2 Samuel 16:1 - Li Santil hu

¹ Nak laj David yo̱ chi cubec jun pacꞌal li tzu̱l, quixcꞌul laj Siba lix mo̱s laj Mefi-boset. Laj Siba yo̱ chi cha̱lc chixcꞌulbal laj David. Quixcꞌameb chak cuib li bu̱r cuan ri̱keb. Li bu̱r yo̱queb chak chiri̱kanquil cuib ciento li caxlan cua, jun ciento cu̱t li chaki uvas ut jun ciento li caxlan cua yi̱banbil riqꞌuin chaki higo ut jun bo̱ls tzꞌu̱m li vino.

Q'eqchi Bible

¹ Ak yo chi kub'eek laj David junpak'al li tzuul naq laj Sibá, laj k'anjel chiru laj Mefibóset, ki'elk chaq chi xk'ulb'al rochb'een wiib' chi b'uur, yookeb' chi riiqankil lajeek'aal (200) chi wa, o'k'aal (100) kuut chi chaqi uub', o'k'aal chi chaab'il ru che' ut jun kuk tz'uum chi b'iin.

2 Samuel 16:1 ပူးပေါင်းရင်းမြစ်များ

1 Samuel 25:18

Lix Abigail saꞌ junpa̱t quixchꞌutub cuib ciento li caxlan cua, cuib bo̱ls li vino, o̱b li carner ac pombil, cuib ni̱nki chacach li trigo ac qꞌuilinbil, jun ciento jo̱b li uvas, ut cuib ciento li caxlan cua yi̱banbil riqꞌuin chaki higos. Quixqꞌue chixjunil aꞌin chirixeb lix bu̱r.

2 Samuel 15:32

Nak laj David quicuulac saꞌ xbe̱n li tzu̱l li nequeꞌxlokꞌoni cuiꞌ li Dios, quichal laj Husai laj arquita chixcꞌulbal. Pejel li rakꞌ ut cuan poks saꞌ xjolom.

Amós 8:1

Chanchan matqꞌuenbil quinba̱nu nak li Ka̱cuaꞌ quixcꞌutbesi cuiꞌchic chicuu jun li visión. Quicuil jun li chacach nujenak riqꞌuin quiꞌil kꞌe̱n ac xkꞌanoꞌ.

Jeremías 40:12

Joꞌcan nak queꞌsukꞌi chak Judá nabaleb laj judío li queꞌjeqꞌui̱c yalak bar. Queꞌcuulac riqꞌuin laj Gedalías aran Mizpa chixpatzꞌbal lix naꞌajeb. Ut queꞌxxoc nabal li xyaꞌal li uva ut li ru li racui̱mkeb.

Jeremías 40:10

La̱in tincana̱k Mizpa ut tin-oque̱nk che̱rix nak eb laj Babilonia teꞌcha̱lk chi a̱tinac kiqꞌuin. La̱ex naru texcana̱k arin chixsicꞌbal ru li uvas ut li ru li cheꞌ li na-el saꞌ sakꞌehil ut li aceite. Te̱xoc saꞌ eb li cab li naxoqueꞌ cuiꞌ li cꞌaꞌak re ru. Cana̱kex saꞌ eb li tenamit li xesicꞌ ru, chan.

1 Crónicas 12:40

Eb li tenamit li cuanqueb chi nachꞌ queꞌxcꞌam chak xtzacae̱mkeb. Joꞌcan ajcuiꞌ eb li ralal xcꞌajol laj Isacar, eb li ralal xcꞌajol laj Zabulón ut eb li ralal xcꞌajol laj Neftalí. Queꞌxcꞌam nabal li tzacae̱mk chirixeb li bu̱r ut chirixeb li camello ut chirixeb li mu̱l. Ut cuan ajcuiꞌ quelonbil xbaneb li bo̱yx. Li tzacae̱mk li queꞌxcꞌam chak, aꞌan cꞌaj, caxlan cua yi̱banbil riqꞌuin higo, chaki uvas, vino ut aceite. Ut queꞌxcꞌam ajcuiꞌ bo̱yx ut carner. Kꞌaxal nabal li cꞌaꞌak re ru queꞌxcꞌam re teꞌxtzaca xban nak kꞌaxal sa saꞌ xchꞌo̱leb laj Israel.

2 Samuel 19:32

Laj Barzilai ac ti̱x chic. Ca̱cꞌa̱l chihab cuan re. Aꞌan li cui̱nk li quiqꞌuehoc xtzacae̱mk li rey nak cuan aran Mahanaim xban nak kꞌaxal biom.

2 Samuel 15:30

Nak laj David yo̱ chi taksi̱nc saꞌ li tzu̱l Olivos, yo̱ chi ya̱bac. Tzꞌaptzꞌo xjolom ut ma̱cꞌaꞌ xxa̱b chi rok xban xrahil xchꞌo̱l. Ut chixjunileb li yo̱queb chi ta̱ke̱nc re queꞌxtzꞌap lix jolomeb ut yo̱queb ajcuiꞌ chi ya̱bac.

1 Samuel 16:20

Ut laj Isaí quixtakla laj David riqꞌuin laj Saúl. Ut quixtakla ajcuiꞌ nabal li caxlan cua, li vino ut jun li chiba̱t toj sa̱j chokꞌ re laj Saúl. Ut quixtakla ajcuiꞌ jun li bu̱r li ta̱i̱ka̱nk re chixjunil.

1 Samuel 10:3

La̱at tat-e̱lk saꞌ li naꞌajej aꞌan ut tatxic toj tatcuulak cuan cuiꞌ li nimla cheꞌ ji aran Tabor. Aran ta̱cꞌuleb oxib li cui̱nk li yo̱queb chi xic Bet-el chixlokꞌoninquil li Dios. Li jun yo̱k chixcꞌambal oxib li cocꞌ chiba̱t. Li xcab yo̱k chixcꞌambal oxib li caxlan cua. Ut li rox yo̱k chixcꞌambal jun botella li vino.

Miqueas 7:1

Tokꞌob xak cuu. Chanchanin jun li cui̱nk li naxsicꞌ li ru li acui̱mk saꞌ sakꞌehil abanan ma̱cꞌaꞌ chic ru. Ac sicꞌbil. Xinsicꞌ li ru li uva abanan ac sicꞌbil ajcuiꞌ ut la̱in aꞌ raj li xbe̱n ru xcuaj, abanan incꞌaꞌ chic xintau.

Proverbios 18:16

Riqꞌuin junak li ma̱tan li ta̱si, naru naqꞌueheꞌ a̱cue li cꞌaꞌru ta̱tzꞌa̱ma. Ut naru nacat-oc chi a̱tinac riqꞌuineb li cuanqueb saꞌ xcuanquil.

2 Samuel 19:17

Laj Simei quixcꞌameb chirix jun mil chi cui̱nk xcomoneb li ralal xcꞌajol laj Benjamín. Cuan rochbeneb aꞌan laj Siba, li quicuan chokꞌ xmo̱s laj Saúl. Laj Siba quixcꞌam chirix oꞌlaju li ralal ut junmay lix mo̱seb. Eb aꞌan queꞌnumeꞌ jun pacꞌal li nimaꞌ Jordán nak toj ma̱jiꞌ nacuulac li rey.