2 Samuel 15:13 - Li Santil hu

¹³ Jun li takl quichal riqꞌuin laj David ut quixye re: —Chixjunileb laj Israel queꞌxqꞌue xchꞌo̱l chi oque̱nc chirix laj Absalón.

Q'eqchi Bible

¹³ Jun aj esil kiwulak rik'in li awab'ej chi xyeeb'al naq li xch'ooleb' laj Israel yo chi xik chirix laj Absalón.

2 Samuel 15:13 ပူးပေါင်းရင်းမြစ်များ

Jueces 9:3

Eb li ras lix naꞌ laj Abimelec queꞌxserakꞌi chixjunil aꞌin reheb li cuanqueb Siquem. Ut queꞌxcꞌul xchꞌo̱leb nak laj Abimelec ta̱takla̱nk saꞌ xbe̱neb xban nak aꞌan xcomoneb, chanqueb.

San Mateo 27:22

Quixye laj Pilato reheb: —Ut, ¿cꞌaꞌ put ru ta̱ru̱k tinba̱nu la̱in riqꞌuin li Jesús, li Cristo nequeꞌxye re?— Ut chixjunileb queꞌxye: —¡Chiqꞌuehekꞌ chiru cruz!—

2 Samuel 15:6

Laj Absalón quixba̱nu chi joꞌcan riqꞌuineb chixjunileb laj Israel li queꞌcuulac chirilbal li rey. Joꞌcan nak quixkꞌunbesiheb laj Israel.

San Mateo 21:9

Nak yo̱ chi xic li Jesús cuan yo̱queb chi xic chiru ut cuan yo̱queb chi xic chirix. Japjo̱queb re chixyebal: —Lokꞌoninbil taxak laj Colol ke, li ralal xcꞌajol li rey David. Osobtesinbil taxak li yo̱ chak chi cha̱lc saꞌ xcꞌabaꞌ li Ka̱cuaꞌ Dios. Aj Colol ke taxak li xchal chak riqꞌuin li Dios, chanqueb.

Salmos 62:9

Li cristian ma̱cꞌaꞌ nequeꞌoc cuiꞌ. Usta cuanqueb xcuanquil, usta ma̱cꞌaꞌeb xcuanquil ma̱cꞌaꞌ nequeꞌoc cuiꞌ. Nak ta̱rakekꞌ a̱tin saꞌ xbe̱neb, aran ta̱cꞌutu̱nk nak chixjunileb juntakꞌe̱teb. Chanchan nak nabiseꞌ junak cꞌaꞌ re ru incꞌaꞌ a̱l. Na-apu̱c xban li ikꞌ.

2 Samuel 3:36

Chixjunileb li tenamit queꞌxqꞌue retal li quixba̱nu li rey David ut queꞌsahoꞌ saꞌ xchꞌo̱leb. Chixjunil li quixba̱nu li rey David quicuulac chiruheb.

Salmos 3:1

At Ka̱cuaꞌ, nabaleb li xicꞌ nequeꞌiloc cue. Nabaleb li nequeꞌraj numta̱c saꞌ inbe̱n.