoc re nak tixba̱nu chi joꞌcan. ¿Ani ta biꞌ ta̱ru̱k ta̱yehok re cꞌaꞌut nak yo̱ chixba̱nunquil chi joꞌcan? chan.

Q'eqchi Bible

¹⁰ Kichaq'ok li awab'ej: “A Abisay, k'aru wank we eerik'in laa'ex li yum lix Sarbia? Kanab' laj Semehí chinmajewankil. Wi li Qaawa' xyehok re: «Majewa laj David», ani truuq taayehoq re: «K'a'ut naq yookat chi xb'aanunkil chi jo'kan?»”.

2 Samuel 16:10 ပူးပေါင်းရင်းမြစ်များ

2 Samuel 19:22

Ut li rey David quixye: —La̱ex lix yum lix Sarvia, ma̱cuaꞌ la̱ex texyehok cue cꞌaꞌru tinba̱nu. ¿Cꞌaꞌut nak te̱raj nak tine̱takla? La̱in lix reyeb laj Israel. La̱in ninye nak ma̱ ani ta̱camsi̱k saꞌ li cutan aꞌin, chan.

Romanos 9:20

Aban la̱in tinye a̱cue, ¿anihat la̱at nak ta̱cuechꞌi rix li cꞌaꞌru naxba̱nu li Dios? Junak li cuc incꞌaꞌ ta̱ru̱k tixye re laj pacꞌol re, ¿Cꞌaꞌut nak xina̱yi̱b chi joꞌcaꞌin?

San Juan 18:11

Li Jesús quixye re laj Pedro: —Xoc la̱ chꞌi̱chꞌ saꞌ xnaꞌaj. ¿Ma incꞌaꞌ ta biꞌ tento nak tincꞌul li raylal aꞌin? ¿Ma incꞌaꞌ ta biꞌ aꞌan aj e nak xinixtakla chak lin Yucuaꞌ? chan.

1 Pedro 2:23

Nak quihobeꞌ li Cristo, incꞌaꞌ quixsume ru. Ut nak yo̱ chixcꞌulbal li raylal, ma̱cꞌaꞌ quixye. Incꞌaꞌ quixmajecuaheb. Quixkꞌaxtesi ban rib saꞌ rukꞌ li Dios, li narakoc a̱tin saꞌ ti̱quilal.

San Mateo 16:23

Ut li Jesús quixsukꞌisi rib chirilbal laj Pedro ut quixye re: —Elen arin saꞌ xnakꞌ cuu. La̱at chanchanat laj tza. Michꞌinan inchꞌo̱l a̱ban chixba̱nunquil li cꞌaꞌru tento tinba̱nu. La̱at incꞌaꞌ yo̱cat chixcꞌoxlanquil joꞌ naxcꞌoxla li Dios. Yo̱cat ban chixcꞌoxlanquil joꞌ naxcꞌoxla li cui̱nk, chan.

Daniel 4:35

Chixjunileb li cuanqueb saꞌ ruchichꞌochꞌ ma̱cꞌaꞌeb xcuanquil chiru aꞌan. Li Ka̱cuaꞌ kꞌaxal nim xcuanquil saꞌ xbe̱neb li cuanqueb saꞌ choxa joꞌ ajcuiꞌ saꞌ ruchichꞌochꞌ. Naxba̱nu li cꞌaꞌru naraj aꞌan ut ma̱ ani naru naa̱tinac chirix.

2 Samuel 3:39

Usta la̱in li rey li sicꞌbil cuu xban li Dios, abanan nacuecꞌa nak ma̱cꞌaꞌ incuanquil. Eb li cui̱nk aꞌin, lix yum lix Sarvia, kꞌaxal cauheb rib chicuu la̱in. Li Ka̱cuaꞌ chiqꞌuehok reheb chixtojbal xma̱queb joꞌ xcꞌulubeb xban li ma̱usilal queꞌxba̱nu, chan laj David.

Génesis 50:20

Relic chi ya̱l nak la̱ex xeya̱ba li incꞌaꞌ us saꞌ inbe̱n. Abanan li Ka̱cuaꞌ Dios xjal ru chokꞌ usilal. Xban nak cuanquin arin la̱in, nabaleb toj yoꞌyo̱queb inban. Nabal li tenamit xeꞌcoleꞌ saꞌ incꞌabaꞌ la̱in nak xcuan li cueꞌej.

Eclesiastés 8:4

Li ra̱tin li rey, aꞌan cuan xcuanquil. Ut ma̱ ani naru ta̱yehok re nak incꞌaꞌ us naxba̱nu.

Li xHu LAJ JOB 9:12

Cui li Dios narisi li cꞌaꞌak re ru chiru li junju̱nk, ¿ma naru ta biꞌ takaye nak incꞌaꞌ? ¿Ma cuan ta biꞌ junak ta̱ru̱k tixye nak incꞌaꞌ us naxba̱nu?

2 Reyes 18:25

¿Ma ma̱cuaꞌ ta biꞌ li Ka̱cuaꞌ xtaklan chak cue saꞌ li naꞌajej aꞌin chi pletic? ¿Ma xinchal ta biꞌ chixsachbal ru yal injunes?” chan.

1 Reyes 2:5

La̱at nacanau cꞌaꞌru quixba̱nu cue laj Joab lix yum lix Sarvia. Nacanau nak quixcamsiheb li cuib li queꞌtaklan saꞌ xbe̱neb li soldados aj Israel. Quixcamsi laj Abner li ralal laj Ner ut quixcamsi ajcuiꞌ laj Amasa li ralal laj Jeter. Incꞌaꞌ yo̱ li ple̱t nak quixcamsiheb re xqꞌuebal re̱kaj li camsi̱nc queꞌxba̱nu nak yo̱ li ple̱t. Ut riqꞌuin li camsi̱nc li quixba̱nu, quixqꞌue saꞌ inbe̱n la̱in li ma̱c, usta aꞌan raj li cuan xma̱c.

San Mateo 8:29

Ut eb aꞌan queꞌxjap re chixyebal: —¿Cꞌaꞌru ta̱cuaj kiqꞌuin, at Jesús? La̱at ralalat li nimajcual Dios. ¿Ma xatchal arin chikachꞌiꞌchꞌiꞌinquil chi toj ma̱jiꞌ xkꞌehil li rakba a̱tin? chanqueb.

1 Reyes 17:18

Li naꞌbej quixye re laj Elías: —¿Cꞌaꞌru inma̱c cha̱cuu, at xprofeta li Dios? ¿Ma xatchal cuiqꞌuin chixjulticanquil lin ma̱c ut chixcamsinquil lin chꞌina yum? chan.

Salmos 39:9

Incꞌaꞌ tina̱tinak. Ma̱cꞌaꞌ tinye xban nak la̱at xina̱canab chixcꞌulbal li raylal aꞌin.

1 Samuel 26:19

At rey, chacuabi taxak li cꞌaꞌru tinye, la̱in aj cꞌanjel cha̱cuu. Cui li Ka̱cuaꞌ quixye a̱cue nak xicꞌ chic tina̱cuil, us raj tixcꞌu̱luban ta junak mayej re nak tixjal xcꞌaꞌux. Abanan, cui ut yal cui̱nk li yo̱queb chi yehoc a̱cue nak ta̱ba̱nu raylal cue, aꞌ taxak li Ka̱cuaꞌ chimajecua̱nk reheb xban nak xineꞌrisi saꞌ lin tenamit bar nequeꞌxlokꞌoni cuiꞌ li Ka̱cuaꞌ. Ut yo̱queb chintaklanquil re nak tinlokꞌoni li jalanil dios.

2 Samuel 19:23

Ut li rey David quixba̱nu li juramento ut quixye re laj Simei nak incꞌaꞌ ta̱camsi̱k.

Lamentaciones 3:37

¿Ani ta biꞌ ta̱ru̱k tixye cꞌaꞌru tixcꞌul junak cui moco joꞌcan ta naraj li Dios?