2 Samuel 15:25 - Li Santil hu

²⁵ Li rey quixye re laj Sadoc: —Cꞌam cuiꞌchic li Lokꞌlaj Ca̱x saꞌ li tenamit. Cui li Ka̱cuaꞌ Dios sahak xchꞌo̱l cuiqꞌuin, aꞌan ta̱qꞌuehok cuiꞌchic cue chi sukꞌi̱c re nak ta̱ru̱k tincuil cuiꞌchic li Lokꞌlaj Ca̱x saꞌ lix naꞌaj.

Q'eqchi Bible

²⁵ Ab'an li awab'ej kixye re laj Sadok: “K'am wi' chik li xLoq'laj Kaax li Yos sa' li tenamit. Wi usilal xintaw chiru li Qaawa', A'an tinxk'e chi sutq'iik re naq twil wi' chik li Loq'laj Kaax ut li xmuheb'aal.

2 Samuel 15:25 ပူးပေါင်းရင်းမြစ်များ

Jeremías 25:30

At Jeremías, ta̱ye reheb chixjunil li tinye a̱cue. Ta̱ye reheb chi joꞌcaꞌin: Li Ka̱cuaꞌ ta̱a̱tinak chak saꞌ choxa chi cau xya̱b xcux. Toj saꞌ lix santil naꞌaj ta̱a̱tinak ut tixye resil li raylal cha̱lc re saꞌ xbe̱n lix tenamit. Tixjap re joꞌ nak nequeꞌxjap reheb li nequeꞌyatzꞌoc re li uvas. Chixjunileb li cuanqueb saꞌ ruchichꞌochꞌ teꞌrabi nak ta̱a̱tinak li Ka̱cuaꞌ.

Salmos 84:10

Kꞌaxal lokꞌ li cua̱nc saꞌ la̱ templo usta jun cutan ajcuiꞌ chiru li cua̱nc jun mil cutan saꞌ jalan naꞌajej. Kꞌaxal us chokꞌ cue la̱in cua̱nc saꞌ la̱ cuochoch, usta caꞌaj cuiꞌ rilbal li oqueba̱l tinba̱nu, chiru li cua̱nc saꞌ jun cha̱bil naꞌajej li nequeꞌxba̱nu cuiꞌ li ma̱usilal.

Salmos 26:8

At Ka̱cuaꞌ, la̱in ninra la̱ cuochoch nacatcuan cuiꞌ, li naꞌajej li nacuan cuiꞌ lix nimal la̱ lokꞌal.

Éxodo 15:13

Xban nak kꞌaxal nim la̱ cuusilal, la̱at yo̱cat chi cꞌamoc be chiku ut xoa̱col. Riqꞌuin lix nimal a̱cuanquilal toa̱cꞌam saꞌ li naꞌajej li xayechiꞌi ke junxilaj.

Jeremías 7:4

Me̱pa̱b li nequeꞌxye laj balakꞌ. Eb aꞌan nequeꞌxye, ‘Ma̱cꞌaꞌ takacꞌul xban nak arin cuan lix templo li Dios,’ chanqueb.

Isaías 38:22

Laj Ezequías quixpatzꞌ: —¿Cꞌaꞌru li retalil tixcꞌutbesi chicuu nak la̱in tinxic cuiꞌchic saꞌ lix templo li Ka̱cuaꞌ? chan.

Salmos 122:9

Xban nak ninra li rochoch li Ka̱cuaꞌ li kaDios, la̱in nintzꞌa̱ma li rusilal li Dios saꞌ xbe̱n lin tenamit Jerusalén.

Salmos 122:1

La̱in quisahoꞌ saꞌ inchꞌo̱l nak queꞌxye cue: Yoꞌkeb saꞌ rochoch li Ka̱cuaꞌ.

2 Samuel 7:2

Laj David quixye re li profeta Natán: —¡Qꞌue retal! La̱in cuanquin saꞌ cha̱bil cab yi̱banbil riqꞌuin li cheꞌ chacalteꞌ. Abanan li muheba̱l li cuan cuiꞌ lix Lokꞌlaj Ca̱x li Ka̱cuaꞌ, aꞌan yal riqꞌuin tꞌicr yi̱banbil, chan.

2 Samuel 6:17

Queꞌxcꞌam lix Lokꞌlaj Ca̱x li Ka̱cuaꞌ ut queꞌxqꞌue saꞌ xnaꞌaj saꞌ xyi li muheba̱l li quixyi̱b laj David. Ut laj David quixcꞌat li mayejanbil xul chiru li Ka̱cuaꞌ ut quixqꞌue xmayej re xcꞌambal ribeb saꞌ usilal riqꞌuin li Ka̱cuaꞌ.

Éxodo 33:12

Laj Moisés quixye re li Dios: —La̱at xaye cue nak tincꞌamok be chiruheb li cristian, aban incꞌaꞌ xaye cue ani ta̱ochbeni̱nk cue. Ut xaye cue nak sicꞌbil cuu a̱ban. Xaye ajcuiꞌ cue nak xincꞌam cuib saꞌ usilal cha̱cuu.

Éxodo 33:13

Cui la̱in xincꞌam cuib saꞌ usilal cha̱cuu, ba̱nu usilal ye cue chi tzꞌakal li cꞌaꞌru ta̱cuaj la̱at re nak tinnau chi tzꞌakal cꞌaꞌru ta̱cuaj ut tincꞌam cuib saꞌ usilal cha̱cuu. Ba̱nu usilal julticak ajcuiꞌ a̱cue nak a̱cue li tenamit aꞌin, chan.