2 Samuel 15:18 - Li Santil hu

¹⁸ Chixjunileb li nequeꞌtaklan saꞌ xbe̱neb lix soldados, queꞌxakli chixcꞌatk li rey. Eb laj cereteo ut eb laj peleteo li nequeꞌcꞌacꞌalen re li rey saꞌ li ple̱t queꞌnumeꞌ chiru. Ut queꞌnumeꞌ ajcuiꞌ eb li cuakib ciento li soldados li queꞌchal Gat.

Q'eqchi Bible

¹⁸ Rochb'een a'an wankeb' li xjolomileb' laj puub'. Ut eb' laj Keret, eb' laj Pélet, eb' laj Itay ut chixjunileb' laj Kit (lajeek'aal xkab' o'q'ob' chi winq li ke'taaqenk re laj David chalen chaq Gat) ke'nume'k chiru li awab'ej.

2 Samuel 15:18 ပူးပေါင်းရင်းမြစ်များ

2 Samuel 8:18

Laj Benaía, li ralal laj Joiada, aꞌan li quitaklan saꞌ xbe̱neb laj cereteo ut eb laj peleteo. Eb li ralal laj David, aꞌaneb li ni̱nkeb xcuanquil saꞌ xya̱nkeb.

1 Crónicas 18:17

Laj Benaía, li ralal laj Joiada, aꞌan li quitaklan saꞌ xbe̱neb laj cereteo ut eb laj peleteo. Eb li ralal laj David, aꞌaneb li ni̱nkeb xcuanquil saꞌ xya̱nkeb.

1 Reyes 1:38

Queꞌco̱eb laj Sadoc laj tij rochbeneb li profeta Natán ut laj Benaía li ralal laj Joiada, joꞌqueb ajcuiꞌ laj cereteo ut eb laj peleteo. Queꞌxqꞌue laj Salomón chirix li mu̱l li nabe̱c cuiꞌ li rey David. Queꞌxcꞌam saꞌ li naꞌajej cuan cuiꞌ li yuꞌam haꞌ Gihón.

2 Samuel 20:23

Laj Joab quicana chi takla̱nc saꞌ xbe̱neb chixjunileb lix soldados aj Israel. Ut laj Benaía li ralal laj Joiada quicana chi takla̱nc saꞌ xbe̱neb laj cereteo ut eb laj peleteo.

2 Samuel 20:7

Joꞌcan nak queꞌco̱eb chixjunileb li cuanqueb rubel xtakl laj Joab. Queꞌco̱eb ajcuiꞌ eb laj cereteo, eb laj peleteo, joꞌ eb ajcuiꞌ chixjunileb li cauheb xchꞌo̱l chi pletic. Queꞌel Jerusalén re teꞌxic chixsicꞌbal laj Seba, li ralal laj Bicri.

1 Samuel 30:14

La̱o xocuulac aran Neguev bar cuanqueb cuiꞌ eb laj cereteo. Ut xocuulac ajcuiꞌ aran Judá ut aran Neguev saꞌ lix naꞌaj laj Caleb. Ut xkacꞌat ajcuiꞌ li tenamit Siclag, chan.

2 Samuel 18:2

Quixtaklaheb saꞌ oxib chꞌu̱tal. Laj Joab yo̱ chi takla̱nc saꞌ xbe̱n li jun chꞌu̱tal. Laj Abisai, lix yum lix Sarvia, yo̱ chi takla̱nc saꞌ xbe̱n li xcaꞌ chꞌu̱tal. Laj Abisai, aꞌan li ri̱tzꞌin laj Joab. Ut laj Itai li chalenak Gat, aꞌan li yo̱ chi takla̱nc saꞌ xbe̱n li rox chꞌu̱tal. Ut li rey David quixye reheb: —Tinxic ajcuiꞌ la̱in che̱rix, chan.

2 Samuel 6:10

Ut incꞌaꞌ chic quixcꞌam li Lokꞌlaj Ca̱x toj Jerusalén saꞌ lix tenamit laj David. Quixtakla ban xcanabanquil saꞌ rochoch laj Obed-edom saꞌ li tenamit Gat.

1 Samuel 27:3

Laj David ut eb lix soldados queꞌcuan riqꞌuin laj Aquis aran Gat rochbeneb li rixakileb ut eb lix cocꞌal. Cuib li rixakil laj David cuan rochben. Aꞌaneb lix Ahinoam re Jezreel ut lix Abigail li quicuan chokꞌ rixakil laj Nabal aran Carmel.

1 Samuel 23:13

Joꞌcan nak laj David ut eb li cuanqueb rochben queꞌel Keila ut queꞌxbeni ribeb yalak bar. Cuakib ciento (600) ta na li cuanqueb rochben laj David. Nak laj Saúl quirabi nak ac x-el Keila laj David, quixjal xcꞌaꞌux ut incꞌaꞌ chic co̱ Keila.

1 Samuel 25:13

Tojoꞌnak laj David quixye reheb: —Chapomak le̱ chꞌi̱chꞌ, chan. Ut chixjunileb queꞌxqꞌue xchꞌi̱chꞌeb saꞌ xcꞌa̱mal xsaꞌ. Ut laj David quixchap ajcuiꞌ lix chꞌi̱chꞌ ut quixcꞌam chirix ca̱hib ciento li soldados nak co̱ riqꞌuin laj Nabal. Cuib ciento queꞌcana aran chixcꞌacꞌalenquil li cꞌaꞌruheb re.

1 Samuel 30:1

Saꞌ rox li cutan laj David ut eb li cuanqueb rochben queꞌcuulac saꞌ lix tenamit Siclag. Queꞌxqꞌue retal nak eb laj Amalec ac xeꞌoc saꞌ eb li naꞌajej Neguev ut Siclag. Queꞌxcꞌam li cꞌaꞌru cuan aran ut queꞌxcꞌat li tenamit.

1 Samuel 30:9

Joꞌcan nak queꞌco̱eb laj David rochbeneb li cuakib ciento chi cui̱nk chixsicꞌbaleb laj Amalec. Nak queꞌcuulac cuan cuiꞌ li nimaꞌ Besor,

2 Samuel 15:17

Najt ac xeꞌbe̱c nak coxeꞌxakli̱k laj David ut chixjunileb li cuanqueb rochben.

1 Samuel 27:4

Laj Saúl quirabi resil nak laj David co̱ saꞌ li tenamit Gat. Joꞌcan nak quixcanab xsicꞌbal laj David.