2 Samuel 15:24 - Li Santil hu

²⁴ Laj Sadoc laj tij cuan rochben, joꞌqueb ajcuiꞌ laj levita li yo̱queb chi pako̱nc re lix Lokꞌlaj Ca̱x li Ka̱cuaꞌ. Queꞌxqꞌue saꞌ chꞌochꞌ li Lokꞌlaj Ca̱x cuan cuiꞌ laj Abiatar laj tij toj retal queꞌel chixjunileb li cristian saꞌ li tenamit.

Q'eqchi Bible

²⁴ Yookeb' ajwi' chi xik rochb'een a'an, laj Sadok ut chixjunileb' laj Leví, yookeb' chi xk'amb'al li xLoq'laj Kaaxil li xSumwank li Yos. Koxe'xk'e li Loq'laj Kaax chi xk'atq laj Abiatar toj reetal ke'elk sa' li tenamit chixjunileb' li poyanam.

2 Samuel 15:24 ပူးပေါင်းရင်းမြစ်များ

2 Samuel 8:17

Laj Sadoc, ralal laj Ahitob, ut laj Ahimelec, ralal laj Abiatar, aꞌan eb laj tij. Ut laj Seraías, aꞌan laj tzꞌi̱b.

Números 4:15

Nak ac oc reheb chixjalbal lix naꞌajeb, laj Aarón ut eb li ralal teꞌxlan chixjunil li cꞌaꞌak re ru li nacꞌanjelac saꞌ li tabernáculo ut teꞌcha̱lk li ralal xcꞌajol laj Coat chixpakonquil. Abanan incꞌaꞌ naru teꞌxchꞌeꞌ li cꞌaꞌru kꞌaxtesinbil re li Ka̱cuaꞌ re nak incꞌaꞌ teꞌca̱mk. Aꞌan aꞌin lix cꞌanjeleb li ralal xcꞌajol laj Coat saꞌ li tabernáculo.

2 Samuel 20:25

Laj Seva, aꞌan laj tzꞌi̱b. Ut laj Sadoc ut laj Abiatar, aꞌaneb laj tij.

1 Samuel 22:20

Abanan laj Abiatar, jun reheb li ralal laj Ahimelec li ralal laj Ahitob, incꞌaꞌ queꞌxcamsi xban nak quie̱lelic ut co̱ riqꞌuin laj David.

Ezequiel 48:11

Li naꞌajej aꞌan reheb laj tij li ralal xcꞌajol laj Sadoc li santobresinbileb chi cꞌanjelac chiru li Dios. Junelic queꞌcuan saꞌ ti̱quilal chiru. Incꞌaꞌ queꞌxtzꞌekta̱na li Dios joꞌ queꞌxba̱nu li ralal xcꞌajol laj Leví nak eb laj Israel queꞌxtzꞌekta̱na li Dios.

1 Crónicas 15:2

Ut laj David quixye: —Lix Lokꞌlaj Ca̱x li Ka̱cuaꞌ incꞌaꞌ naru nacꞌameꞌ xban yalak ani. Caꞌaj eb cuiꞌ laj levita naru nequeꞌcꞌamoc re xban nak aꞌaneb li queꞌsiqꞌueꞌ ruheb xban li Ka̱cuaꞌ chixcꞌambal li Lokꞌlaj Ca̱x ut chi cꞌanjelac chiru chi junelic, chan.

1 Reyes 2:35

Ut li rey Salomón quixqꞌue laj Benaía li ralal laj Joiada chi takla̱nc saꞌ xbe̱neb li soldados chokꞌ re̱kaj laj Joab. Ut quixqꞌue laj Sadoc laj tij chi cꞌanjelac chokꞌ re̱kaj laj Abiatar.

1 Reyes 1:8

Abanan laj Sadoc laj tij ut laj Benaía li ralal laj Joiada incꞌaꞌ queꞌoquen chirix laj Adonías. Ut li profeta Natán ut laj Simei ut laj Rei incꞌaꞌ queꞌoquen chirix. Joꞌcaneb ajcuiꞌ lix soldado laj David, li kꞌaxal cha̱bileb.

2 Samuel 15:35

Aran cuanqueb laj Sadoc ut laj Abiatar, eb laj tij. Chixjunil li cꞌaꞌru ta̱cuabi saꞌ li rochoch li rey, ta̱ye reheb.

2 Samuel 15:27

Ut li rey David quixye ajcuiꞌ re laj Sadoc laj tij: —¿Ma ma̱cuaꞌ ta biꞌ la̱at aj kꞌe? Sukꞌin anakcuan saꞌ li tenamit chi ma̱cꞌaꞌ a̱cꞌaꞌux ut ta̱cꞌameb cha̱cuix laj Ahimaas la̱ cualal joꞌ ajcuiꞌ laj Jonatán li ralal laj Abiatar.

2 Samuel 6:13

Nak ac xeꞌxqꞌue cuakib yoc li yo̱queb chi cꞌamoc re li Lokꞌlaj Ca̱x, laj David quixmayeja chiru li Ka̱cuaꞌ jun li bo̱yx ut jun li carner nim xtibel.

1 Samuel 4:11

Ut eb laj filisteo queꞌxcꞌam li Lokꞌlaj Ca̱x ut queꞌxcamsi laj Ofni ut laj Finees, li cuib chi ralal laj Elí.

Josué 6:6

Laj Josué quixbokeb laj tij ut quixye reheb: —Cꞌamomak lix Lokꞌlaj Ca̱x li Ka̱cuaꞌ. Ut cuukub e̱re teꞌxcꞌam lix xucub li carner re teꞌxya̱basi ut teꞌxic chi ubej chiru lix Lokꞌlaj Ca̱x li Ka̱cuaꞌ.—

Josué 6:4

Cuukub eb laj tij teꞌxcꞌam junju̱nk xxucubeb li carner re teꞌxya̱basi. Aꞌaneb li teꞌcꞌamok be chiru li Lokꞌlaj Ca̱x. Ut saꞌ lix cuuk li cutan te̱suti rix li tenamit cuukub sut. Ut eb laj tij yo̱keb chixya̱basinquil li xucub.

Josué 3:6

Ut laj Josué quixye ajcuiꞌ reheb laj tij: —Pakomak li Lokꞌlaj Ca̱x ut numenkex chiruheb li tenamit, chan. Ut eb aꞌan queꞌxpako li Lokꞌlaj Ca̱x ut queꞌnumeꞌ chiruheb li tenamit.

Josué 3:3

Ut queꞌxye reheb chixjunileb chi joꞌcaꞌin: —Nak te̱ril nak yo̱k chak chi cha̱lc li Lokꞌlaj Ca̱x li yo̱keb chak chixcꞌambal eb laj levita laj tij, la̱ex tex-e̱lk chak saꞌ le̱ naꞌaj ut texxic chirix,

Números 7:9

Abanan li ralal xcꞌajol laj Coat ma̱cꞌaꞌ quixqꞌue reheb xban nak eb aꞌan teꞌxpako saꞌ xbe̱neb xtel li cꞌaꞌru santobresinbil li tenebanbil saꞌ xbe̱neb xcꞌambal.

1 Reyes 2:26

Ut li rey Salomón quixye re laj Abiatar laj tij: —Ayu Anatot saꞌ la̱ tenamit. A̱cꞌulub raj li ca̱mc, abanan incꞌaꞌ tatincamsi xban nak la̱at catcꞌamoc re li Lokꞌlaj Ca̱x nak laj David lin yucuaꞌ quicuan chokꞌ rey. Ut xattzꞌakon ajcuiꞌ riqꞌuin li raylal li quixcꞌul lin yucuaꞌ, chan.